Beginners Guide to TikTok for Search - Rachel Pearson - We are Tilt __ Bright...
Regulamento de funcionamento do servizo de pasatempo na escola
1. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
REGULAMENTO DE FUNCIONAMENTO DO SERVIZO DE CONCILIACIÓN
"PASATEMPO" NO CPI AS MIRANDAS DO CONCELLO DE ARES
CAPÍTULO I
OBXECTO, ÁMBITO DE APLICACIÓN E CONCEPTO
Artigo 1.- Obxecto
O presente regulamento ten por obxecto establecer as normas de organización e
funcionamento do servizo de conciliación PASATEMPO organizado pola Anpa
Ramón Pimentel do CPI As Mirandas de Ares.
Artigo 2.- Ámbito de aplicación
O ámbito de aplicación territorial do presente regulamento é o Concello de Ares.
O servizo está dirixido ao alumnado de Educación Infantil, Primaria e Secundaria
do CPI As Mirandas do Concello de Ares.
Artigo 3.- Concepto
O servizo "PASATEMPO" é un programa social que pretende ser unha ferramenta
de conciliación da vida laboral, persoal e familiar para as familias do alumnado do
CPI As Mirandas de Ares, que consiste en:
A posta a disposición dun monitor/axudante dentro das instalacións do propio
centro educativo dende o remate da xornada lectiva ordinaria, 14:30 h ata as 16:30
h que se encargará de atender aos usuarios ata que as súas familias, dentro dese
horario, poidan recollelos, ou ata que dea comezo algunha das actividades
extraescolares organizadas pola ANPA ( ou que se desenvolvan no pavillón
polideportivo ) nas que o alumno estivese matriculado.
As fontes de financiamento serán as propias familias participantes no programa
mediante as cotas aboadas polos usuarios/as, e subvencións que para tal fin
poidan concederse polas administracións públicas, en metálico ou en especie.
Artigo 4.- Obxectivos
O servizo PASATEMPO ten un obxectivo principal: facilitar á poboación de Ares a
conciliación da vida persoal, laboral e familiar, atendendo os seus menores por
profesionais especializados.
CAPÍTULO II
2. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
DEREITOS E DEBERES
Artigo 5.- Dereitos dos/as usuarios/as
Son dereitos dos usuarios e usuarias do servizo PASATEMPO e de quen ostenta a
súa patria potestade:
a) O acceso ao programa e á información sen discriminación por razón de
nacemento, raza, sexo,relixión, opinión ou calquera outra condición ou
circunstancia persoal ou social, incluídas as discapacidades físicas, psíquicas e
sensoriais.
b) A consideración debida á dignidade da persoa, tanto por parte dos/as
monitores/as e persoal do servizo, como dos demais usuarios/as.
c) O sixilo profesional sobre os datos do seu historial persoal, sanitario,
socioeconómico e familiar.
d) A intimidade persoal tendo en conta as condicións de funcionamento do servizo.
e) A asistencia individualizada acorde coas súas necesidades específicas.
f) Deixar de utilizar o servizo por vontade propia.
g) Ser informados de xeito comprensible das medidas adoptadas respecto deles e
de canto afecte á súa propia educación.
h) Ser educados na tolerancia, na convivencia democrática e en valores de
igualdade.
Artigo 6.- Deberes dos/as usuarios/as
Son deberes dos usuarios/as do servizo PASATEMPO e de quen ostenta a súa
patria potestade:
a) Cumprir as normas recollidas no presente regulamento.
b) Manter unha conduta inspirada na tolerancia, na colaboración e no mutuo
respecto aos outros/as usuarios/as, aos monitores/as e ao persoal do servizo.
c) Aboar as cotas que sexan acordadas.
CAPÍTULO III
MONITORES
3. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
Artigo 7.- Monitores
O programa estará executado por monitores e axudantes con experiencia e
formación suficiente estimando un monitor/axudante por cada 15 nenos
aproximadamente.
O coordinador do servizo será un membro da xunta directiva da ANPA designado
cada ano a tal efecto.
