1. Arabako sozialismoa birsortzeko balioak
Alderdi Sozialistaren fundaziotik, askatasunaren aldeko pasioa, berdintasuna,
elkartasuna, eta giza aurrerapena izan dira gure borrokaren ikurrak. Gure historiaren
unerik onenak bizi ditugu langileen aldarrikapenen lehen lerro bihurtu garenean, eta
era berean, gizarte osoaren xedeak argi interpretatzen ditugu. Une horietan, hain
zuzen ere, erakundeetan eragin kuota altuenak eta giza eraldaketa handienak lortu
izan ditugu.
Gaur, sozialistak, krisi hirukoitz baten erdian bizi gara: ekonomikoa, ideologikoa eta
hauteskunde-babes ezarena. Araban, krisi hirukoitz horri printzipioen krisia gaineratzen
zaio, gure proiektuaren gida eratu beharko lituzketen balioak, alegia. Eta uste dugu
espainiar eta euskal sozialismoari eskaini ahal zaion laguntza egokiena dela Arabako
PSE-EE hobe bat egitea. Gu guztion esku dago.
Krisi garai hau ezin da ulertu mehatxu bat bezala, zeinaren aurrean postulatu zaharren
lubakian babestu behar garen, bai ordea, etorkizunari begira jartzeko eta gure
proiektuaren benetako birsortze politiko, organiko eta etiko bat bultzatzeko aukera bat
bezala.
Alderdi Sozialistaren balioak zalantzaezinak dira eta kontsideratzen dugu balio horiek
gauzatzen ditugula, hots, eredu hori ordezkatzen dugula. Uste dugu irmoki Arabako
PSE-EE-en birsortze bat behar dela, sozialismoaren funtsezko balioak berreskuratu
eta erabil ditzan, egungo giza errealitatera egokituz: zera da, pertsonak, lana,
zintzotasuna, soiltasuna, gardentasuna, eztabaida kritikoa eta parte hartzea.
Lehenik, pertsonak: militanteak, aldekoak eta botoemaileak.
Pertsonak, bere kapital nagusiena, balioetsiko dituen Alderdi baten premia dugu.
Arabako PSE-EE (PSOE) ez da ezer bere militanterik gabe. Gaur, inoiz bezala, gure
Alderdiak politika egiteko estilo berri bat erabili behar duenaren konpromezua hartu
behar du, jendea gehiago kontuan har dezala, ezaxola edo liskarrak eragin baino,
kohesioa indartu dezala eta benetako aukerak ireki ditzala edozein militantek senti
dezan, bere parte hartzea, bere inplikazio pertsonala erabilgarria eta garrantzitsua
dela. Alderdi politiko baten bizitzak bi zentzu ditu; bere harremana militante eta
afiliatuekin, eta bestalde, gizarte osoarekin. Militante eta aldeko aktiboagoak dituen
alderdi batek, eta era berean, entzunak izateko aukera izan dutenak, bere proposamen
ahalmena, gizartearenganako eragina eta eraldatze ahalmena biderkatzen ditu.
Arabako PSE-EE-a beste zeozer gehiago da bere militanteentzat, ondare kolektibo bat
da, bere historiarena eta bere ideiena, eta Alderdiak Arabako lurraldearekin
erantzukizun bat du.
Lana
Politika ez da lanbide bat, baina egin behar da profesionaltasunez, dedikazioz,
norberak daukan gauza onena eskainiz.
Erakundeetako karguak, eta soldata bat dutenak are gehiago, edota Alderdiaren
langileak, lanaren eta arduratzearen, herritarren egiazko arazoekiko hurbiltasunaren,
eta zerbitzu publikoaren aldeko bokazioaren adibide izan behar dira.
1

2. Politikaren birsortzeak eskatzen du, ez daitezela gerta ardura organiko zein publikoen
batzea, ez eta jarduera pribatuak bateragarri izatea jarduera publikoaren
exklusibotasunaren kalterako, biak kontrajartzen baitira herritarrek eskatzen eta espero
duten profesionaltasuna eta ardura politikoarekin.
Zintzotasuna eta soiltasuna
Bizi ez dena, pentsatzen duen moduan, bizi den moduan pentsatzen bukatuko du.
Gizartearekiko sozialisten konpromezua hasten da PSE-EEko kide guztien
adibidearekin. Alderdiaren jarduera, defendatzen denarekin bat etorri behar da,
defendatzen dena eta bere liderren lehentasun politikoen eta pertsonalen artean
sortzen den edozein ezberdintasun eragotziz.
PSE-EE (PSOE)ren birsortzeak Araban, militantzia eta gizarte osoak eskatzen
duenaren aurrean, bere arduratzeko moduaren etika berri bat ekarri behar du.
Gardentasuna: konfidantza eta kontu bihurtzea
Arabako Alderdiko arduradun gorenek, militantzia, aldeko eta botoemaileenganako
konfidantzan oinarritutako kontratu berri bat sinatu behar dute; kontratu hori
gardentasuna deitzen da.
Arabako PSE-EE (PSOE)ko herritarrak eta militanteak inoiz baino hobeto heziak
daude. Metodo klasikoek eta informazioa eta komunikazioaren teknologi berriek modu
zehatzean ezagutarazi behar dizkigute, nola eta noiz egin diren Alderdi sozialistaren
zein bere kargu organiko eta publikoen ekintza guztiak.
