A crise de_valores_e_a_falta_de_interese_preocupan_ao_profesorado
1. A CRISE DE VALORES E A FALTA DE INTERESE PREOCUPAN AO
PROFESORADO
Nun informe que publica un sindicato do ensino sobre o perfil do profesorado e os seus
intereses, resáltase que a crise de valores e a falta de esforzo e interese do alumnado son
dous dos problemas que máis preocupan aos docentes, ao que se suma a falta de apoio
das familias e a burocratización da Ensinanza.
Noutros artigos publicados na prensa diaria e especializada podemos ler a miúdo casos
de violencia entre os alumnos, de estes cara o profesorado, dos pais cara o
profesorado…
Celebramos o Día da Paz, hai un servicio de orientación nos Centros, moitas horas
adicadas a tutorías por parte do profesorado e, sen embargo, -e sen pretender xeralizar-
hai crise de valores e pouco esforzo e interese.
O equilibrio entre escola e familia é fundamental. É necesaria a implicación máis forte
dos pais na educación dos seus fillos. A familia ten que ser a encargada de darlle aos
nenos e nenas unha educación baseada en valores que saquen o mellor de cada un. Hai
que volver a poñer de moda a cultura do esforzo e as “boas formas”.
Como se fai? Facendo cousas tan simples como léndolles un conto, controlando o seu
consumo televisivo, mirándolle de vez en cando os cadernos da escola, animándoos a
crear uns hábitos de estudo, falando periodicamente co profesorado, interesándose pola
vida escolar…E tamén, dándolle responsabilidades na casa, esixíndolle uns resultados
académicos –na medida das súas posibilidades-, comprometéndoos na organización do
seu tempo de ocio… E todo iso, aliñado cunha dose de cariño, de diálogo, de xogos, de
risas, de interese, de respeto…; en definitiva, concienciándonos de que unha boa
formación é a mellor herdanza que lle podemos deixar aos fillos.