Artigo 8.-Funcións dos/as monitores/as
Os/as monitores/as do servizo terán as seguintes funcións:
a) Recoller ao alumando de infantil á saída da xornada lectiva ou tras o remate do
servizo de comedor e trasladalo ao lugar no que se desenvolve o servizo.
c) Desenvolver as actividades lúdicas no tempo de lecer nos espazos cedidos polo
centro.
d) Deixar recollidas as instalacións e limpo o mobiliario e os utensilios usados, así
coma os espazos para a realización das actividades lúdicas.
e) Atender persoalmente aos pais/nais ou titores/as.
f) Controlar as asistencias ou ausencias dos nenos/as usuarias do servizo, así
coma os bonos dos usuarios/as ocasionais.
g) Educar para a convivencia:
- Trasladar aos nenos/as aos diferentes espazos de actividade dentro e fóra do
centro, e vixiar a súa conduta durante eses traslados.
- Vixiar que os nenos/as deixen as súas pertenzas de forma correcta nos lugares
destinados a este fin.
- Inculcarlles aos nenos/as a necesidade de respectar o horario, as normas de
convivencia establecidas e as instalacións así como o mobiliario e o material.
- Informar aos pais/nais ou titores/as e a coordinación das incidencias significativas
na conduta e actitudes dos seus fillos/as.
h) Educar para o tempo libre:
- Dirixir actividades lúdicas no tempo de ocio e fomentar a sociabilización entre
todo o alumnado.
- Vixiancia activa nos espazos de uso.
- Dirección e participación nas actividade programadas.
i) Realizar as demais funcións que se Iles atribúan desde a coordinación para o
correcto funcionamento do servizo.
CAPITULO IV
ORGANIZACIÓN
Artigo 9.-Tipos de usuarios/as:
4. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
Os usuarios e usuarias de PASATEMPO poden ser ocasionais ou fixos/as.
a) Usuario/a diario/a: aquel/a usuario/a que se matricule no servizo o mes
completo, de luns a venres, independentemente de que o utilice todos os días ou
días concretos.
Pódese dar de alta no momento da matrícula ou, de haber prazas suficientes, con
posterioridade.
b) Usuario/a ocasional: aquel/a usuario/a que, existindo prazas dispoñibles, desexe
utilizar o servizo en días soltos. Ten que solicitarllo ao coordinador/a do
programa presencialmente, por teléfono ou correo electrónico en horario de 9:00
a 14:00 horas do día anterior á utilización do servizo para poder avisar ao
monitor correspondente.
Artigo 10.- Número de prazas ofertadas e selección dos solicitantes
Cada ano, no mes de maio/xuño haberá un prazo de preinscrición a fin de coñecer
o número de solicitantes do servizo. Este prazo anunciaráse a través do blogue da
ANPA: anpadeares.blogspot.com.es.
O número mínimo de nenos/as matriculados como usuarios fixos para poñer en
marcha o servizo será de DEZ. O número máximo de prazas ofertadas, nun
principio e por razón de espazo será de 30. Unha vez cubertas estas prazas
elaborarase unha lista de agarda coas demáis solicitudes.
No caso de que de tódolos xeitos o número de solicitudes supere o número de
prazas ofertadas, farase unha selección e terán prioridade as familias que teñan
necesidade de conciliar a vida laboral e familiar e aquelas con necesidades sociais
e económicas. De ser posible, poderá ampliarse o número de prazas para o
servizo.
A listaxe definitiva de persoas admitidas será igualmente publicada facilitando a
información do prazo para a formalización da matrícula.
Artigo 11.- Listaxe de agarda
A listaxe de garda abrirase no caso de non haber prazas dispoñibles suficientes
para satisfacer a demanda do servizo, unha vez publicada a listaxe definitiva das
persoas admitidas. Os/as nenos/as en espera irán entrando no servizo seguindo
estritamente a orde na que figuren na lista correspondente e en función das baixas
que se produzan no respectivo servizo.
Artigo 12.- Formalización da matrícula
5. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
Unha vez publicada a listaxe dos/as admitidos/as como usuarios/as diarios/as,
estes disporán ata o día anterior hábil ao inicio do servizo para formalizar a
matrícula.
Para que a alta sexa efectiva serán condicións indispensables as seguintes:
a) Dispoñer de praza.
b) Formalizar a matrícula correctamente e o pago da mensualidade.
c) De ser o caso, estar ao día no pagamento do servizo do curso anterior.
