2. Հռչակավոր իտալացի արվեստագետ, նկարիչ, քանդակագործ, ճարտարապետ և գիտնական, մաթեմտիկոս, մեխանիկ, քաղաքագետ, երաժիշտ և գյուտարար Լեոնարդո դա Վինչին, ծնվել է 1452 թ-ի այս օրը` Ֆլորենցիայից ոչ հեռու գտնվող Վինչի քաղաքի մոտակա Անկավինո գյուղակում: Նրան անվանել են չարի ծառա, իտալացի Ֆաուստ և աստվածային հոգի:
3. Լեոնարդոյի ծնողները` 25-ամյա նոտար Պիերոն և Կատերինան են եղել: Նրա կյանքի առաջին տարիներն անցել են մոր հետ: Շուտով նրա հայրն ամուսնանում է հայտնի և հարուստ մի երիտասարդ աղջկա հետ, բայց, քանի որ այդ ամուսնությունը լինում է անզավակ, Պիերոն երեքամյա որդուն վերցնում է իր խնամակալության տակ: Մորից բաժանված Լեոնարդոն ողջ կյանքում փորձել է մոր կերպարը վերականգնել իր գլուխգործոցներում:
4. Լեոնարդոն չի ունեցել ազգանուն` դրա ժամանակակից իմաստով: «Դա Վինչի» ուղղակի նշանակում է ծնունդով Վինչի քաղաքից: Նրա իտալերեն ամբողջական անունը` Leonardo di ser Pieroda Vinci, նշանակում է «Լեոնարդո` պարոն Պիերոյի որդի` Վինչիից»:
5. Հռչակավոր գեղանկարչի ստեղծագործական ճանապարհի սկզբի վերաբերյալ գոյություն ունի լեգենդ: Լեգենդի համաձայն` Լեոնարդոյի հորը դիմել է մի քրիստոնյա, ով նրան է հանձնել փայտե կլոր վահան և խնդրել է գտնել նկարիչ, ով ի վիճակի է նկարազարդել այդ վահանը: Պիերոն չի փորձել գտնել մասնագետ և այդ գործը հանձնարարել է որդուն: Լեոնարդոն որոշել է պատկերել «սարսափելի» մի բան: Նա իր սենյակ է բերել բազմաթիվ «մոդելներ»` օձեր, սարսափելի տեսքով խավարասերներ, և վահանի վրա նկարել է ֆանտաստիկ մի վիշապ: Ապշահար հայրը դրանից հետո որդուն ուղարկել է ուսանելու Տոսկանայի լավագույն նկարչի` Անդրեա դել Վերրոկկոյի մոտ: Այդպիսով երիտասարդ Լեոնարդոն հայտնվում է իր ժամանակների հայտնի նկարչական արվեստանոցում:
6. Լեոնարդոն ունեցել է շատ ընկերներ և աշակերտներ: Ինչ վերաբերում է նրա անձնական կյանքին, հավաստի տվյալներ այդ առումով չկան, քանի որ Լեոնարդոն թաքցնում էր իր կյանքի այդ կողմը: Որոշ տվյալների համաձայն` Լեոնարդոն կապ է ունեցել Լյուդովիկո Մորոյի սիրեցյալ` Չեչիլի Գալլերանիի հետ: Ֆլորենցիայում Լեոնարդոն գրեթե չի նկարել: Վարպետի աջ ձեռքն անզգայանում է, բացի այդ նա դժվարությամբ էր շարժվում առանց կողմնակի օգնության: 68-ամյա Լեոնարդոն Ամբուազում ապրելու երրորդ տարին անցկացնում է անկողնում:
7. 1519 թ-ի ապրիլի 23-ին նա կտակ է գրում, իսկ մայիսի 2-ին կնքում է մահկանացուն` իր աշակերտներով և ստեղծած գլուխգործոցներով շրջապատված: Լեոնարդոն իր վերջին հանգրվանն է գտել Ամբուազ ամրոցում: Դեռևս կենդանության օրոք լեգենդներով շրջապատված Լեոնարդոն մարդկային մտքի անսահման ձգտումների խորհրդանիշն է: Նա հանդիսանում է Բարձր Վերածննդի արվեստի հիմնադիրներից:
8. Վերածնունդը կամ Ռենեսանսը (ֆր.՝ Renaissance, իտալ.՝ Rinascimento) Արևմտյան և Կենտրոնական Եվրոպայի երկրների մշակույթային և գաղափարական զարգացման մի դարաշրջան է, երբ միջնադարյան մշակույթից անցում է կատարվել նոր ժամանակի մշակույթին, (Իտալիայում՝ 14-16-րդ դարերում, մյուս երկրներում ՝ 15-16-րդ դարերում)։
11. Լեոնարդո դա Վինչին (իտալերեն՝ Leonardo da Vinci) (Ապրիլ 15, 1452 - Մայիս 2, 1519) իտալացի չափազանց տաղանդավոր ճարտարապետ, ճարտարագետ, դիահատող, քանդակագործ, գյուտարար, երաժիշտ, և գեղանկարիչ էր։ Նա Ռենեսանսի վառ ներկայացուցիչնէրից մեկն է։ Նա նաև մարդկանց մեծամասնության կարծիքով աշխարհի, բոլոր տարիների ամենամեծավոր գեղանկարիչն է: Նրա ամենահայտնի նկարներից են "Մոնա Լիզան" կամ "Ջակոնդան" և "Գաղտնի ընթրիքը": Նա շատ բաներ է նախագծել իր կյանքում: Նա է ստեղծել առաջին տանկը, ջրային կոստյումը, տարբեր զենքեր, թռչող սարքեր և այլն:
12. Կենսագրություն Լեոնարդոյի ծննդյան անունը «Լեոնարդո դի սեր Պիերո դա Վինչի» նշանակում է «Լեոնարդոն, պարոն Պիերոյի տղան Վինչիյից»։ Նա ծնվել է Անչիանո գյուղում որն Վինչի քաղաքի մոտակայքում էր։ Լեոնարդոյի հայրը նոտար էր, իսկ մայրը՝ գյուղացի։ 1469-78-ին Ֆլորենցիայում աշակերտել է Ա.դել Վեռոկքիոյին: Հետագայւմ լքելով Ֆլորենցիան Լեոնարդոն որպես ճարտարապետ,հիդրավլիկայի,պաշտպանական շինությունների և մեքենաների մասնագետ ծառայել է Միլանի դուքս Լուդովիկո Մորոյին:Այդ շրջանի հետ է կապված Լեոնարդո-գեղանկարչի ստեղծագործության ծաղկումը:
13. «Աստվածամայրը քարանձավում» նկարում կերպարները տեղադրել է բնապատկերի մեջ,որը ոչ թե ֆոն է,այլ յուրատեսակ հուզական միջավայր: Մոնա Լիզայի դիմանկարում պատկերված կնոջ կերպարը չզրկելով ինտիմ-մարդկային հրապույրից Լ.դա Վինչին մարմնավորել է կանացիության վեհաշուք իդեալը կոմպոզիցիայի կարևոր գործոն դարձնելով պաղ մշուշում տարրալուծվող տիեզրականորեն ընդարձակ բնապատկերը: