1. 1
YUUNIVARSIITII JIMMAA
KOLLEEJJII SAAYINSIILEE HAWAASAA FI SEERAA
MUUMMEE FOOKLOORII FI OG-BARRUU OROMOO
ILAALCHA OROMOON FARDAAF QABU: AANAA SAQAA
COQORSAATTI
DAANI’EEL MIRKANAATIIN
CAAMSAA, 2014
JIMMA

2. i
ILAALCHA OROMOON FARDAAF QABU: AANAA SAQAA
COQORSAATTI
DAANI’EEL MIRKANAATIIN
WARAQAA QORANNOO ULAAGAA DIGIRII JALQABAA
FOOKLOORII FI OGBARRUU DHIYAATE
GORSAAN: GAMMACHUU TAAYYEE
CAAMSAA, 2014
JIMMA

3. ii
Galata
Duraan dursee waaqayyoo uumaa isa sadarkaa kana naqaqqabsiiseef galanni guddaan haa ta’u.
itti aansuun gorsaa kiyya barsiisaa Gammachuu taayyee kan nuffii tokko malee, itti dadhabanii
yeroo isaanii aarsaa gochuun na gorsaa turaniif galanni koo guddaadha. Dabalataan, maatii koo fi
hiriyyoota koo fiixaan bahinsa qorannoo kanaaf kallattinis ta’e kallattiin al, waan qabaniin na
gargaaran nama harka keessan deebisu na haa taasisun jedha.dhum irratti maanguddootaa fi
namoota madda odeeffannoo kootii ta’aniif galanni koo waaqni beekumsa keessan isin irratti haa
irraanfatun jedha.

4. iii
BOQONNAA TOKKO: SEENSA................................................................................................................1
1.1 Seen-Duubee Qorannichaa................................................................................................................1
1.2 Ka’umsa Qorannichaa........................................................................................................................2
1.3 Gaaffilee Qorannichaa. ...........................................................................................................................3
1.4 Kaayyoolee Qorannichaa........................................................................................................................3
1.4.1 Kaayyoo Gooroo..............................................................................................................................3
1.4.2 Kaayyoo Gooree ..............................................................................................................................3
1.4 Barbaachisummaa Qorannichaa........................................................................................................3
1.5 Daangaa Qorannichaa .......................................................................................................................4
1.7 Hanqina Qorannichaa..............................................................................................................................4
1.8 Malleen Qorannichaa.........................................................................................................................4
1.8.1 Madda Ragaa ...............................................................................................................................4
1.8 Malleen Odeeffannoon Ittiin Guuraman.......................................................................................4
1.8.1 Af-Gaafii...............................................................................................................................4
1.8.2 Daawwachuu.........................................................................................................................5
1.8.3 Marii Garee ...............................................................................................................................5
1.9 Malleen Odeeffannoon Ittiin Hiikaman ........................................................................................5
1.10 Naamusa Qorannicha........................................................................................................................5
BOQONNAA LAMA...................................................................................................................................6
2. SAKATTA”INSA BARRUULEE............................................................................................................6
2.1 ILaalcha Oromoon fardaaf qabu .........................................................................................................6
2.2 Fardaa fi Moggaasa maqaa .....................................................................................................................6
2.3 Gahee fardi adamoo,waraanaa fi Sirna Gadaa keessatti qabu.................................................................7
2.4 Seera Fardaa.......................................................................................................................................9
BOQONNAA SADII..................................................................................................................................10
3. SEEN_DUUBEE BAKKA QORANNICHAA ......................................................................................10
3.1 Argama Aanichaa..................................................................................................................................10
3.2 Moggaafama Aanichaa .........................................................................................................................10
3.3 Haala Qilleensaa ...................................................................................................................................10
3.4 Teessuma Lafaa ....................................................................................................................................11
3.5 Baay’ina Uummata Aanichaa ...............................................................................................................11
3.6 Qabeenya Uumamaa ............................................................................................................................11

5. iv
3.6.1 Bosonaa fi Bineensaa Bosonaa ......................................................................................................11
3.6.2 Biyyee ............................................................................................................................................12
3.6.3 Qaama Bishaanii............................................................................................................................12
3.6.4 Iddoowwan Seena qabeeyyii......................................................................................................13
3.7 Haala Jiruu fi Jireenyaa Uummatichaa .................................................................................................13
3.7.1 Qonnaa...........................................................................................................................................13
3.7.2 Horsiisa Loonii...............................................................................................................................14
3.7.3 Daldala...........................................................................................................................................14
3.7.4 Ogummaa Harkaa .........................................................................................................................14
3.8 Amantii .................................................................................................................................................14
3.9 Afaanii fi Hidda Latinsaa......................................................................................................................14
3.10 Aadaa Fuudhaa fi Heerumaa...............................................................................................................16
3.11 Aadaa Araaraa.....................................................................................................................................16
3.11.1 Jaarsumma....................................................................................................................................16
3.11.2 Gumaa..........................................................................................................................................16
3.12 Nyaata Aadaa......................................................................................................................................17
3.13 Aadaa Wal gargaarsaa.........................................................................................................................17
3.13.1 daboo(jigii)...................................................................................................................................17
3.13.2 Daadoo.........................................................................................................................................17
3.13.3 Afoosha........................................................................................................................................17
BOQONNAA AFUR..................................................................................................................................18
4. ILAALCHA OROMOON FARDAAF QABU......................................................................................18
4.1 Seenaa Fardaa .......................................................................................................................................18
4.2 Fardi Oromoo Aanaa Saqqaa Coqorsaaf Maali?..................................................................................18
4.3 Seera Fardaa..........................................................................................................................................19
4.4 Farda Leejjisuu......................................................................................................................................19
4.5 Farda Sooruu.........................................................................................................................................21
4.6 Ilaalcha fardi Oromoo Aanaa Saqqaa Coqorsaa biratti Qabu. ..............................................................21
4.8 Gumaa Fardaa.......................................................................................................................................24
4.9.1 Gugsii Fardaa.....................................................................................................................................25
4.10 Gahee Fardi Sirna Boochisaa keessatti Qabu.....................................................................................26
4.11 Gahee Fardi Sirna Gadaa keessatti qabu.............................................................................................26

6. v
4.12 Gahee Fardi Adamoofi Waraana Keessatti Qabu ...............................................................................27
4.13 Gahee Fardi Sirna fuudhaa fi heerumaa keessati Qabu ......................................................................28
4.14 Gahee Fardi Dinagdee Keessatti Qabu. ..............................................................................................28
4.15.1 Laafaa deemuu Sirna Gadaa ........................................................................................................29
1.15.2 Jijjiramaa deemuu Haala qilleensaa fi Dhufaatii geejjiba Ammaayyaa...................................30
BOQONNAA SHAN..................................................................................................................................31
5. GOOLABAA FI YAADA FURMAATAA............................................................................................31
5.1 Goolaba.................................................................................................................................................31
5.2 Yaada Furmaata ....................................................................................................................................31
5.3Namoota Odeeffannoo Naaf Kennan.....................................................................................................32
Wabiilee......................................................................................................................................................33
Table 1:Waajjiraa Aadaa fi Turiziimii 13
Table 2:Fardaa fi Moggaasa Maqaa............................................................................................................24
Table 3 :Namoota Odeeffannoo Naaf Kennan............................................................................................32

7. 1
BOQONNAA TOKKO: SEENSA
1.1Seen-Duubee Qorannichaa
Ummanni Oromoo akkuma lafa bal’aafi hawaasa bal’a qabu, aadaa, ,seenaa ,seera,safuu
,mararfata, sirna ittiin bulmaataafi barsiifata mata ofii qabaa.Aadaan calaqqee jiruuf jireenya
saba tokkoti.Kana malees,uummanni oromoo uumaafi uumama lafa kanarraf
ilaalcha,jaalala,kabajaafi safuu olaanaa qabaaf yaada kana ilaalchisee Dirribii Oamusee(2012:19)
akka ibsetti.
Ilaalchi yookan dhugeeffannoon uummata tokkoo eenyummaa uummata tokko agarsiisa.
Dhugaafi soba, gaarii fi yaraa, seeraa fi heera uummata saniifi akkaata itti uummanni sun
uumaafi uumama ilaalee hubatu calaqqisiisa.Dhugeeffannaan ummata tokko yeroo dheeraa
booda seenaa ,Aadaa fi Amantii uummata sana ta’a.
Haalli qilleensa lafa oromiyaa mijataa waan ta’eef jireenya namaafis ta’ee horsiisa beeyiladotaf
mijaawaadha. Beeyiladoota Oromoon horsiisu keessaa keekamoon loon , farda , hoolaa, re’ee fi
harreen beekamoodha.Yaada kana ilaalchisuun Alamaayyoo hayilee(1999:25): Biyyi oromoon
irra qubate lola fardaaf kan namatti toludha. Biyyi kun farda malee,kan loon horsiisuuf baay’ee
tolaa ta’eedha.
Yaadni kunis kan ibsu lafti Oromiyaan beeyiladoota garagaraa horsiisuuf mijataa kan ta’eefi
Oromoon fardaan lolaa akka ture agarsiisa.
Farda horsiisuun Aanaa saqqaa coqorsaa Godina jimmaatti beekamaadha.Ilaalchi hawaasni
fardaaf qabus olaanaadhaa.Kana jechuun hawaasni farda ni jaalata;ni kabaja;maararsiifataa fi
safuu cimaa qabaaf.Abbaan fardaa fi fardi hawaasa biratti ni kabajama.Sababni isaas fardi aadaa
,hawaasummaa,dinagdee fi siyaasa keesatti gahee guddaa qaba.Yaada kanaan walqabatu Leelisaa
Aadaa Bantii(6413:100) akka barreessatti.
Oromoon farda baay’ee jaalata,baay’ee kabaja. Fardi fira dhala namaati jedhama.Fardi horii
hunda caalaa gumaan isaa kan namaatti aanee olka’aadha.

