Imanasqataq amawta kayta munaranki
- 1. RURAQ: Yesica Marca Escobar. yesicamarcae@gmail.com
IESPP JOSÉ SALVADOR CAVERO OVALLE DE HUANTA. EDUCACION INICIAL INTERCULTURAL BILINGUIE VII
Ñuqapa sutiymi Yesica, taksalla
kasqaymatam, ñañaykunawan pukllaq kani
yachispa, ñuqam yachachik kaq kani utaq
ñañay; chaymi ñuqa niyman kaymanta punim,
mana musyakuchkaspaya amawta kayman
qatiq kani.
Aswanqa ñuqaqa mana inicial nisqanchikman
rirarichu, chaymi pichqa watachaywan huk
ñiqi yachapakuymanña rirani, ichaqa chaypi
amawtan mamayta nira, mana allinta
yachaptinqa kutirachimusaqmi nispa, aswanqa ñuqaqa kasqani ancha umasapa,
apurawllamanña yacharuq kani imatapas, amawtañataq kusikuyllawanña qawawaq.
Kunanñataq qatunyaruspayku, ñañayqa Amawtaña, warmakunataña yachachin.
Ñuqañataq yachapakurqani kay computación e Informática nisqankuta ñawpaqtaqa,
aswanqa, yuyapani Amawta CINTHIA ROJAS YANCE nisqanta, warmakuna uña
kasqankupi ima pukyasqankupim, hatunyaruspankuqa chayman chayanqaku.
Chayman hinam, kunanqa
ñañay hinam kay amawta kayta
yachapakuchkani.
Amawta kayta akllakurani, ancha allin
quy kaptin, yachachiytam munani,
yachasqay wakinkunaman quykuyta,
mana allinta pagawaptinkupas. Kay
Perú suyunchikpiqa amawta kayqa
usuchisqan kanchik.
Yachapakuchkaspaymi llapa sasachakuykunawanmi tuparani, ichaqa uña
warmachakuna rayku llapa imata rurarani, paykunam mana qukmanllaspa asiyninta,
kuyakuyninta quykuwanchik, chaymi ñuqa allin kallpata qapispa allin amawta kanaypaq
sumaqta yachapakuchkani.
¿IMAYNAMPITAQ AMAWTA KAYTA MUNARANKI?
- 2. RURAQ: Yesica Marca Escobar. yesicamarcae@gmail.com
IESPP JOSÉ SALVADOR CAVERO OVALLE DE HUANTA. EDUCACION INICIAL INTERCULTURAL BILINGUIE VII
Warmakuna imayna saqisqa kasqankutam qawarani karu llaqtakunaman rispay,
tayta mamankunam wawankuta saqipakunku allunkuman, chaymi paykunaqa mana
allinkuna yachay wasiman chayamunku, llakisqakuna, mana mikusqa, qachay qachay,
chaymi anchata piñapakuni hinaspa nini, ñuqa yachachispayqa llapa ima atisqaypin
yanapasaq, qatunyaspanku allin runakuna kanankupaq, llaqtankupaq llamkaq
warmikuna, allin kawsakuypi yachaqkuna, kay pacha ñawpaqman allinta puririnampaq.
Karunchakuspa mana allinkunamanta.
Tayta Diostam pay nikuni yanapaykuwasqanmanta, paymi kay amawta
kanaypaq kallpanchawara, paytaqmi sapa punchaw yanapawan allin amawta
qispinaypaq.
Ancha kusikuymi ñuqapaq, uña warmakunawan tupanakuruptiy ñuqaman
pawamuptinku, amawtay amawtay nispanku, yuyapakunitaq pim kasqanta manataq
yuyanichi, aswanqa chay rurasqakun kusichiwan, yachay wasiman yaykuykuptiymi,
ñawpaqtam sayaruspay umanchani, allin yachachiyta yanapaykuway nispay yaykuykuni
yachachik. Punchaw tukuruptinñataq ñuqapas yacharuni paykunamanta.
Kunanñataq ñawpaqman puririchkani Taytanchikpa yanapakuyman.
Manam tukuymanchu, amawta
kayqa ancha sumaqmi mana
nispayqa, amawta kayqa allinta
qawarikuspa, rikcharispa llamkaymi,
llapa imapas qamunmanmi, ichaqa
ñuqanchikqa kallpata qapispa
ñawpaqman puririnanchik.
Ruraykunam rikurinan , mana
rimayllachu.
Ñan kay yachapakusqay tukuruchkaspam, tumpa manchakuywan kachkani,
aswanqa munanitaqmi yachachiytaña uña warmakunata.
Kusikuywantaq kachkani, kay munasqay tukupaykuchkaspa, ari amawta kaytam
munarani hinaspaqa tukurusaq nispa.
¿IMAYNATAQ TARIKUNKI KAYLLAÑA YACHAPAKUSQAKI
TUKUYKUNAYKIPAQ?
- 3. RURAQ: Yesica Marca Escobar. yesicamarcae@gmail.com
IESPP JOSÉ SALVADOR CAVERO OVALLE DE HUANTA. EDUCACION INICIAL INTERCULTURAL BILINGUIE VII
Kusisqam kani, kunanqa yachachisaqña
nispay, uña warmakunawamñam kasaq
nispay.Aswanqa sapa punchaw umallini, uña
warmakunam qawapi suyawachkanku
yachachinaypaq, chaymi sunquy kusirikun,
yachasqayrayku, kunanqa kay hukmanyasqa
pachamanta, sumaq pachaman
yaykuykusaq, kaypiqa sumaq pacha, sumaq
qamutaykunam kan, sumaq llimpikuna,
sumaq pukllaykuna, sumaq takikuna, sumaq ruraykuna. Warmakunaqa tampa nullma
hinam, sumaqllatam paskarinanchik tumpallamanta, wiñankum, rurankum. Ama
tiquychu, utaq kachariychu, aswanqa yanapaykuy hinalla.
