Ía un rato polo camiño e atopou unha porcallada e quixo investigar sobre o autor

1. aquelo
MonDaporta
COUSIÑAS
FEITAS
NA CASA

2. Iba un día un rato moneando polo camiño

3. Cando case se mete naquelo ata o fuciño.

4. E como atopar aquelo non lle gustou nada
quixo reprender ao autor da porcallada.

5. O primeiro en pasar foi o coello
e berroulle o rato por facer aquelo.

6. -Non, eu non fun -respondeulle o coello-.
Eso non é o que eu fago, nin estando enfermo.

7. E o que tal fixo anda esfurricado
senon non se entende… tremendo “traballo”!

8. Detrás veu a galiña que iba de paseo
e retouna o rato por facer aquelo.

9. -Non, eu non fun – contestoulle a galiña-.
Nin na forma nin na cor esa cousa se parece á miña.

10. Logo foi o ourizo o que oeu ao ratiño
por facer aquelo no medio do camiño.

11. -Non, eu non fun –protestou o ourizo-.
Eu nin fixen tal cousa nin sei quen a fixo.

12. Chamada polo rebumbio asomou a toupeira
e alá foi o rato para reprendela.

13. -Non, eu non fun -replicoulle a toupeira-.
Eu fago o que fago debaixo da terra.

14. Despois veu un gato e non se librou.
Por facer aquelo tamén escoitou.

15. -Non, eu non fun –díxolle o gato ao ratiño-.
Eu enterro o que boto, non o deixo no camiño.

16. Dun burato do valo saeu o lagarto
e alá foi a rifarlle, ás carreiras, o rato.

17. -Non, eu non fun. Só son un lagarto.
Como podes ver… non podo obrar tanto.

18. Máis adiante veu un grilo, e o rato con premura,
foise a el para facerlle a censura

19. -Non, eu non fun –negou enfadado o grilo-.
Vostede non sabe o que di, meu amigo…

20. e, ou non ve ben ou non ten moito seso.
Pensa que do meu corpo puido saír todo eso?

21. Con tanto barullo espertou o leirón,
achegouse a ver, e escoitou o sermón.

22. -Non, eu non fun, de ningunha maneira.
Eu non son quen de facer tal bosteira.

23. Botoulle ao teixugo unha parrafada
por facer no camiño aquela barroada.

24. -Non, eu non fun- apuxo o teixugo-.
Eso non o facemos nin obrando vinte xuntos.

25. Acusou logo ao merlo, que se achegou a ver,
porque pensou o rato que o puidera de facer.

26. -Non, eu non fun -repúxolle o merlo-.
Eu non fago tal cousa nin nun ano enteiro.

27. Apareceu por alí un can e, antes de escoitar nada,
achegouse a inspeccionar a tremenda “pancada”.

28. Mirouna arredor, achegoulle o fuciño,

29. deu media volta e fixo o seu xuizo.
-Pola pinta e polo olor…
eso non é o que pensa… non o é, non señor!

30. Eso do chan, ainda que non o creades…
eso non é merda. Eso é chocolate!

31. Ninguén daba creto a semellante saída.
“-Ou o can está tolo… -Ou dalle á bebida”.

32. Ao escoitar o balbordo achegouse o chasco.
Vira o que pasara e deixou todo claro.

33. -Onte ao pasar co carro, o chocolateiro,
bateu nunha pedra e envorcoulle un caldeiro.

34. Ningún creu tal cousa ata que se achegaron,
viron de preto, uliron e tocaron.

35. Logo un lambeu,

36. outros beliscaron

37. e todos comeron ata que afartaron.

38. E con esto a historia quedou rematada.
Acabou en enchenta o que empezou en cagada.