1. O faro de Punta Natiga
Alma Quing Ramas Corrales (2º ESO B)
Situación
O Faro de Punta Natiga é un faro situado en Malpica de
Bergantiños e construído en 1998. Ten un alcance de 22
millas náuticas e é unha luz branca sobre unha torre
cilíndrica e de 39 metros de altura.
Fauna
Neste territorio pódense atopar distintas aves como a
gaivota escura (Larus fuscus), a gaivota tridáctila (Rissa
2. tridactyla) e a gaivota patiamarela (Larus cachinnans), ao
igual que en Malpica.
Anteriormente existía un tipo de aves chamados os araos
comúns (Uria aalge), unha especie endémica que
desapareceu tras o desastre do petroleiro Prestige (2002).
Flora
Tamén hai variedade de plantas e moita herba.
Aquí pódese atopar flora endémica como as clavelinas de
mar (Armeria maritima), unha planta invasora chamada
unlla de gato (Carpobrotus edulis) e a carpaza moura
(Cistus salviifolius).
Características
-A forma do edificio onde se sitúa o faro é moi similar á
proa dun barco debido ás tres puntas da estrutura
situadas en distintos lados.
-Tamén se sitúa unha curiosa estrutura, construído polo
arquitecto Manolo Coia, que sería o pico da proa do
barco.
-A escultura construída por Manolo Coia pódese
representar coma un home metade ave polos brazos e
parece como se quixera voar de alí.
-Ao redor do lugar pódese ver dende lonxe unha
cantidade inmensa de rochas con curiosas formas que
foron o resultado da erosión do vento e da auga. Estas
3. rochas son a fonte de atención de moitos visitantes cando
van visitar o lugar.
-Cando entras na parte inferior deste edificio, pódese ver
outro edificio dentro del, coma unha pequena casa. Esta
arquitectura simula o lugar onde se realizan os controis
para o funcionamento do barco.
Datos persoais
Eu tiven a oportunidade de visitalo debido a que visito
Malpica cada ano no verán. A última vez que estiven,
puiden ver de novo este marabilloso faro de Punta
Nariga. Non sabía a existencia deste faro ata que mo
mostraron. Pensaba que sería máis pequeno, pero non;
foi todo o contrario. Foi bastante agradable visitalo, pero
é recomendable ir abrigado porque vai moito frío, sobre
todo cando vas á parte de arriba de todo (non dentro do
faro). Alí si que vai moito frío!
Por outra parte, as diferentes rochas de diferentes formas
foron espectaculares! Parecían aves, persoas, cousas da
natureza, animais, covas, etc. Calquera cousa que a túa
4. imaxinación che permita! Gustoume moito esa
experiencia. Espero repetilo este ano.
Despedida
Espero que desfrutarades esta información sobre este
gran faro de Malpica de Bergantiños tanto coma a min e
que os haxa podido ilusionar e animar para poder visitar
este marabilloso lugar. Moitas grazas.