Онлайн-семинар на тему: "Библиотечное обслуживание крымскотатарского населения в местах компактного проживания: традиции и инновации"

1. Курбанова Д.С. О. Акъчокъракълы адына
къырымтатар китапханеси Багъчасарай меркез
китапханесининъ филиалынынъ китапханеджи
«О. Акъчокъракълы адына китапханесининъ
къырымтатар окъуйджылары ичюн алып
барылгъан иши»
Осман Акъчокъракълы адына къырымтатар китапханеси 2004 сенеси майыс
айында Багъчасарай меркез китапханесининъ филиалы оларакъ ачылды. 2009
сенеси исе, белли къырымтатар медениет векили, языджы, тарихчы ве этнограф
Осман Акъчокъракълынынъ ады берильди.
Китапханенинъ окъуйыджылары ичюн эр тарафлы информацион ве
медений-кутьлевий ишлер алып барылмакъта. Къырымтатар халкъынынъ тарихы,
медениети, урф-адалетрини, халкънынъ корюмли эрбапларынынъ аяты ве
фаалиетини, языджы ве шаирлернинъ иджадыны айдынлатувнен багълы олгъан
окъуйыджылар ичюн ишлер алып барылмакъта.
Китапханеде белли языджыларгъа, миллий арекет иштиракчилерге ве ватанпервер
дигер мевзуларда ачыкъ мерасимлер бала ве буюклер ичюн яраштырыла:
«Медениет федайилери» (О.Акъчокъракълы ве Б.Чобан-заде)тарих сааты;
«Халкъына ве миллий гъаелерине садыкъ инсан» (Н.Челебиджихан) тарих сааты ве
«О, миллет ичюн курешкен» адлы китап
сергиси;
«Улу шаир, улу алим» (Б.Чобан-заде) китап
сергиси ве «Тотайкойский педтехникум» адлы
монографиянынъ презентациясы кечирильди;
«Халкъымызнынъ садыкъ огълу»
(И.Гспринский) китап сергиси ве «Тильде, иште,
фикирде бирлик» адлы тарих сааты кечти;
«Масаллар керваны» адлы (Халкъара Ана тиль
куню) китап сергилери кечирильди, бу куню
китапханениъ янъы пункты (с.Викторовка
начальная ОШ) ачылды;

2. «Ана юрек ильхамынен» адлы (Урие Эдемова)
корюшюв кечти;
«Сен олмасанъ…» адлы (Эдем Файтонджы-бард)
музыка акъшамы, олып кечти;
Аналар кунюне (матерям-героиням) багъышлангъан
Гаспринский музей эвинде «Ана юрек ильхамынен»,
«Сюргюнликнинъ аджджы ёллары» сергилер
ачылды;
«Халкъымнынъ фаджыасы» адлы(70-летию
депортации) тарих куню кечирильди, дуа ве
софра азырлыкъ туттылар;
«Китапханеге 10 йыл» юбилей акъшамы;
«Миллий байракъ куню» адлы тарих сааты ве маалемизде байракъ иле экскурсия
кечти.
Китап фондуны шекиллендирюв вакъытында къырымтатар
муэллифлернинъ ве башкъа тиллерде къырымтатар акъкъында
нешир ве весикъаларгъа айрыджа эмиет бериле. Шимдики вакъытта
китапханеде 10000ден зияде китап топланмакъта. Бир йыл боюнджа
китапханеде 750 къырымтатар окъуйджылар ичюн 14000ге якъын
китаплар бериле. Китапханеде ана тилимизде чыкъкъан газет
(«Къырым», «Янъы дюнья», «Маариф ишлери», «Балалар дюньясы»)
ве «Йылдыз» меджмуасы комплектлери бар.
Китапханенинъ библиографик-малюмат
аппараты:
- элифбе каталогы;
- систематик каталогы;
- малюматнаме картотекасы;
- интернет файдаланувы;
- улькешынаслыкъ картотекасы;
- информацион досье («Къырымтатар медениетнинъ векиллери», «Хан-Чайыр
маалесининъ тарихы»)
Китапханенинъ фонды къырымтатар тилинде китапларнен, нешир ве
весикъаларнен толдурыла. Китапханеде 500-ден зияде нухса къырымтатар тилинде

3. китап бар. Къырымтатар тилинде медений эрбапларымыз акъкъында малюмат
топлана: «Осман Акъчокъракълы», «Эшреф Шемьи-заде», «Исмаил Гаспринский»,
«Асан рефатов», «Усеин Боданинский», «Амди Гирайбай», «Идрис Асанин», «Асан
Сабри Айвазов», «Амет Калафатов», «Сафтер Нагаев», «Муса Джалиль», «Шефикъа
Гаспралы».
Осман Акъчокъракълы адлы китапхане Багъчасарай шеэрининъ генчлер
меркези «Арслан»нен , «Фиданлар» бала меркезинен, «Арзы» авескяр
бирлешмесинен, Багъчасарайдаки миллий мектепнен, Миллий Меджлис
азаларынен, Багъчасарай меркез ве бала китапханесинен, миллетлерара
мунасебетлер болюгинен, «Вожрождение Крыма» фондунен, эм де Исмаил бей
Гаспринский адына китапханенен бирликте чалыша.