8. 2
Barruun kunis kan ibsu,oromoon beeyiladoota hunda caalaa fardaf iddoo guddaa kenna.Fardaaf
jaalalaafi kabaja olaanaa kan kennuufi fardi akkuma namaa gummaa olaanaa kan qabu ta’uu
isaati.
1.2 Ka’umsa Qorannichaa
Ka’umsi qorannoo kanaa fardi Aanaa saqqaa coqorsaa Godina Jimmaatti ilaalcha akkamii akka
qabu ,faayidaa fardi qabu,akkasumas ilaalcha dhaloonni amma fardaaf qabu beekuuf kan
adeemsifameedha.
Ilaalchi dhaaloonni ammaa uumaa fi uumaamaaf qabu jijjiramaa deemera.Jijjirama adeemuun
ilaalcha kana immoo rakkoo kanaan walqabatanif nu saaxiluu danda’a.Rakkoo kana keessaa
tokko akka aadaan hawaasa dhaloota dhalootatti hin darbinee taasisa.Kun immoo dhaloonni akka
aadaa malee hafuuf karaa bana.Aadaafi ilaalchi kun yoo jijjirame immoo ,haala duraa sana
dhiisanii isa amma itti jijjirame fudhachuun hin oolu.Jijjiramuun kun immoo fookloorii fi og-
barruu yookan beekumsa hawaasaa (indigenous knowledge) irratti dhiibbaa qaba.
Barruuwwan waa’ee fardaa irratti barreeffaman irra caalatti kan xiyyeefatan gahee fardi
waraanakeessati qabudha.Qorannoowwan gugsifarda irratti adeemsifaman:Tena(2013)
“Historical and Cultural Significance of horsecing” Gugsi Game in kutta’e Oromo society with
particular reference to the Ambo District’ fi Baayisaa Bayyanaa(2005): Gugsi farda Shawaa
Lixaa Gindabarat ni argamu. Qorannoon kunis kan Xiyyeeffate maalumma gugsi fardaa ,
barbaachisummaa fi adeemsa gugsii irratti.Haala kanaan qoranno koo kun wantoota dagataman
xiyyeeffachuun, ilaalcha Oromoon fardaaf qabu, gahee fardi aada,dinagdee fi sirna gadaa
keessatti qabu irratti hunda’uun hir’ina jiru guutuuf kan adeemsifameedha.
Karaa biraatiin immoo, qorannoon Aanaa kana keessatti adeemsifame Ilaalcha Oromoon fardaaf
qabu osoo hintaane, dhimma biraa irratti.Fakkeenyaaf, soofiyaa Indiriis(2012), Qaaccessu
weedduu(sirba) fuudhaa fi heerumaa Oromoo Jimmaa Aanaa saqqaa coqorsaa irratti
barreessiteetti. Xiyyeeffannoon qorannoon kanaas faayidaa hawaasummaa sirbi fuudhaa fi
heeruma qabu, Ilaalcha hawaasni sirba fuudhaa fi heerumaaf qabu, sababa jijjiramaa deemuu
sirba kanaati. Gahee fardi fuudhaaf heeruma keessatti qabu hinxuqne. Haala kanaan qorannoon
kun aadaa hawaasa afoolaan jiru gara barreeffamatti jijjiruuf kan adeemsifamedha.

9. 3
1.3 Gaaffilee Qorannichaa.
 Fardi Oromoo Aanaa saqqaa coqorsaa biratti ilaalcha akkami qaba?
 Faayidaan fardi aadaa, dinagdeefi sirna Gadaa keessatti qabu maali?
 Sababoonni ilaalcha Oromoon Aanaa saqqaa fardaaf qabu jijjiiran maal fa’i?.
1.4 Kaayyoolee Qorannichaa
1.4.1 Kaayyoo Gooroo
 Kaayyoon gooroo qorannoo kanaa ilaalcha Oromoon fardaaf qabuu fi
dhimmoota isaan walqabatan qorachuudha.
1.4.2 Kaayyoo Gooree
 Ilaalcha hawaasni Oromoo Aanaa Saqqaa fardaaf qabu ibsu.
 Gahee, fardi aadaa, sirna gadaa fi dinagdee keessatti gahee maalii
akka qabu ibsuu.
 sababa ilaalchaa Oromoon fardaaf qabu jijjiran adda baasuu.
1.4 Barbaachisummaa Qorannichaa
Qorannoo gaggeeffamuun,bu’aa qorannoo sanaarraa qamooleen garagaraa kallattinis
ta’ee,alkallattiin irraa fayyadamuu danda’u.Haaluma kanaan qorannoo ilaalcha Oromoon Aanaa
Saqqaa Coqorsaa fardaaf qabu irratti adeemsifame kanarraa:
 Namoota qorannoo biraa bira mata duree kanaa walfakkaatu irratti adeemsisanif akka
madda ragaatti tajaajiluu danda’a.
 Barsiisaa fi barattota muummee fookloorii barsiisanii fi baratan akka wabiitti gargaaruu
danda’a.
 Wajjira Aadaa fi Turiziimii Aanaa Saqqaa keessatti tajaajiluu danda’a.
 Dhaloota ammaa fi egereef ilaalcha Oromoon fardaaf qabu irratti hubannoo cimsaaf.

10. 4
1.5 Daangaa Qorannichaa
Bakki qorannoon kun itti adeemsifame, Aanaa Saqqaa Coqorsaa,Godina Jimmaa,naannoo
oromiyaa yoo ta’u,xiyyeeffannoon isaas ilaalcha hawaasni Oromoo saqqaa fardaaf qabu irratti.
Sababiin qorataan Aanaa kana filateef, yeroo fi humna qabu walsimsiisee adeemuufi.Kunis
maallaqa qorannoo kanaaf bahu xiqqeessuu dand’eera.
1.7 Hanqina Qorannichaa
Yeroon qorannoo kan adeemsisetti wantootni akka hanqinatti na mudatan:
 Meeshaalee qorannoo kanaaf barbaachisan guutummatti dhabuu.
 Yeroo gahaan dhibuu
 Daangaa qorannoo kanaa bal’isuuf maallaqa gahaa qorannoo kannaaf barbaachisu
dhabuu.
1.8 Malleen Qorannichaa
1.8.1 Madda Ragaa
Maddoonni raga qorannoo kana keessatti fayyadame madda raga tokkoffaa fi madda raga
lammaffaati. Maddi raga tokkoffaa jiraattota Aanaa Saqqaa Coqorsaa keessaa,jaarsotiifi namoota
odeeffannoo qubsaa naaf kennuu danda’an irraa raga funaaneera.
Maddi raga lammaffaa immoo,kitaabilee fi wantoota barreeffaman biro kan kallattinis ta’ee al
kallattiin qorannoo kanaan wal qabatan sakatta’eera.Malli qorannoo dhimma itti bahes mala
qulqulleeffannaati.Kunis dhugumma odeeffannoo mirkaneessuuf na gargaarera.
1.8 Malleen Odeeffannoon Ittiin Guuraman
1.8.1 Af-Gaafii
Mala qorannoo kanaan Jaarsolii bebbeekamoo,haadholii.dargaggootaa fi namoota waajjira Aadaa
fi Turiziimii keessa hojjatan waliin gaaffii fi deebii taasiseera.Kunis bakkuma isaan
jiranitti,yeroo qorannoof keenname keessatti odeeffannoo irraa funaaneera.

11. 5
1.8.2 Daawwachuu
Bakka wal tajjileen hawaasummaa kan akka cidhaa fi sirna boochisaa jiran deemuun
daawwadheera.Waltajjilee kana irratti fardi filatamaan kam akka ta’eefi gahee fardi qabu
daawwachuun odeeffannoo argadheera.Kanas kanan taasises yeroo qorannoof kenname keessatti.
1.8.3 Marii Garee
Namoota qorannoo kana irratti odeeffannoo naaf kennu jedhee yaade walitti qabee
qindeessuun akka irratti mar’atan taasiseera.Marii garee namoota baay’ee qabu(8-10) fi
marii garee namoota muraasa qabu(4-6) tiin. Kunis odeeffanno namni tokko dagate wal
yaadachiisuuf gargaara.
1.9 Malleen Odeeffannoon Ittiin Hiikaman
Malleen akka ibsu,addeessuu,xiinxaluu fi qacceessuutin odeeffannoo madda raga tokkoffaa fi
lammaffaan guuraman hiikeera.Kunis mala qulqulleeffannaatti dhimma bahuun yoo ta’u, bifa
jechaa fi barreeffamaan kan hiikamedha.
1.10 Naamusa Qorannicha
Adeemsa qorannoo keessatti naamusni murteessaadha.Duraan dursee kaayyoo koo fi
maaliif akkan isaan barbaade itti ibsuun haala kabaja qabuun odeeffannoo irra
funaanera.Kana malees,namoota madda odeeffannoo ta’an ,wanti isaan miidhu yoo
jiraate itti ibsuun hanga danda’ame akka isaan hin miidhamne of qusadheera. yaada
isaan naaf kennan iccitiin eeguun qoranno kanaaf akkan itti fayyadamu
mirkaneesseraaf.

12. 6
BOQONNAA LAMA
2. SAKATTA”INSA BARRUULEE
2.1 ILaalcha Oromoon fardaaf qabu
Ilaalcha jechuun jaalala ,kabaja, mararsiifannaa kan bakka bu’udha.Kana malees ,safuu Oromoon
fardaaf qabu kan ibsuudha.Oromoon fardaaf jaalala guddaa qaba.fardi akka ilmoo namaatti
ilaalama.Fardiifi namni birmaduudha jedhanii amanu.Birmaduun ilmoo namummaa kan bakka
bu’udha.Yaada kana ilaalchisee Leellisaa Aadaa Bantii (6413:100),akka ibsetti.
Oromoon farda baay’ee jaalata;baay’ee kabaja.
Fardi fira dhala namaati jedhama. Fardi horii hunda caalaa gumaan isaa olaanaadha.
Fardi abbaa hin ganu,wajjin ala bula malee.
fardi yoo abbaan yaabbatee irra kufe gatee hin deemu.
Irruma dhaabatee himimsa.
Barruun kun fardi beeyilada akkami akka ta’eefi kabaja fardi Oromoo biratti qabu kan
ibsudha.Kana malees ,fardi akka dhala namaatti kan ilaalamuufi akkuma dhala namaa kan
namaaf yaadu ta’uu isaa ibsa.
2.2 Fardaa fi Moggaasa maqaa
Oromoon akkuma ilmaa fi intala angafa dhalatteen maqaa kabajaa kan abbaa fi haadhaa
moggaasu,bifa fardaa irratti hundaa’uun maqaa abbaa fardaa, fardaan moggasa.
Kunis Oromoon farda akka ilmaatti ilaala.Kana malees ,namni cimaan fardaan beekama.Fardi fi
abbaan fardaa kabaja guddaa qaba.
Yaada kanaan kan wal qabatu,Aadam Tiinnaa fi Muusaa Hajii(2011-126) akka ibsanitti:
Oromoon farda ni kabaja; ni jaalata.Farda namaa ija hamaan hin ilaalan .
Farda namaa nama jalatti hin dhahan.

