Ashk e Matam
Syedul Ulema Syed Ali Naqi Naqvi Sahab Qibla t.s.
" Chand saal se barabar Akhbar wa Jaraed ke zariye se an'thak tableeghi koshish ho rahi hai ke kisi tarah Azaey Hussain (a.s.) zamane se mitt jaae aur uss Mazloom ka naam tak kisi ki zabaan par na aaey, magar hum isko mashiyate Ilahi se muqaabla samajhte haiN, is liye iss koshish ke naqsh bar aab honEy ka yaqeen hai, magar ghalat fahmi ka dafiya bhi eik farz hua karta hai."
" Iss waqt meira mauzooe tahreer girya o zaari par aqli wa sharai nazar hai. Mere mazmoon meiN apne firqe ki kitab ka hawala naazreen ko na mileiga, jo kuch manqulaat meiN se hoga woh akabir a'laame sawad e aazam ki kitaboN ka iqtebaas hoga. Ummid hai ke meiri tahreer ko tamam ahle Islam nazare insaf se deikheiNge aur apne Nabi (saww) ke Nawase ki Azadari ko mughalta angeiz tahreeraat ki wajah se tark na kareiNge."
