1. «Արևի և լուսնի հրաշագործությունները»
Էլեկտրոնային ընթերցարան
Մաս 1-ին
2-2 դասարան
Mskh.am
2. Սկզբում երկնքում միայն լուսինն էր: Նա միայնակ
իշխում էր ողջ տիեզերքում: Լուսինը շատ գոհ էր, որ
ինքն ամբողջ երկնքի միակ տերն ու տիրակալն էր:
Բայց անցան երկար տարիներ, ու լուսինը սկսեց
հոգնել մենակությունից: Նա սկսեց անընդհատ
տխրել և երազկոտ հայացքով նայել հեռուներին: Նա
նույնիսկ փորձեց մենակ չլինելու համար ընկերանալ
արևի հետ, սակայն իզուր: Որովհետև արևն ու
լուսինն իրար ոչ մի կերպ չէին կարողանում
հանդիպել, որքան էլ որ փորձում էին: Խեղճ լուսինը
շարունակում էր ամեն գիշեր միայնակ ու
անտրամադիր շրջել ցուրտ երկնքում: Ու մի օր նա
զայրացած գնաց ու գանգատվեց ծեր հրաշագործին,
որ ինքը միշտ միայնակ է և նույնիսկ մեկ ընկեր չունի:
Զայրացած հայտնեց, որ այլևս չի ուզում լինել
միայնակ, որ իր կյանքը տխուր է ու անիմաստ:
Հրաշագործ ծերունին շատ էր սիրում լուսնին,քանի
որ նա էր ստեղծել լուսնին: Ծերունին որոշեց հիամ էլ
ստեղծել աստղեր և դրանք փակցնել ամպերին,
որպեսզի լուսինը գիշերները միայնակ չլինի
երկնքում: Եվ ահա նա ստեղծեց աստղերի առաջին
տասնյակը: Լուսնի ուրախությանը չափ ու սահման
չկար: Նա ուրախութոյւնից խենթացել էր ու
անընդհատ բղավում էր.
- Էլի՜, էլի՜ եմ ուզում, ծերունի..., էլի՜... շա՜տ...
3. Ծերունին ոգևորված լուսնի երջանկությամբ, սկսեց
անհամար աստղեր ստեղծել ու ուղարկել վեր: Իսկ լուսինը,
առանց որևիցե նախանձի, իր ընդարձակ երկինքը սկսեց
հավասար կիսել այդ բամաթիվ աստղերի հետ: Ճիշտ
է,հիմա նա երկնքի միակ տիրակալը չէր, սակայն այժմ
ավելի երջանիկ էր, քան առաջ: Չէ որ ուներ անհամար
ընկերներ, որոնք իր պես արթուն փայլում էին ամբողջ
գիշեր, խաղում և զրուցում էին նրա հետ:
Ու մինչև հիմա էլ այդպես է: Լուսինը ամբողջ գիշեր
սահում է երկնքի մի ծայրից մյուսը և տարբեր
գժություններ է անում իր արծաթափայլ ընկերների հետ,
իսկ ցերեկները նրանք միասին գնում են քնելու, որ գիշերը
նորից սկսեն իրենց խաղը: Չէ որ նրանք հիմա առանց մեկ-
մեկու չեն կարող ապրել: Նրանք դարձել են անբաժան
հարազատներ:
Երիցյան Էդուարդ
4. Լինում է, չի լինում մի լուսին է
լինում: Նա ընկերություն է անում
ամպերի հետ:Մի օր լուսինը իր
մայրիկին` Երկնքին հարցնում է, թե
ինչն է պատճառը, որ Արևն իրենց
հետ ընկերություն չի անում:Մայրը
պատմում է, որ տարիներ առաջ
նրանք` Արևը, Լուսինը և Ամպերը
ընկերներ էին, միշտ միասին էին,
սակայն օրերից մի օր Արևն
ընկերանում է Շողերի հետ :
Շողերի փայլերը կուրացնում էին
լուսնի աչքերը: Ամպերը լուսնին
պաշտպանելու համար ծածկում են
արևին: Այդ օրվանից մինչև այսօր
լուսինն ու ամպերն ընկերություն են
անում:
Բարխուդարյան Գոռ
5. Կային-չկային երկու լավ ընկերներ կային:
Նրանք Լուսինը և Գիշերն էին: Ափսոս,որ կյանք
չկար աշխարհի վրա,որովհետև միշտ գիշեր
էր:Լուսինն իր լույսից քամեց և մի կլոր գունդ
սարքեց, իսկ գիշերն իր աստղերով շողեր սարքեց,
ու նրանք միասին սարքեցին արև: Դրանից հետո
միշտ արև եղավ, և երկրի վրա կյանք տիրեց:
Հարությունյան Տիգրան
6. Մի օր լուսինը զանգահարեց արևին
և ասաց.
-Արև՛, գալո՞ւ ես առավոտյան երկրին
տիրես:
-Ոչ,՛ հիվանդ եմ, չեմ կարող գալ:
-Լա՛վ, ես քո փոխարեն կգնամ:
Իսկ մարդիկ չգիտեին,որ լուսինը
կարող է առավոտյան տիրել երկրին...
Հոնհաննիսյան Մանանա