13. 7
Dhiirri cimaan fardaan beekama.
Abbaa Bulloo, Abbaa Booraa, Abbaa Magaal, Abbaa Shaanqoo, Abbaa
Gurraachaa,Abbaa Daalee.
Yaadni kunis kan ibsu safuu,kabaja,jaalala oromoon fardaaf qabu kan ibsudha.Dabalataanis fardi
akka ilma abbaatti kan ilaalamuu fi moggaasni maqaa illee fardaan walqabachuu ibsa.Namni
cimaan farda isaatiin beekama.
2.3 Gahee fardi adamoo,waraanaa fi Sirna Gadaa keessatti qabu.
Bara durii hawaasa oromoo biratti fardi adamoo,waraanaa fi sirna Gadaa keessatti iddoo olaanaa
qaba.Fardaan ari’anii qaqqabu,dheessanii jalaa bahu.Adamoo deemanii fardaan ari’anii
qaqqabanii ajjeesanii mirga argatu.Diina jalaa ittiin dheessanii jalaa bahu.kanaan wal qabatee
Toon leus(2006:206) Oromoo Booranaa biratti waa’ee fardaa yoo ibsu, “because horse(s) are
used for hunting and warefare the horse has very important prestigeus animal.They are
considered as people.A horse is like human”.
Kana jechuun,sababa farda adamoo fi waraanaaf dhimma itti bahaniif fardi beeyilada maqaa
gaarii qabudha.Fardi akka namaattii ilaalama.Fardi akka namati.
Bara durii Oromoo farad waraanaaf dhimma itti bahaa ture.Farda akka meeshaa ammayyaa
yeroo ammaatti dhimma itti bahu ture.yaada kana ilaalchisee Asmarom Legesse (2006:62) akka
barreessetti:
The country (the Abbichu-Oromo) have occupied is a plain which is not hilly and which
is suitable for horses and cuttle.The Galla(Oromo) are also horsemen. But the (Amhara)
people who lived in Manzeh(sic) and Tagulat were skilled in climbing cliffs not in
mounting horse.
Biyyi(biyyi Oromoo Abbichuun) qabame diriiraa fi tabba kan hin taane fardaa fi horiif mijataa
kan ta’eedha.Oromoon abbaa fardaati. Garuu(Amaarri) kan Manzee fi Taagulat jiraatu tabba
bahuuf dandeetti kan qaban kan fardi bahuu hin dandeenyedha.

14. 8
Luba Fiixee Birrii,(2005:177) akka barreessetti:
Bara durii fardaan adamoo deemanii arba,gafarsa ajjeesu.Yeroo boqqoo bu’an fardaan fiiganii
ajjeesu. Kanaaf osoo bakka waraanaa hin dhaqin dura naannoo jiranitti wal duraafi booda
kaachisaanii wal waraanudhaan akkata waraana walitti shaakalu.
Barruun kun Oromoon bara durii fardaa adamoo deemee ajjeesaa akka tureefi bakka waraanaa fi
adamoo osoo hin dhaqin dura akkaataa waraanaa skaakaluu nu hubachiisa.
Sirna Gadaa keessati fardi gahee guddaa qaba.Oromoon sirna Gadaan yeroo bulaa ture fardaan
diina ofiirra ittisaa ture.Yaada kana kan daaggaru Dirribii Damusee(2012:416) akka ibsetti.
Gadaan michillee waan warri isa duraa hingoone fardaa fi gaangee yaabbatee duuluu jalqabe.
Michilleen jalqabaaf farda luka afurii yaabbatee gaachanaafi eeboodhaan lole.
Yaadni kuni kan ibsu Oromoon sirna Gadaa keessatti fardatti dhimma bahee diina waraanaa
turuu isaati.
Warqina Abbaa soorii(2010) yoo ibsu;”Uummanni Oromoo jaaraa 16ffaa keessa weerartoota
biyya Abbaa isaa humnaan weerarraa ture lola gurguddoo fardaan adeemsiseen injifaannoo
argateera”
Yaadni kunis kan ibsu oromoon lola kallatti adda addaan itti dhufaa ture fardaan loluu nu
hubachiisa.

15. 9
2.4 Seera Fardaa
Uumata oromoo biraatti wanti hundinuu seera qaba.Beeyiladoonni seera qabu.seerri kun seera
warra kottee baqaqaa fi seera warra kotte duudaati.Abbaa Liban Dabbasaa Guyyoo (6410:12)
akka ibsanitti
Seerri yaayyaa Goloo Gobboo seera warra golaa yookan kotte duudaati.Kana jechuunis
farda, harree, gaangee,ganyaa fi gala.Farda kotte duudaa keessaa iddoo guddaatu
kennamaaf.
Fardi kan Gadaati.Kan hawaasa haraati malee kan abba tokko miti.
Yaadni kunis kotte duudaan seera kan qabuu fi fardi kotte duudaa keessaa iddoon guddaan kan
kennamuuf ta’uu isaati.
Under the laws of equestrian symbol Asmaron Legeesse(1973:96) state that:
The horse of the messenger (wayyu) must also be accorded respect.He to is the
messenger of the Gada.where ever the horse arrives,brings with him the news of the
ya’a(gada assembly) he must be given a water. For the horsemen does not travel to
attend to his own interest but in the service of the raba gada.Any borana who mistreate
the horse shall be punished.
Kana jechuunis ,fardi nama biyya bakka bu’ee ergamuu kabajamuu qaba.Fardi ofii isaaf iyyuu
ergamaa gadaati.Yeroo kamiyyuu farda yaa’ii gadaa oolee dhufuuf bishaan kennuufin
dirqama.Abbootin fardaa kan deema nii hirmaatan dhimma dhuunfaaf osoo hin taane taajaajila
raaba gadaatiifi.Boorana ta’ee fardaaf kunuunsa kan hin taasisne ni adabama.
Yaadni kunis kan ibsu fardi kan Gadaa waan ta’eef kabajamuu qaba.Akkasumas, fardi ergamaa
gadaa ta’uufi Boorana biratti namni farda irraan miidhaa geessise kan adabamu ta’uu isaati.

16. 10
BOQONNAA SADII
3. SEEN_DUUBEE BAKKA QORANNICHAA
3.1 Argama Aanichaa
Aanaa Saqqaa Coqorsaa Godina Jimmaa naanno Oromiyaatti argamti.Magaalaa Jimmaa irraa
kiilomeetira kudha saddeet kan fagaattu yoo ta’u,giddu galeessa kibba Magaala Jimmaatti
argamti.
Aanaan kun Bahaan Aanaa Deedoo,Qorsaa fi magaalaa Jimmaan dangeffamti.Karaa dhihaan
Aanaa Gommaa fi Geeraan dangeffamti.Kibbaan immo ,Aanaa Shabee Somboo fi laga Gojobiin
yoo daangeffamtu,Kaaban immoo Aanaa Maannaan daangeffamtee argamti.
(Waajjira Aadaa fi Turiziimii Aanaa saqqaa Coqorsaa)
3.2 Moggaafama Aanichaa
Moggafama Aanaa kanaa dura bakka amma magaalaan Aanaa itti hundeeffamte Coqorsatu
ture.Coqorsi kun bosonaan marfamee kan argamu ture.Coqorsi lafa muka ofirraa hin qabne
margaan uwwifamee kan argamudha.Haaluma kanaan hawaasni lafa babal’ifaachuuf bosona
ciree bakka sanattii bahe.Bosona saaqne Coqorsatti baane jechuun dubbatan .Kanarraa ka’anii
Aanaa Saqqaa Coqorsaa jedhanii moggaasan.
3.3 Haala Qilleensaa
Haalli qilleensaa Aanaa kanatti beekaman;baddaa ,badda-daree fi gammoojjiidha.Haalli
qilleensaa irra caalatti beekamu badda daree yoo ta’u,kunis dhibbeentaa torbatamii
lama(72%),baddaa dhibbeentaa digdamii tokko(21%) fi gammoojii immoo,dhibbeentaa
torba(7%) qabdi.