Os/as interesados/as en solicitar a alta como usuarios/as fixos/as poderán facelo
tamén con posterioridade ao prazo de presincrición e matrícula, pero nese caso
incluiranse na lista de espera do servizo por rigorosa orde de entrada da solicitude.
Artigo 13.- Data de inicio no servizo
Os/as admitidos/as poderán comezar no servizo o primeiro día lectivo completo do
curso escolar .
En caso de solicitude de alta con posterioridade ao prazo de preinscrición e de
matrícula se houbera prazas dispoñibles, será o Anpa o que, por motivos de
organización, determine a data na que podería comezar no servizo.
Artigo 14.- Baixa do usuario/a fixo/a
Pódese dar de baixa no momento que o estime oportuno, sempre antes do día 25
do mes anterior . Para isto, terá que comunicarllo ao monitor/a . Tamén terá que
comunicarlle a baixa por escrito nas oficinas do Anpa ou a través do correo
electrónico anpadeares@gmail.com.
De non seguir este protocolo de baixa, seguirá conservando a praza e
consecuentemente reclamaráselle o abono do servizo.
Artigo 15.- Dereito de admisión e potestade sancionadora
A ANPA resérvase para si o dereito de admisión e de exclusión temporal ou
definitiva dos alumnos/as que se comporten de forma incorrecta ou que os seus
pais, nais ou titores non respecten este regulamento e as normas básicas de
convivencia e colaboración.
Antes de tomar unha decisión daráselle sempre audiencia aos pais, nais ou titores
dos menores.
Os/as nenos/as que acudan ao servizo deberán ter adquiridos os hábitos de
educación e coñecemento adecuados á súa idade (utilización de cubertos,
respecto aos monitores, coidado do material, hábitos hixiénicos, etc).
Artigo 16.- Horario
6. ANPA RAMÓN PIMENTEL DO CPI AS MIRANDAS ( ARES )
Tfno: 618 383 083 Blogue : anpadeares.blogspot.com.es
Correo electrónico : anpadeares@gmail.com
O horario de funcionamento do servizo será de 14:30 h ata as 16:30 h. Dentro de
este horario as familias poden recoller/deixar aos seus fillos cando o desexen.
O monitor/axudante encargaráse de recoller ao alumnado de Infantil na súa porta
ás 14:30 h ( ou 15:15 h no caso dos usuarios do comedor ) así como de levar a
este mesmo alumnado, ás 16:30 h á actividade extraescolar organizada pola
ANPA que lle indiquen as familias.
O alumnado de Primaria e ESO deberá achegarse ás instalacións nas que se
desenvolverá o servizo.
O servizo préstase nas instalacións da biblioteca ( planta baixa do edificio de
Primaria ), espazo cedido polo centro para o desenvolvemento axeitado deste
servizo.
A entrada farase polo portal pequeno da entrada principal do centro educativo, no
que as familias deberán timbrar na tecla “comedor” para que lle abran a porta (que
terán que pechar cando marchen ).
Artigo 17 .- Recomendacións
Recoméndase ás familias que utilicen o servizo ao remate da xornada lectiva
ordinaria ( alumnos que non son usuarios do comedor ) lle introduzan na súa
mochila un pequeno petisco por se se lles presenta a fame.
Artigo 18- Pagamento
As cotas serán establecidas anualmente polo Anpa. Os usuarios fixos abonarán as
mensualidades completas de outubro a xuño, e a metade no mes de setembro.
1.-Os/as usuarios/as diarios/as terán que realizar o pagamento mensual do 1 ao 10
de cada mes ( adiantado ) mediante ingreso/transferencia á conta bancaria da
ANPA aberta no Banco Pastor.
2.-O pai, nai ou titor dos/as usuarios/as ocasionais pagarán o servizo ao monitor/a
no momento de deixar ao usuario/a.
Artigo 19.-Este regulamento poderá ser modificado polo mesmo órgano que o
aprobou, a xunta directiva a ANPA, para adaptalo ás necesidades que se detecten
durante a posta en marcha do servizo.
Artigo 20.- O Anpa poderá ditar cantas ordes e instrucións resulten necesarias
para a adecuada aplicación, interpretación e desenvolvemento deste regulamento.
Ares, 1 de xullo de 2016