2. Mihiaren goiko aldea dastamen-papila
izeneko pikor txikiz beterik dago. Pikor
horiek jakien zaporearen eta
tenperaturaren informazioa bidaltzen diote
garunari. Zapore bakoitza mihiaren gune
jakin batek detektatzen du

3. Usainak airean flotatzen dabiltzan
partikula txiki-txiki batzuek sortzen dituzte.
Arnasa hartzean, partikula horiek sudur-
zulortatik sartzen dira eta sudurraren
barruan dagoen mukosan erantsita
gelditzen dira. Mukosaren azpian usain-
detektagailuak daude eta nerbioen bidez
mezuak bidaltzen dizkiote garunari.

4. Soinuak belarri-zulotik sartu eta tunel
batean aurrera joaten dira. Tunel horren
bukaeran
tinpano izeneko horma dago, eta soinuek,
horma hori jotzen dutenean, dardarazi
egiten dute.

5. Tinpanoak, dardaratzean, belarri barruan
dauden hiru hezurtxoak mugiarazten ditu.
Hezur txiki hauek barraskilo itxurako tutu
luze eta biribildu batera (koklea) bidaltzen
dituzte soinuak. Tutu hori nerbio batzuei
lotuta dago, eta soinuak garunera
bidaltzen ditu nerbio horien bidez.

6. Giza gorputza larruazalak eta ileak estalita dago.
Ukimenari esker, leuntasuna, mina, hotza,
laztasuna, beroa eta bustia nabaritu daitezke.
Ukitzen duzuna nolakoa den igartzeko, ukimen-
detektagailuak dituzu gorputz guztian.
Detektagalu horiek oso txikiak dira, eta
larruazalaren azpian daude. Zerbait ukitzen
duzunean, nerbioek mezuak bidaltzen dituzte
garunera.

7. • Ikusteko, begiak erabiltzen ditugu.
Argazki-kamera baten modura jarduten
dute begiek: begiaren barnealdea lente
bat da. Lenteak elkartu egiten ditu argi-
izpiak eta begiaren barnean irudi txiki bat
islatzen du. Irudi hori alderantziz dago,
baina, garunari esker, irudian agertzen
dena zuzen ikusten dugu.