17. 11
3.4 Teessuma Lafaa
Aanaan saqqaa Coqorsa Aanota Godina Jimmaa lafa bal;aa qaban keessaa tokko taatee,bal’ina
Iskuweer kiloomeetirii dhibbaa saddeetii fi Soddomii torba tuqaa torba shan(837.75 km
square)qabdi.Bakkeewwan olka’insa Olaanaa qaban kanneen akka tulluu Daammaa ,tulluu
Inkiyyoo,Geppaa fi Geppi Geppoo sadaan isaan beekamodha.Geppi Geppoo Sadan kan ganda
Geppa Sadan keessatti argamu,ol ka’insa guddaa kan qabuu fi Aanota olla Saqqaa
sadi,Geeraa,Guumaa fi gommaa keessatti haalan mul’ata.Kanarraa ka’uun Geppa geppoo Sadanii
jedhanii moggasan (obbo Gonfaa Yaadasaa)
3.5 Baay’ina Uummata Aanichaa
Aanaa Saqqaa Coqorsa gandoota Soddomii torba(37) qabdi. Kanneen keessaa gandi magaala
lama(2) yoo ta’u,Kanneen hafan soddomii shan(35) gandoota baadiyyaati.Akka ragaan lakkoofsa
uummataa bara 1999 ibsutti baay’inni uummata Aanichaa dhiira kuma dhibba tokkoofi kuma
sadiifi dhibba saddeetiifi sagaltamii shan(103895) yoo ta’u,dubarri immoo kuma dhibba tokkoofi
kuma lamaaf dhibba shaniif soddomii lama(102532).Waluma galatti ,baay’inni uummata
aanichaa kuma dhibba lamaaf,kuma jahaaf dhibba afuriif digdamii torba(206427).( Waajjira
Aadaafi Turiziimii)
3.6 Qabeenya Uumamaa
3.6.1 Bosonaa fi Bineensaa Bosonaa
Aanaa Saqqaa Coqorsaa keessaa bosonni gandoota akka komoo waarrii fi Diimtuu Sheekotaa
keessatti ni agrama. Mukkeen gurguddoon kanneen akka waddeessaa, qilxuu, qararoo,
bakkanniisa, baddeessa, somboo, laaftoo, ambabbeessa, birbirsii fi kanneen biro beekamoodha.
Bineensonnibosonaakanneenakka waraabessaa, qeerransa, jaldeessa, qamaalee, xaddee, weennii,
kuruphee, bosonuu, sardidaa fi kan biroon ni argamu. Kana malees, allaattiwwan garagaraa
kanneen akka huummoo, quuroo, hurunguu, daakkiyyee, arragessa, cullullee, rumicha,
makoodii fi kan biro ni argamu.
Amfibiiyaanota keessa immoo ,bofni,ballaachoo,lootuu,hantuutaa fi kan biro ni argamu.
(Waajjira Misooma Qonna)

18. 12
3.6.2 Biyyee
Biyyeen gosti garagaraa Aanicha keessatti ni argamu.Biyyeen kunis misooma qonnaafi faayidaa
garagaraaf ni oola.Biyyeen diimaan hedduminaan kan beekamuu fi oomisha bunaa fi jimaaf
baay’ee filatamaadha.Gosoonni midhaanii biyyeen kun biqilchus, xaafii, qamadii, mishingaa,
boqqoolloo, boloqqee fi kanneen birooti. Akkasumas kuduraalee fi muduraalee garagaraa
oomishuuf filatamaadha.Biyyeen gurraachi kan naannoo lafa baddaatti argamus, midhaan
kanneen akka baaqelaa,atara, garbuu fi kan biro oomishuuf filatamaadha.Biyyeen kootichaa fi
cirrachaas darbe darbee ni argama.
3.6.3 Qaama Bishaanii
Aanaan Saqqaa Coqorsaa laggeen gurguddoo kanneen akka laga Gibee,Abboonnoo,Booruu fi
horri beekaman tokko ni argama.Lagni Gibee laga guddaa fi humna elektirikii maddisiisuun
beekamudha.
Fincaa’aan Gibee kan naannoo magaalaa Saqqaatti argamus bakka bashannanaa beekamaadha.

19. 13
3.6.4 Iddoowwan Seena qabeeyyii
Aanaan Saqqaa iddoowwan hawwata Turiziimii heddu qabdi.
Kannee keessa beekamoon:
Iddoo Seena qabeessa Godina Aanaa Ganda
Masaraa Abba Booraa Jimmaa S/Coqorsaa Buyyoo Qacamaa
Burqaa laga Gibee Jimmaa S/Coqorsaa Diimtuu
Fincaa’aa Gibee Jimmaa S/Coqorsaa Magaalaa Saqqaa
Holqa dhagaa
A/Jamaa
Jimmaa S/Coqorsaa Shashamannee
Masgiida sheekota
laaftoo
Jimmaa S/Coqorsaa Diimtuu sheekotaa
Masgiida she A/Jamaa Jimmaa S/Coqorsaa Shashamannee
Tulluu Inkiyyoo Jimmaa S/Coqorsaa Diimtuu sheekotaa
Table 1:Waajjiraa Aadaa fi Turiziimii
3.7 Haala Jiruu fi Jireenyaa Uummatichaa
3.7.1 Qonnaa
Aanaa Saqqaa Coqorsaa oomisha gosa gara garaatiin beekamti.Gosoota midhaanii keessa
beekamoon garbuu, qamadii, xaafii,boqqoolloo,mishinigaa,baaqelaa, ataraa fi kanneen biroon ni
Oomishamu.Kanneen keessaa boqqoolloon sadarkaa olaanaan oomishama.Kana malees,Aanaan
Sqqaa omishaa bunaa,jimaa,kuduraalee fi fuduraaleen ni beekamti.jimaa fi bunni madda galiin
beekamoodha.(Wajjira Misooma Qonnaa)

20. 14
3.7.2 Horsiisa Loonii
Beeyiladootni gosa garagaraa Aanaa kana keessatti ni horsiifamu. Beeyiladootni kunis kanneen
akka loonii, hoolaa, re’ee, farda, luukkuu, harree, gaangee fi kan birooti.
3.7.3 Daldala
Daldalli gosti garagaraa Aanaa kana keessatti ni adeemsifamu.Daldalli akka Aana kanatti
beekamus; daldala midhaanii, bunaa, jimaa, kuduraalee, fuduraalee fi kanneen biro ni
adeemsifamu.
(Wajjira Misooma qonnaa)
3.7.4 Ogummaa Harkaa
Namoonni jireenya isaani ogummaa harkaan gaggeessanis Aanicha keessatti ni
argamu.Ogummaa kanneen keessaa kan akka hojii mukaa, sibilaa tumuu, suphee dhahuu, jirbii
fo’uu fi kanneen biroon beekamoodha.
3.8 Amantii
Aanaa kana keessa hordoftoota Amantii garagaraatu jiraata.Irra caalaan uumaata Aanichaa
Amanti Islaamaa kan hordofu yoo ta’u,Amantiin biro kanneen akka Ortodoksii fi Pirooteestaantii
ni argamu.Namoonni amantii biro maqaaf itti waamamanii,garuu,Amantii Oromoo ganama
hordofanis ni argamu.
3.9 Afaanii fi Hidda Latinsaa
Aanaan Saqqaa Coqorsaa keessatti Afaan Oromoo afaan hojiiti.Hiddi latinsa Oromoo, Booranaa
fi Baarentuu of jalaa qaba.Qorannoon kun dame Booranaa jala kan jiru, Oromoota maccaa irratti
kan adeemsifamedha.Booranni ilmaan shanqaba. Isaanis:
Tuulama, Macca ,Gujii,Sabboo fi Goonaadha. Macci ilmaan shan qaba. Isaaniis Liban
,Jaawwii,Guduruu, Dallee fi Jiddaadha. Jiddaan immo, ilmaan sadii qaba. Isaaniis
Liban,Akakkoo fi Guduruudha.Akakkoon ilmaan afur qaba.Isaaniis Hursuu, Jimma, Sadachaa fi
Badiidha. Jimma ilmaan shan qaba. Isaaniis Hariiroo, Qoree, Agaloo, Abukakkoo fi Laaloodha.

21. 15
Oromoo
Boorana Baareentuu
Tullama Macca Gujii Sabbo Goona
Liban Jaawwii Guduruu Daallee Jidda
Liban Akakko Guduruu
Hursuu(3) Sadacha Badii
jimma
____________________________________________________________
Hariiroo Qoree Agaloo abukakkoo Laaloo
(Alamaayyoo Haliyee: 1998)

22. 16
3.10 Aadaa Fuudhaa fi Heerumaa
Aanaa kana keessatti gosonni fuudhaa fi heerumaa beekamoon:Kadhimannaa yookan
hasa’annaa,abaabbalii,aseennaa fi dhaala fa’i.Kadhimannaan kan gurbaan maatii intalaatti jaarsa
ergachuun haala seera qabeessaan fuudhudha.Ababbaliin kan gurbaan intala jaalate ofii isaan
yookan karaa nama biraa intala abaabbalee fuudhudha.aseennaan immoo,kan intalli gurba
jaalattetti fedhii gurbaa malee,mana gurbaa dhaquun itti heerumtudha. Gosti fuudhaa fi heerumaa
kan biraan dhaala.Dhaalli yoo dubartii irraa abbaan manaa du’e,kan obboleessi quxisuun
dhaaludha.Yoo obboleessa hin qabanne fira aantetu dhaala.Goosota fuudhaa fi heerumaa
kanneen keessaa kan waltajjii aadaan guutaman kadhimannaa fi dhaaladha. Hawaasa biratti ni
jajjabeeffama.(Waajjira Aadaa fi Turiziimii)
3.11 Aadaa Araaraa
3.11.1 Jaarsumma
Wal dhabdee furuu keessatti jaarsummaan iddoo guddaa qaba. Irra caalatti wal dhabdeen
hawaasa keessatti uumamu karaa jaarsumma furama.Jaarsoliin dhimma wal dhabdee sana furuuf
filataman rakkoo gama lamaaniin uumame gadifageenyaa erga qoratanii booda furmaata
barbaachisu kennu.
Wal dhabdeen uumame baay’ee cimaa ta’ee jaarsoliin yoo hiikamuu baate, gara gosaatti
darba.Jaarsoliin araaraa bakki wal dhabdeen itti uumame fagoo yoo ta’e fardaan dhaqanii
araarsanii galu.(Waajjira Aadaa fi Turiziimii)
3.11.2 Gumaa
Gumaan karaa ittiin wal dhabdee furan keessaa isa tokkodha.Gumaan kan ba’u namni tokko akka
tasaa ta’ee yoo nama ajjeese,nama tokkoqaama hir’uu yoo taasise,akkasumas,beeyiladootaa fi
bineensota bosonaa seeraan ala yoo ajjeese qulqulla’uuf jecha guma ni baasa.Akka Aanaa
kanaatti gumaan kan bahu jaarsota naannoo qofaan osoo hin taane,jaarsa guulaa waamuun sirni
gumaa baasuu raawwata.Jaarsi guulaa warra gumaa nama dubachuun beekamanidha.Sirna
gumaa baasuu keessatti farda luugamanii geessu.(Wajjira Aadaa fi Turiziimii)

23. 17
3.12 Nyaata Aadaa
Aanicha keessatti gosoota nyaataa hedduutu beekama .Kunniinis marqaa,cuukkoo,caccabsaa,
goodaree,nyaata warqee,qixxaa,unkuroo fi kanneen biro isaan beekamoodh.Kanneen keessaa
marqaan baay’ee beekamaadha.Kan qophaa’us daakuu garbuu,qamadii ,xaafii fi boqqoolloo
irraati.Waltajjilee akka shanan deessuu, ayyaana,cidhaa fi kanneen biro irratti ni dhiyaata.Kanatti
dabalee nyaanni warqees beekamaadha.nyaata akka ollataa(irra buusaa),unkuroo fi marqaatu
irraa qophaa’a.
3.13 Aadaa Wal gargaarsaa
Uumanni Aanaa kana Aadaa wal gargaarsaa heddu qaba.Namoota rakkina garagaraa qabanii fi
nama hojiin itti baay’ate kara garagaraa gargaaru. Akkaataa wal gargaarsaa keessaa beekamoon
daboo (jigii),daadoo fi afooshni ni argamu.
3.13.1 daboo(jigii)
Daboon karaa ittiin wal gargaaran keessaa tokko ta’ee, kan namni tokko yeroo hojiin itti
baay’atu qophii daboo qopheessun namoota olla isaa akka gargaaraniif gaafatudha. Namoonni
kadhatamanis guyyaa hojiin itti beellamame sana dhaqanii gargaaranii qophii daboof qophaa’e
nyaatanii dhuganii galu. Daboon hamilee cimaa waan qabuuf hojii haalaan saffisiisa.
3.13.2 Daadoo
Daadoon gosa wal gargaarsaa keessaa tokko ta’ee.Kan namoonni lamaa fi isaa ol ta’an dabaree
dabareedhaan waliif hojjataniidha.Daadoon baasii salphaa kan qabuufi hojini akka nama hin
nuffisifneef gargaara.
3.13.3 Afoosha
Afooshni aadaa wal gargaarsaa keessa isa tokkodha.Kunis namni tokko yeroo dheeraaf yoo
dhukkubsatee fi balaa tasaan yoo miidhame namoonni naannoo sanaa yaa’anii akka seera
isaanitti gargaarsu. Kana malees , namni maatiin jalaa du’eef ni hojjatama. Miseensonni
afooshaa seera waan qabaniif namni hojii sana irratti hin argamne ni gaafatama.

24. 18
BOQONNAA AFUR
4. ILAALCHA OROMOON FARDAAF QABU
4.1 Seenaa Fardaa
Addunyaa kana irratti farda horsiisuu fi fardatti dhimma bahuun yoom akka eegalame wanti
sirritti ibsu hin jiru. Haa ta’u malee, akka fulli interneetii” www.nerbraskstudies
.org/0300/mories” ibsutti beeyiladni farda jedhame beekamu kan argame Ameerikaa Kaabatti
waggoota miliyoona 55 dura. Akkasumas, naannoo waggoota 3000 dura farda madaksanii
geejjibaafi ba’aa itti fe’uuf dhimma itti bahaa turan. Farda horsiisuu Ameerikaa irraa gara
Awurooppaatti kan fide Ispeenota akka ta’e ni ibsa.
Haaluma wal fakkaatun uummanni oromoos farda horsiisuu yoom akka jalqabe wanti sirriitti
beekamu hin jiru. Ta’us akka manguddoonni jedhanitti fardi birmaduu waan ta’eef, dhala nama
waliin uumame jedhu. Birmaduun ilmoo namatti fakkeeffamuu agarsiisa. Farda horsiisuu
Itoophiyaa keessatti kan eegales uumata Oromooti. Haa ta’umalee, barreessitootni Habashaa
tokko tokko akka ibsanitti Oromoon farda horsiisuu kan jalqabe jaarraa 16ffaa keessa bara gadaa
michilleeti (1554-62) jedhu.Yaadni kunis dogoggora akka ta’e beekamaadha. Oromoon isaan
duratti yeroo dheeraaf fardatti dhimma bahaa akka ture raga heddutu mirkaneessa. Kanaan wal
qabatee Alamaayyoo Hayilee(1999:255) akka ibsetti
Amaaronnii fi Ankoobaroonni kan farda hin qabnee fi lafa bowwaa fi tulluun itti
baay’atudha.Yeroo duulaa oromoon fardaan lolu isaan immoo gaaraa fi bowwaa jala
harkaa dhokatu.
Yaadni kunis yaada barreessitoonni tokko tokko oromoon farda horsiisuu habashaa irraa barate
jedhus soba ta’u mirkaneessa.
4.2 Fardi Oromoo Aanaa Saqqaa Coqorsaaf Maali?
Akkaa maanguddoonni jedhanitti, fardi uummata oromoof miidhagina isaati. Akka harka isaa
mirgaatti ilaala. Namni harka isa mirgaan hojjatee bu’aa buusa;iittinis of jiraachisa.Yeroo
gaddaa, yeroo gammachuu, yeroo du’aa, yeroo rakkinaa, yeroo waraanaa fi yeroo bashannanaa

25. 19
fardi oromoof harkasaati. Fardi konkolaata baadiyyaati. Kan ittiin ari’anii qaqqaban, dheessanii
jalaa ittiin bahan, kan yeroo rakkoo ittiin walqaqqaban, kan maanguddoonni umurii dullumaarra
jiran akka miila isaanitti ittiin deeman. Kana malees, fardi Oromoof akka ilmootti fudhatama.
Ilmoon yoo ergaaf waaman fuula namatti guurti. Fardi garuu addadha. Osoo nyaatuu yoo
luugaman callisee luugamama. Dhiirri cimaan farda kabajama; waamama, ittinis jajama.
4.3 Seera Fardaa
Uummata Oromoo biratti wanti marti seera qaba. Namni, beeyiladoonni marti seera qabu. Fardi
seera qaba. Seerri kunis seera warra kotte duudaa jedhama. Fardi seerri isaa cimaadha. Sirna
gadaa keessatti seerri fardaa ni himama. Seera fardaa namni marti hin beeku. Warra wa’ee
fardaaf dhaabatan qofatu beeka.
Namoonni waa’ee fardaaf dhaabatan kun hawaasa birattikabaja guddaa qabu. Isaaniis namoota
karaa seera qabeessa hin taaneen fardarratti dhiibbaa geessisan ni adabu. (obbo Urgeessaa
Qeensoo)
Yaada kanaa kan wal qabatu Leus (2006:207),seerri fardaa Oromoo Booranaa biratti maal akka
fakkaatu ibseera.
There are specific laws concerning equines known as seera fardaa: horse law or seera
gollaa(golaa) laws of the paddock.Fardi seerri isaa jabaa:the law concerning horses are
strong.fardi gara raabaa fi gadaa seerri isaa mara.Not every body know the detail of
these law.Only specific can knows. Seera gola machitu gaafatan.
Gababumatti, fardi oromoo biratti Seera qaba. Seerri fardaas cimaadha. Namni seera kana darbee
fardarraan miidhaa geessise ni adabama.
4.4 Farda Leejjisuu
Fardi farda kormaa, qalaamaa (farda dhalaa), darmii (goromsa), cidhoo(kan hin kolaafamne),
sangaa fardaa(kan kolaafame) jedhamuun qoqqoodama. Farda leejjisuun akkaata deemsaa
barsiisuun bu’aa ba’ii mara akka qaxxaamuru taasisuudha. Fardi kormaas ta’ee qalaamaan
wayita umurii dargaggummaaa irra gahe ni leejjifama. Akkaataan itti leejjissanis jalqaba ganama
ganama ka’anii funyoo itti hidhuun harkisu.Guyyaa muraasaaf erga harkisanii booda miila

26. 20
lamaan takaaluu yaabbachuu eegalu. Jalqaba funyoon lugamanii yaabbatu. Haala leejjii fardaa
keessatti akkataa lafa sirrii, jal’aa, boollaa fi mukakarraan utaaluu danda’utti leejjisu.
Fardi gara fulduraatti cimaa ta.u leejjiitu murteessa.
Leejjii tollaan farda cimaa, leejjii bannaan immoo farda dadhabaa ta’a.
Sirbi
Emmulee yaa goota koo,
Fardi daarii hin utaalle,
Maaluma fardaa?
Jedhus kanuma ibsa.(Daanyessaa Sarbeessaa)
Farda bara durii waraanaaf dhimma waan itti bahaniif,akkaataa miliquu danda’utti leejjisu.Fardi
haalaan leejji’e Abbaa fardaa fi ofii isaa diina harka hin buusu.Yeroo baay’ee farda leejjisuuf
nama cimaatu filatama.Sababni isaasfardi nama dhiitee ilkaan cabsuu fi miidhaa qaamaa cimaa
namarraan ga’uu danda’a.
Fardi yeroo cimaa deemu takaaluu barbaachisa.Takaaluun immoo, akka haala salphaan
qabamuuf gargaara. Adeemsa keessa luugama sibiilaan luugamanii yaabbatu. Luugamni kunis
farda sana kallattii barbaadame irra adeemsisuu fi to’achuuf luugamni sibiilaa filatamaadha.
Mammaaksi Oromoo “utaalloo mooqan qabi, utaalaa lugamaan qabi” jedhus kanuma ibsa. Irra
caalatti farda abbaatu leejjifata. Darbee darbee immoo nama ogummaa farda leejjisuu qabutti
kennu. Mammaksi “Fardaa fi dubartii abbaatu baafata” jedhus yaada kana ni deeggara. (obbo
Dhiyanaa Qoqheessaa)
Farda leejjisuun laguu qaba. Namni leejjisu qaama isaa dhiqatee qulqullaa’u qaba. Jala bultii
farda leejjisuuf qophaa’us, dubartii waliin wal qunnamtii saalaa hin raawwatu.Yoo laguu kana
eegachuudhiise fardi sun haalaan deemsa hin baratu. Farda cimaa ta’e horachuuf laguu
kanaeegachuun murteessaadha.(Obbo urgeensaa Qeensoo)