Tankera honetako aldaketen bultzadak erraztuko luke, era berean, kargu organiko eta
publikoen kontu hartzea, militantziaren eta gizartearen aurrean.
Eztabaida kritikoa: gure identitate ezaugarria
Desadostasunerako jarrera, uko egitea edo konformitate eza gizarte ireki baten
pizgarria da.
Organo eta arduradunek eztabaida sustatu behar dute erabakiak hartzeko, eta, era
berean, kontuak bihurtzeko. Gure antolaketaren kideek, oinarrizko gure afiliaziotik
kargu instituzional goreneraino, askatasun, eztabaida eta ideien aberaste koletiboaren
alor egonkor bat sortzen dutelaren funtsezko ideia berreskuratu behar dugu. Borondate
kolektiboa eratzeko, ezinbestekoa da eztabaida seriorako, kritikorako, autokritikarako,
eta elkarren artean entzuteko eta elkar ulertzeko ahalmena eta aukera egotea.
Kontsentsu egonkorraren demokrazia ez da luze demokrazia bat izango, eta horren
ondorioz, ez da demokratikoa izango kontsentsua dogma bihurtuko duen alderdi bat.
Ezkerrean falta dira, inoiz ez bezala, gehiengoaren eritziari aurre egiten dieten
pertsonak.
Parte hartzea: guztioen artean erabakiak bilatu.
Dena aldatu da, erakundeak eta ordezkatze sistemak izan ezik.
Barne-egiturak eta alderdien funtzionamendu moduak, orokorrean, eta gurearena
bereziki, ez dira izan beharko liratekeen bezain demokratikoak. Errealitate hau
aldatzeko, botere gehiago eman behar diegu militanteei, aldekoei eta botoemailei.
2

3. Alderdi Sozialistaren eredu ezberdin bat aldarrikatzen dugu, Araban eta Arabatik. Gure
barne funtzionamendua berraztertu behar da eta gure egiturenak –elkarteetatik
Batzordeetaraino, Exekutibetatik pasatuz- gure Alderdia biziberritzeko, iragazkorragoa,
gertuagoa, demokratikoagoa, partekatuago, erabilgarriagoa eta errespetagarriagoa
egiteko.
Hauteskunde primarioen zein hautagaitzetarako eta barne karguetarako hautatzeko
sistema berrien alde apostu egin genuen. Era berean, beharrezkoak dira
militantziarako eta Arabako gizarte kontsultarako mekanismo arinak, garrantzi
ekonomiko eta sozial berezia izan dezaketen gaietan.
XXI. mendeko alderdi moderno batek afiliazioari eta aldekoei eskaini behar die parte
hartze politikoa erakargarriagoa egin dezaketen formula berriak. Hortik, lidergo berriak
aterako dira demokrazian eta eztabaida kolektiboan bereziki oinarrituta. Ez dago
lidergorik antolaketa politikoaren barne kontrolaren obsesioan ezta egi absolutuetan
edota parte hartzearen bidezko erabakien oztopatzean; horrek demokrazia falta eta
barne askatasunen eza besterik ez du adierazten.
Arabako PSE-EE (PSOE)ren datorren Biltzarraren aurrean
Gure asmo nagusia datorren Arabako PSE-EE (PSOE)ren Biltzarraren aurrean, lan
egiteko modu bat definitzea da. Horregatik, izen bat bilatzea ez da gure lehentasun
nagusietako bat, garrantzitsuena eredua da, politika egiteko modu berri bat. Guztiok
gara beharrezkoak bide honetan.
Arabako PSE-EE (PSOE)ren kohesioa aldarrikatzen dugu. Hau izan behar da ilusioen
gehitzearen, ideien eztabaidatzearen, proposamenen ekarpenaren prozesu baten
ondorioa, eta ez mendetasun eta barne hitzarmenena, militantziaren banakako
borondatetik urrunduak baitaude. Azken finean, akordio ezak ez du zertan adierazi
behar apurketa eta lehialtasun falta.
Zentzu honetan, Araban, askatasun osoan, biltzar-prozesu baten garapenaren alde
apustua egiten dugu, beldurrik gabe, gure tradizio historikoari obedituz eta ideien eta
pertsonen kontrastean oinarriturik.
Autoritate politiko eta ideologikoa daukan lidergoa, sakontasun etikoa duena, falta da.
XXI. mendeko erronka berrietara prestatuak egon beharko liratekeen koadro politiko
gehiago behar ditugu, politika bikaintasun erreferentzia bihurtu ahal izateko.
Datorren Biltzarrak balio behar digu, ideia berrien bilatzean, Arabako proiektu
sozialdemokrata berriro definitu ahal izateko konpromezua hartzeko. Eta hauxe gure
bultzada. Alderdiaren eraldaketarako apustu bat, giza prozesu berriei erantzuteko.
Konpromezu politikoaren berreskuratzera zuzenduta dagoen bide honetan aurrerakoi
gehiago batzeko ekarpen bat. Zorrostasunaren etika berri baten aldeko apustu bat.
Alderdi Sozialistatik, Araban sozialismoaren birsortzearen alde.
Gasteizen, 2012ko azaroaren 29 an.
3