27. 21
4.5 Farda Sooruu
Farda cimaa ta’e kan ari’ee qaqqabu,dheessee jala bahu horachuuf fardi sooramuu qaba.fardi
akka beeyilada biraa marga qofaan hin sooramu. Fardi garbuu,ajjaa(omborii) fi buddeenaan
soorama. Fardi marga qofaan soorame jabaa hin ta’u. Midhaan keessaa garbuu fi ajjaan akkuma
namaaf filatamaa ta’e farda soorufis filatamaadha. kunis garbuu fi ajjaa daaksisanii buddeeena
isaa tolchanii laatuuf. Callaan garbuus akka ilkaan hin dhukkubsinetti bishaaniin laaffifamee
kennamaaf .Midhaan ittiin sooramu kana gorboo tolchaniifi gorboo keessaa nyaata. Akka gadi
hin jennetti qixxee dhaabbii isaatti tolfamaaf.Fardi gadi jedhee yoo nyaate qoleetu
dhukkuba.(Adde Dungee Kafanii,Araggaash Baqqalaa)
Fardi yeroo baay’ee manumatti bishaan dhuga.Bidiruu tolchaniifi achi keessa dhuga. Laga
geessanii yeroo obaasan immoo, beeyiladoota biro dura geessanii obaasu. Fardi karaa oolee
dafqee yoo dhufe battaluma sanatti laga geessani dhiqu. Farda dafqe dhiquu yoo baatan ni
dhukkubsata.Gabaabatti, fardi yoo haalan sooramuu baate dadhabaa ta’a.
4.6 Ilaalcha fardi Oromoo Aanaa Saqqaa Coqorsaa biratti Qabu.
Seenaa uummata kanaa keessatti fardi iddoo guddaa qaba.Fardi beeyilada baay’ee
barbaachisaadha. Seenaa fi abbaa farda gidduus hidhata cimaatu jira.Abbaan fardaas farda
isaatiin kabajama.Kanaaf farda horachuun dinagdeen hin gaanga’u.Aadaa fi safuu hawaasa
sanaatu akka farda horatan isaan dirqisiisa.Haa ta’u malee,Aanaa kana keessatti fardi bakka
hundatti hin horsiifamu.Gandoota haala qilleensaa baddaa fi badda daree keessatti haalaan
horsifama.
Oromoon Aanaa kanaas beeyiladoota horsiisu keessaa fardaaf safuu ,kabajaafi jaalala guddaa
qaba.Sababni isaas fardi fi namni birmaduudha.’Birmaduun’ immoo ,ilmoo namaa bakka
bu’a.Fardi wantoota ilmoo namaan walfakkeessuus heddu qaba.Fardi akkuma namaa alala hin
guru,ilkaan godaa gubbaa kan qabuufi kotte duudaadha.kanaaf fardii fi namni
birmaduudha.Kunis Oromoon farda hin elmatu; hin nyaatus.Kana malees,fardaa fi dhala namaa
kan walfakkeessu waan hedduutu jira.Fardi akkuma namaa fira beeka jedhama.Haadha waliin
wal qunnamtii saalaa hin raawwatu.Kanaaf Oromoon akkuma sirna fuudhaa fi heeruma gosa
garagaraa lama giduutti adeemsisu farads wal jijjiira.(Bajjii Sarbeessaa)

28. 22
Fardi abba horote beeka.Abbaa dhaaf malees,nama biraaf hin qabamu.Fardi abbaan yoo du’es ni
beeka.Akkuma dhala nama boo’a jedhama.Nama dhukkubsatus ni beeka yoo namni aade suuta
deema.Hawaasa kana biratti namni farda hin qabne akka nama ilmoo hin qabneetti
ilaalama.Namni hin qabnes qalaamaa nama qabu biraa fudhatee ilmoo ishee nama sana waliin
qooddatee horata.(obbo Gaaromsaa Kafanii)
Farda luugamanii yoo waaqa kadhatan waaqni namaaf dhagaha jedhanii amanu.Yeroo hongeen
dheeratee bokkaan roobuu dide Oromoon walitti qabamee waaqa kadhata.Kanarra darbee yoo
roobuu dide farda luugamanii kadhatu.Hanga roobutti luugama afaanii hin baasan.Haala kanaan
bokkan dafee rooba.Yaada kan ilaalchisee Dirribii Damusee(2012:66) akka ibsetti
Waaqayyo yoo yeroo roobaa dabarsee hongeen hammaate,
Waaqayyoo safuu keetti deebi’I jedhee dhiirri kallacha qabatee,dubartiin siqqee,caaccuu
fi okolee qabatee kormaa fi dullacha qalanii waaqa kadhatu.Akkasiin kadhatanii yoo
waaqni garaa jabaate,Oromoon dur jabbii haadha laga,farda cancalee bishaanii fi
marga lagu.Kana yoo waaqayyoo roobuu didee garaa jabaate akkas godhu.
Fardi birmaduu waan ta’eef,yoo du’e akkuma namaatti bo’amaaf.Sababni isaas fardi ilma
abbaati.Nama fardi jalaa du’es ollaan dhaqee jajjabeessa.Fardi yoo du’e gadi harkisanii hin
dhiisan ni awwaalu.Baala mukaa cabsanii irra buusu.Kunis fardi akka namatti waan ilaalamuufi.
Fardi soqeen ayyaantudha jedhanii amanu.Fardi soqeen farda burreedha.Halluu diimaa fi adii
kan qabdu taatee ijji burcuqqoodha.fardi bifa kanaa yeroo baay’ee hin dhalattu.Akka tasa yoo
dhalatte garuu qabaa geessanii hin gurguran Manumatti dullomtee akka duutu gorfama.
Farda kan yoo gurgaran abbaa fardaa rakkootu mudata carraa badaadha.Hormaanni hin
qajeelu.Kana malees,farda biraatu dabalamee du’a.(obbo Nugusee Urgeessaa)

29. 23
4.7 Fardaa fi Moggaasa Maqaa
Aadaa saba Oromoo keessatti fardi akka ilmaatti ilaalama.Oromoon fardaaf jaalala cimaa qaba.
Kana kan ibsu immoo maqaan namootaa fardaan moggaafamuudha.Oromoon akkuma ilmoo
angafa dhalateen waamamu fardaanis ni waamama.Fardi maqaa dhalootaa gara maqaa kabajaatti
jijjira.Namni ilmoo hin qabne fardaan waamama.Nama ilmoo hin qabne qofatu fardaan
waamama miti.Namni dargaggummaa isaati qabee farda cimaa yoo yaabbate maqaa farda sanaan
waamama.Haala kanaan akkuma Oromoon “maqaan bahee fi karaan bahe hin deebi’u” jedhu
namni kun yoo ilmoo argates maqaadhuma kanaan waamama.Yaada kana ilaalchisee Asmarom
Legesse(2006:39)
The Oromo prefix Abba is often translated as”father of””Owner of” as abba barchima
ennu? Who is the owner of the chair? Hence we translate the word variously in different
contexts.
Abba lafaa,land owners, abba warra,head of the family,abba duula,war of chief,abba
bokkuu and bearer of the symbol of authority.It is second meaning “owner of” that is
derive from Oromoo equestrian tradition .It never used in the sense in Amharic.
Moggaasni maqaa yeroo baay’ee bifa fardaa sana waliin wal qabata.Abbaa Booraa,nama farda
boora qabu,Abbaa Daalee,nama farda daalacha qabu,Abbaa Gurraachaa ,nama farda gurraacha
qabu,Abbaa Daaamaa,farda magaala gara diimaatti dhihaatu kan qabu,Abbaa Magaal,farda
magaala kan qabu ,Abbaa Bulloo,farda diimaa booqaa kan qabu,Abbaa shaangoo,farda magaala
gara gurraachatti dhiyaatu,Abbaa Taankii,farda magaala kan qabu fi kanneen birooti.(obbo Fiilaa
Jabeessaa)
Yaabbii fardaan Oromoon Itiyoophiyaa keessaa beekamaadha.Moggaasni maqaa fi sadarkaan
namni maqaa fardaan kan beekamu ta’uun oromoo irraa gara Itiyoophatti kan dhufedha.Yaada
kana kan mirkaneessuu moototni habashaa baay’een isaanii maqaa fardaa kan Oromoon
moggafate akkuma jirutti osoo hin jijjirin itti fayyadamuu isaaniiti. Yaada kanas akka Tenan
Pankhurst(1989) wabeeffatee ibsetti.

30. 24
Name of Emperors Iyassu II
(1730-55)
Ruler of Gonder
Their horse name
Qalbi
Meaning in afaan Oromo
Caution one
Ras Wald sellase
Ruler of tigre(1790-1860)
Abba Dinsa,Bullo A horse with aulide aertically
white color on the face from
ear down nose
Ras Gosnu(1831)
Ruler of Gojjam Abba Diego Danager
In the Hirmata
region
Abba Jifar
Ruler of Jimma
Abba Reebu (1855-1859)
The son of Abba jifar
The owner of dappled horse
(spitted skin)
B eat up
Kingdom of Limmu
enarya
Abba Gomol Abaa Biqilo
The son of abba Reebu
Abba Bokka
Abba Dubbise
Abba morkachu Abba Wabato
Rain
To great
To dispute
Waa or something and butu
’snatch’
Table 2:Fardaa fi Moggaasa Maqaa
4.8 Gumaa Fardaa
Akka waliii galaatti namni beeyilada kamuu ajjeese ni adabama.Kunis gumaa baasuun kan
qulleeffamudha.Namni beeyilada ajjeese sababa yakka hojjateef qofa miti kan gumaa
baasu.Namni beeyilada seera malee ajjeese akka waan seera waaqaa cabseetti ilaalama.Namni
seera waaqaa cabse immoo ,of qulqulleessu qaba.kanaaf namni fardi harkatti du’e gumaa ni
baasa.dur duuti fardaa akka du’a namaatti ilaalama.Ammas taanaan gumaan fardaa kan namaatti
aanee olaanaadha.Murteen akkataa ajjeechaa irratti hunda’a.Namni tokko itti yaadee yoo ajjeese
gumaa farda sanaa guddaadha.Garuu akka tasaa yoo ajjeese qoratamee gumaa xiqqaa
baasa.(obbo Bajjii Kafanii)

31. 25
Haala kanaan gumaa fardaa kan erga baasee booda of qulqulleessuuf farda walitti qabee garbuu
mana shanii walitti fuudhee fardeen walitti qabee nyaachisa.Akkataa kanaan gumaa fardaa yoo
baasuu baatan hormaanni namaaf hin qajeelu.
4.9 Gahee Fardi Aadaa Tursuu Keessatti Qabu.
Aadaa hawaasa Oromoo Aanaa Saqqaa Coqorsa keessatti yaabbin fardaa beekamaadha.Aadaan
farda yaabbachuu aadaa ittiin gootummaa ibsatan ,Simatanii fi kabajatanidha.Kana malees
carraan ilmaa gara fulduraatti gaarii ta’uun isaa kan beekamu dandeetti farda yaabbachuu isaa
irraati. Fardii fi abbaan fardaa hawaasa biratti kabaja guddaa qaba.Fardarra ta’anii manguddoo fi
tuuta bira hin darban .Akkasumas,dubartoota bira farda yaabbatanii hin darban . Kunis kabaja
agarsiisa. Fardarraa bu’anii dubbisanii bira darbu.
Yeroo fardarraa bu’anii dubbisanii bira darban maanguddoon akkas jechuun eebbisu:
Ofkali;
Colleen kee haa oofkalu;
Bakka yaadde gahi.
(Obbo Gonfaa Nagaraa)
4.9.1 Gugsii Fardaa
Gugsiin fardaa dorgommii fardaan taasifamudha.Gosa ispoortii aadaa keessaa isa beekamaadha.
Gugsiin fardaa oromoo Aanaa Saqqaa Coqorsaa biratti beekamaadha.Gugsiin fardaa guyyaa
ayyaanota waggaa fi bakka mana amantii Ortodoksiitti erga taabonni galee booda ni
adeemsifama.Gugsiin fardaa irra caalatti guyyaa ayyanaa gubaa adeemsifama.Akka aadaa
oromootti ayyaanni gubaa yeroo itti ganna gurraacha irraa gara birraatti ce’anidha.Fardi marga
dheedaa waan tureef of kajeelee gulufuuf fedhii guddaa qaba.Gulufee of dafqisiisuu barbaada.
Kun immoo namoota gugsii fardaa jaalataniif haala mijeessa.Haala kanaan namoonni aadaa
isaanii jaalatan bakka garagaatii walitti dhufuun gootummaa farda taphachuu agarsiisu.
Namoonni farda yaabbatanii gara dirree gugsiitti deeman fardarraa bu’anii malkaatti
irreeffatu.Irreeffachuun aadaa saba Oromooti. Bishaan kan ittiin uumamni hundi jiraatu waan

32. 26
ta’eef malkaatti irreeffatani darbu.Waaqa malkaa kana uumeef galata galchuudha.Dirree gugsii
irra oolanii yeroo deebi’an sirba adda adda sirbaa deemu.Sirba kana keessaa sirbi kaawoo
beekamaadha.Sirbi kaawoo kunis jaalatamaadha.
Kaawoon deebite,
Kaawoon deebite,
Hallayyaa utaalcha,
Dhufe abbaan gurraachaa.
Jedhanii sirbu.
4.10 Gahee Fardi Sirna Boochisaa keessatti Qabu.
Fardi sirna boochisaa keessatti iddoo guddaa qaba.Bara durii keessaa abbootiin fardaa dirqama
biyyaa isaanii eeguu qabu.Kanaaf duuti nama beekamaa tokko akka du’a gootatti
ilaalama.Namni beekamaan yoo du’ee fardaan seenaa isaa himu.Fardi kanaaf filatamus farda
deemsa beekuu,farda cimaadha.
Farda uffata (qamisii) itti uffisanii reeffa nama du’eetti aansanii harkisanii deemu.Qamisiin farda
ijarraa kan hafe qaama fardaa hunda kan aguugu uffata adiidha.Kunis fardi akkuma ilmaa
namatti aanuu ibsa.Namoonni kaan immoo farda mi’a fardaan faayanii yaabbatabii asii fi achi
gulufuun seena namni sun jireenya isaa keessatti hojjate himu.Namni beekamaan yoo du’e
fardeen heddutu yaa’a.Baay’inni fardaas beekamtii nam kana ibsa.
“Fardaan’lafe baasu”.Seenaa nama du’ee fardaan himu jechuudha. Mammaaksi”fardi lafeef
kaatu urata hin qabu” jedhus kanuma ibsa.Fardi lafee baasuuf uumame.Fardi jiruu fi jireenya
ummata kaaa keessatti murteessaadha.
4.11 Gahee Fardi Sirna Gadaa keessatti qabu
Sirna gadaa keessatti fardi gahee guddaa qaba.Sirni wal harkaa fuudhinsa aangoo fardaan
gaggeffama.Warri aangoo gadaa fuudhan fardaan dhaqanii aangoo wal harka fuudhu.Dur-
abbootin gadaa aangoodhaaf qophaa’an guyyaa shan bosona keessa ciisu.Sanaa booda fardi

33. 27
colleen hunda isaaniif ni qophaa’a.Farda kanaan dorgommi taasisu.Namni dorgommii kan
injifate Abbaa Gadaa ta’ee muudama.Sirni kun buttaa ciisuu jedhama.
Haalli waliin jireenya hawaasummaa,aadaa,siyaasti fi kanneen biro nama fi nama
akkasumas,namaafi uumama biraa wlitti buusuu danda’a.Hawaasni karaa waldhabdee kana ittiin
furu ni qaba.kunis sirna gumaa baasuuti.Fardi sirna gumaa baasuu kana keessatti iddoo guddaa
qaba.Namoonni gaafa araara buusan farda luugamanii dhaqu.Haala kanaan wal dhabdeen sun
hangam cimaa yoo ta’eeyyuu fada lugamaan dhaabate araarri hin didamu.Akka hawaasni
amanutti nagaa hawaasni kadhatee kan argatu farda luugamaan dhaabeti. Collee lugamaan
dhaabun ni oodatama.Fardi lugamaan osoo dhaabatuu nama araara dide carra badaatu isa
mudata.(obbo Gaaromsaa Kafanii)
4.12 Gahee Fardi Adamoofi Waraana Keessatti Qabu
Bara durii jalqabee uummanni Oromoo waraana kallatti adda addaan irratti duulaa ture fardaan
loluun bilisummaa biyya isaani eegsisaa turan. Uummanni Oromoo farda akka meeshaa
waraanaa ammayyaatti dhimma itti bahaa ture . Fardi waraana keessatti namni akka diinaan hin
miidhamneefi biyyi harka diinaa jalatti akka hin kufne eega.(obbo Mirkanaa Irkoo)
Oromoon cimina farda yaabbachuu qabaachuun isaanii akka waraana irratti milka’an isaan
taasiseera.Warri fardaan lolan of eeggannoodhaan yoomii fi eessatti akka waraanaan beeku.
Yaada kana ilaalchiee Asmarom Leegesse(2006:62)
Oromo had powerful cavalary that stood at the head of their military campaigns. A force
that devastating impact on their un mounted adversaries as happened in northern Kenya
and throught out much of Ethiopia.Oromo horsemenship is highly prized aspect of their
culture and it had great deal to do with their military successes over the centuries.
Haala kanaan lola Adawaa yeroo Itiyoophiyaan Xaaliyanii injifattu abbootin fardaa gahee gudda
taphataniiru. Adeemsa lola kanaa keessatti abbootin fardaa oromoo wareegama cimaa
kaffalaniiru.Kun seenaa Itiyoophiyaa keessatti iddoo guddaa qaba. Kanaaf fardi akkuma namaa
dirree waraanaa garagaraa irratti wareegamuun naga waan buuseef akka mallattoo nagaatti
ilaalama.(Obbo Ittita Irkoo)

34. 28
Fardi adamoo keessattis gahee olaanaa qaba. Bara durii fardaan adamoo deemani bineensa
garagaraa ajjeesu.Fardaaf lafa dirreetu mijata waan ta’eef gammoojjii deemanii ittiin adamsanii
galu.Adamoo deemanii bineensa ciccimaa ajjeesani galuun gootummaa nama
gonfachiisa.Fardaan ari’anii qaqqabanii ajjeesanii galanii gootummaa ibsatu. (Fiilaa
jabeessaa,Bajjii kafanii)
4.13 Gahee Fardi Sirna fuudhaa fi heerumaa keessati Qabu
Fardi sirna fuudhaa fi heerumaa keessatti gahee qaba.Maanguddooni ilmaaf durba kaadhimuu
yeroo deeman fardaan dhaqu.Ilmi gahe fardaan fuudha.Cidha hiriyaa fardaan deeman. Fardi
cidhaaf filatamu farda deemsaa fi tapha haalan danda’udha.Baay’inni fardeenii cidha gurbaa
fuudhuu haalaan miidhaksa.Baay’inni fardaa cidha nama beekamaa tokkoo dhibbaaf shantamaa
hanga dhibba lamaa(150-200) ga’u danda’a. Baay’inni fardaa beekamtii gurbaa fuudhuu
agarsiisa.Gurbaan fuudhuu fi mariin gurbaa farda mi’a fardaan midhaksanii fuudha
dhaqu.Dargaggonnis cidhaa hiriyaa fardaan dhaqu. Kana malees, durba heerumtu sana yeroo
fuudhanii deemuuf gadi baasan yoo gaangee yaabbatti ta’e,fardatti akeeksisanii gaangee
yaabbachiisu.Gaangeen maseena.Hormaanni Oromoo biratti wanta jajjabeeffamudha.Fardi akka
mallattoo hormaattii ilaalamti.Kanaaf dursanii fardatti akeeku(Tasfaayee Mirkanaa,Alamaayyoo
Dhaabii)
4.14 Gahee Fardi Dinagdee Keessatti Qabu.
Hawaasni Oromoo Aanaa Saqqaa Coqorsa farda horsiisuun ni beekama.Dinagdee hawaasa kanaa
keessattis iddoo guddaa qaba.Gandoota farda horsiisan keessatti namni farda hin qabne baay’ee
xiqqaadha. Fardi yeroo ammaa kana qonna , ba’aa ulfaata itti fe’anii fagoo deemuu,gaarii
harkisuu,yaabbatanii deemuuf oolaa jira.Namni farda hin qabne akka nama ilmoo hin qabneetti
ilaalama.Innii hin qabnes ,isa qabu irraa qalaamaa fudhatee ilmoo ishee qixxeetti qooddatee
horata.Gatiin fardaa akkaataa deemsa danda’uu irratti hundaa’a.Gatiin farda haalaan deemsa
beekuu giddu galeessaan qarshii 5000-8000 ta’a.Namoonni ilmoolee bitanii haalan leejjisanii
gatii guddaatti gurguratu.(Tashoomaa Didhaa)

35. 29
aaf Qabu Jijjiran Yeroo ammaa kana ilaalchi fardi Oromoo Aanaa Saqqaa Coqorsaa biratti qabu
jijjiramaa4.15 Sababoota Ilaalcha Oromoon Fard deemera.Dur kormaa yaabbii qofaaf dhimma
kan itti bahan yoo ta’u,fardi qalaamaan immoo teessee ilmoo dhaluu ture.Yeroo amma kana
garuu fardi faayidaa garagaraa itti fe’ani karaa dheeraa deemuu fi midhaan ittiin calleessuuf
dhimma itti bahu.Akka maanguddoonni jedhanitti fardatti ba’aa fe’uun ,gaarii ittiin harkisuufi
midhaan ittiin calleessuun mootummaa Habashaa waliin gara uummata Oromootti
dhufe.Mootummoonni Habashaa akkuma uummanni oromoo garbummaa jalatti akka kufu
taasisan ,farda Oromoos fudhatanii gaarii ittiin harkisuu ,geejjibaa fi midhaan ittiin calleessuu
iitti fufanHaala kanaan uummanni Oromoos wanta alagaan hojjatu kana hojjachuu jalqabe,Haala
kanaan ilaalchi oromoon fardaaf qabu jijjiramaa deeme.Sababoota ilaalcha Oromoon fardaaf
qabu jijjiran keessa ijoon:
4.15.1 Laafaa deemuu Sirna Gadaa
Dhiibbaan nafxanyaa sirni gadaa oromoo akka laafu taasiseera.Sirna Gadaa keessatti abbootiin
Gadaa fardaan beekamu.Sirni wal harkaa fuudhinsa aangoos fardaan adeemsifamaa ture.Yeroo
sanatti fardiifi abbaan fardaa kabaja gudda qabu.Kana malees Oromoon yeroo sirna Gadaan
bulaa ture amantii ganamaa waaqeffannaa hordofaa ture.Yeroo sanatti gugsiin fardaa ayyaanota
garagaraa irratti taasifamaa ture.Jijjiramaa deemuun amantii kanaas akka gugsiin fardaa bakka
mana amantii ortodoksii qofatti akka danga’uuf karaa bane. Haala kanaan ilaalchi oromoon
fardaaf qabu akka jiijjiramu ta’e.Dhaloonni ammaas fardaaf dantaa dhabaa dhufe.

36. 30
1.15.2 Jijjiramaa deemuu Haala qilleensaa fi Dhufaatii geejjiba Ammaayyaa
Aanaa Saqqaa Coqorsaa keessatti gandootni hundi farda hin horsiisan.Kunis haalli qilleensaa
fardaa horsiisuuf mijatu badda fi badda dareedha.Haala qilleensaa gammoojjii kan qabu horsiisa
fardaaf mijataa miti.Kanaaf immoo ,kan karaa saaqu ciramaa deemuu bosonaati.Karaa
biraatiin,fardi bara durii jalqabee akka konkolaataa baadiyyaatti tajaajila.Nama dhukkubsate
mana yaala kan ittin geessan,bakka yaadan dafanii qaqqabuuf,yeroo rakkinaa fi gammachuu kan
ittiin walitti birmatan,yeroo dulloomanii dadhaban kan itti boqotanidha.Haa ta’u malee,yeroo
ammaa kana garuu,wantoota kanaaf bakka baay’etti geejjibni ammayyaa bakka bu’eera.Kanaan
wal qabatee ilaalchi dhaloonni ammaa fardaaf qabu jijjiramaa dhufeera.Dhufaatii geejjiba
ammayyaa kun hawaasni farda akka gurguruuf kara saaqe.

37. 31
BOQONNAA SHAN
5. GOOLABAA FI YAADA FURMAATAA
5.1 Goolaba
Oromoo biratti safuu,jaalalaa fi kabaja olaanaa qaba. Sababni isaas Seenaa uumata kanaa
keessatti gumaachi fardaa hin dagatamu. Fardi akka ilmoo namaatti ilaalama.Kanaaf immoo
maqaan namaa fardaan moggaafamuun ragaadha.Namni cimaan fardaan kabajama. Seenaaf
Abba fardaa gidduus hidhata cimaatu jira.
Hawaasti Oromoo aanaa Saqqaa Coqorsaatti argamus, farda horsiisuun beekamaadha.Dinagdeen
iyyeessa yookan sooressaa ta’uu , osoo hin taane aadaa fi safuu hawaasa sanaatu akka horatan
dirqisiisa.
Gaheen fardi sirna Gadaa,aadaa ,hawaasummaa fi dinagdee keessatti qabu olaanaadha.Bara durii
Oromoon fardaan lolee injifannoo heddu gonfateera.Dur humna waraanaa fardaan lolu baay’ee
qabaachuun ciminaa fi sodaatamuu ibsa.Kana malees, fardi aadaa tursuu fi nagaan hawaasni
barbaade akka bu’uuf iddoo olaanaa qaba.Gabaabatti sababa fardi lafti uummataa diina jala akka
hingalle eeguu fi nagaa buusuu keessatti gahee qabuuf akka mallattoo nageenyatti
ilaalama.Sababoota garagaraan ilaalchi hawaasni fardaaf qabu jijjiramaa dhufeera.Aadaa fi
beekumsa hawaasaa afoolan daddarbu irratti qorannoo taasisanii dhaloota dhufuuf kaa’un badii fi
jijjirama aadaa sana irratti dhufu ni dhiphisa.
5.2 Yaada Furmaata
Qorannoon waa’ee Ilaalcha Oromoon fardaaf qabu Aanaa saqqaa coqorsaa keessatti
adeemsifame kanaan ilaalchi Oromoon fardaaf qabu maal akka fakkaatuu fi sababootni ilaalcha
kana jijjiraa dhufan maal akka ta’e ibsameraa.Ilaalchi kun dhalootaa dhalootatti yeroo darbaa
deemu sababoota garagaraaan jijjiraamaa deemera.Kanaaf immoo kan karaa saaqan laafaa
deemuu sirna Gadaa, jijjirama, jijjiiram qilleensaa, dhufaatii geejjiba ammayyaa fi kan biroo ta’u
danda’u.

38. 32
Wantootni kun osoo nuti hin jaalatin aadaa keenya irraa nu fageessuu danda’u .Dhaloonni yoo
aadaa irraa fagaate immo aadaa hawaasa sanaa qancarsa. Kanaaf aadaa fi ilaalcha hawaasa
keenyaa irraa dhaalle itti fufsiisuuf qorachuun murteessadha. Kanaan wal qabatee qaamoleen
aadaa Oromoo irratti hojjatan kan akka waajjira Aadaa fi Turiziimii qorannoo gadi fageenyaan
gaggeessuun bifan barreefamaa maxxansanii kuusuun barbaachisaadha.
5.3Namoota Odeeffannoo Naaf Kennan
Maqaa Saala Gahee Hojii Umurii
Gaaromsa Kafani
Urgeessaa Qeensoo
Mirkanaa Irkoo
Dhiyanaa Qopheessa
Tasfaayee Mirkanaa
Daanyessa Sarbeessaa
Bajjii Kafanii
Dhinsee Kafanii
Dungee Kafanii
Fiilaa Jabeessa
Nugusee Urgeessaa
Gonfaa Nagaraa
Alamaayyoo Dhaabii
Dhiira
Dhiira
Dhiira
Dhiira
Dhiira
Dhiira
Dhiira
Dhaala
Dhaala
Dhiira
Dhiira
Dhiira
Dhiira
Jaarsa biyyaa
Jaarsa biyyaa
Qotee bulaa
Qotee bulaa
Qotee bulaa
Qotee bulaa
Jaarsa biyyaa
Qotee bulaa
Qotee bulaa
Jaarsa biyyaa
Hojjetaa
Qotee bula
Qotee bula
65
70
55
65
30
35
65
65
45
80
40
65
30
Table 3 :Namoota Odeeffannoo Naaf Kennan

39. 33
Wabiilee
Aadam Tiina fi Muusaa Haajii(2011).Seenaa Oromoo fi Madda Walaabuu,Finfinnee: Nacto
Abbaa Liban Dabbasaa Guyyoo fi Kan biroo (6410).Yaayyaa, Amantii fi eenyummaa, gumii
waaqeffannaa Oromoo: Norway
Asmarom Legesse (2006).Oromoo Democracy:an indigenous African political System. The Red Sea
press
Asmarom Legesse(1973). GadaThree Approaches To Study of African Society. New York,the free press
Baay’isaa Bayyanaa(2013).Gugsii, waraqaa qorannoo digirii
Jalqabaa guuttachuuf dhiyaate.
Dirribii Damusee(2012). Ilaalcha Oromoo, Finfinnee Oromiyaa.D.G printing.
LeellisaaAadaa Bantii(6413). Kudhaama seenaa, Finfinnee. Elleni p.p.plc
Fiixee Birrii(2012).Seenaa fi Aada Oromoo Wallaggaa, Dambi dolloo Itoophiyaa: Dambi Dolloo
Soofiya Indiriis(2012) Qaacceessa Sirba fuudhaa fi heerummaa Oromoo Jimma Aana Saqqaa Coqorsa
.Waraqaa qorannoo Digirii jalqaba guuttachuuf dhiyaate.
Tena(2013).Historical and cultural significance of horsecing Gugsi; Thesis
Tone Leus (2006) .Aadaa Booranaa, Addis Ababa: Shama books
Warqinaa A/soorii(2010).Sirna gada,Finfinne/Oromiyaa www.nerbraskstudies.org/0300/stories

40. 34