Jainkoaren maitasuna hain handia da gure alde gurutzera joan zela. Orain berpiztua dago eta bizirik dago.

2. Zergaitik Jainkoak egin du mundua hain gaizki?
Zergaitik sufrimendua?
Zergaitik arazoak, zergaitik zauriak?
Zure etorkizuna noren eskutan utzi duzu?
Zeintzuk dira gure Jauntxoak?
Jesusek bere ikaslei galdetu zien:
Eta zuek nor naizela diozue?
Zer erantzungo zenioke Jesusi?

3. Galdera hauek erantzuteko eta hauen atzean
Jainkoaren eskua ikusteko...
Jainkoari begiratu behar diogu, hain zuzen ere
gure gorputza hartu duen eta gure historian
agertu egin den Jainkoari hain zuzen ere.
Jesus Nazaretekoari begiratu behar
digu.

4. Jesus gizakia zen, zuk dituzun arazoak zituen, jateko beharra
zeukan, nekatzen zen... Jesusek haragi gizatiarra zeukan.
Gauza ikaragarriak egin zituen, guk egin ditzakegun bezala.
Jesusek hil aurretik depresioa izan zuen eta otoitz etengabekoa
egiteko irrika eta beharra zeukan Jainkoaren borondateari uko ez
egiteko. Gero hil zuten eta Pentekostes etorri zen eta Jesusen
lagunek gertatu zen misterio handia ulertu zuten. Pedro atera zen eta
esan zuen:

5. «Entzun hau: Guztiok dakizuenez, Jainkoak Jesus
Nazaretarra zuen aurrean sinesgarri egin zuen,
mirariak eta egintza ahaltsu eta harrigarriak haren
eskuz eginez. Jainkoak zuen eskuetara eman zuen,
bere asmoaren eta aurrez hartutako erabakiaren
arabera, eta zuek gurutzean josi eta hil egin
zenuten sinesgabeen eskuz. Baina Jainkoak
piztu egin zuen, Herioaren lokarrietatik
askatuz, Herioak ezin baitzuen hura bere menpe eduki.
Jesus hau piztu egin du Jainkoak, eta gu guztiok gara
lekuko. Jainkoak bere eskuinaldera altxatu duelarik,
hitzemandako Espiritu Santua hartu du
Aitarengandik eta guri isuri; hauxe da zuek ikusten
eta entzuten ari zaretena». Eg 2

6. Jesukristo gure bekatuengatik hil zen, beraz guk hil dugu gure
bekatuekin... baina Berpiztua dago.
Hau ulertzeko Jainkoaren Espiritua behar dugu Pentekostesen eman
ziguna eta isuria dena. Hau ulertzeko Espirituaren begiak ditugu.
Bataioan hartu genituen begiak baina urteetan zehar zaborrak sartu
zaizkigu begietan. Horregatik “kolirioa” isuri behar dugu argi ikus
dezagun.
Espiritu Santua behar dugu: Espiritu Santua Jesukristoren bidez
Jainko-Aitak emandako maitasuna da. Maitasun hori gure baitan jaso
behar dugu ulermena, ikusmena eta bizia izan dezagun.

7. Jesukristo historiaren epailea da, izan ere, heriotzaren
muga gainditu du. Historiaren epailea eta gure historiarena
ere bada. Jesukristo hor dago, gure historian: gure
historiako arazoetan, gure beharretan, zaurietan,
gurutzetan, alaitasunean... gure bizitzan dago.
Gure bizitzan nahi gaitu Jaunak eta hor nahi du gure
pazkoako misterioa bizitzea, berak egin zuen bezalaxe,
bere laguntzarekin nahi du guk ere pazko bizitzea, Bera
gure Jauna izateko.

8. Baina honek zer esan nahi du?
Benetan Jesukristo gure Jauna da?
Nola eta zergaitik? Zure etorkizuna
noren eskuetan utzi duzu?
Gizakia Jainkoaren irudi eta antzera
sortua da, baina zauritua dago. Zauri
horiek mintzen gaituzte.
Jainkoaren maitasuna askoz
handiagoa da gure zauriak eta
bekatuak baino. Gure arazoa da
Jainkoaren maitasun hori hartzea
kosta egiten zaigula.

9. Jainkoaren maitasuna hartzea kosta egiten zaigu gure buruari
begiratzen diogunean gugan geratzen garelako eta gure niari
bueltaka eta bueltaka egoten gara gugan geratuz. Arazoei eta zauriei
bueltaka eta bueltaka.
Honen aurrean, egoera aldatzeko zerbait egin behar dugunez ,
egintza onak egiten ditugu guk erabakitakoak... baina ez gara zirkulu
horretatik ateratzen, izan ere, Jainkoa da gure zauriak sendatzen
dituena.
.

10. Askotan gure perfekzionismoa, gure berekoikeria Jainkoaren ahotsa
itotzen du eta zerbait behar dugunez egintza onak egiten ditugu.
Zeintzuk dira bueltaka eta bueltaka dituzun zauriak?
Askotan ez dira zauriak, guk erabakitako Jauntxoak dira, hasieran
bizia ematen digutenak eta gero esklabo egiten gaituztenak.
Hauetako batzuk izan daitezke?
Dirua, lanpostua, familia, sexua, izaera, droga, parranda, lagunak,
afektuak, erlazio afektiboak, lagunarteko harremanak, pobrezia,
txirotasuna, txikitako traumak, txikitan izandako esperientziak,
teknologia berriak, gatazkak....

11. Bekatari maitatuak gara, jada gure bekatua ez da gurea Jainkoarena
baizik. Horregatik gurutzera joan zen Jesus.
Jesusen gurutzean jarrita dago: “Zuen bekatua erosia dago prezio
arras garestian”.
Baina guk ez diogu Jesusi gure bekatua eman nahi, horregatik ez
dugu egoera hori sendatzen sendagileari (Jesusi) ematen ez
diogulako. Gizakia den bezala da eta bere burua horrela onartu behar
du Jainkoaren aurrean.
Gizakia ez da perfektua eta, bere kabuz, ezin daiteke perfektua izan.

12. Jainkoak gure bekatuan eta gure zauritan maite gaitu, bekatari
maite nau eta gure Jauna izaten uzten baldin badiogu, gure bekatua
deusestua eta sendatua izanen da.
Nik, neure kabuz, bekatuaren kontra jotzen badut azkenean nekatuko
naiz. Jauna da sendatu, sendotu, garbitu.. nazakeena.
Esperientzia hau bizi dutenak arinago sentitzen dira, pisurik gabe. Izan
ere maitatuak gara eramaten dugun zama horretan, bekatu horretan.
Jesukristok gure zama eraman du. Ez dugu guk zerua irabazi behar gure
esfortzuaren bitartez, jada salbatuta gaude. Soilik salbamen hori onartu
behar dugu. Jesusek maite gaitu eta gure bekatuak gurutzean
iltzatu ditu. Jesusekin hil dira eta Berarekin berpiztuko gara bizi berri
batetara; bizi berri, osasuntsu eta zorion batetara.

13. Hau da gure bizitzan pazkoa bizitzera. Falta den bakarra da
gure bekatuak, zauriak, ardurak... Jaunari ematea eta
Jauna izatea gure bizitzaren Jauna.
Jesusek esan zigun:
“Ez die inork maitasun handiagorik adiskideei,
bere burua haien alde ematen duenak baino.
Zuek nire adiskide izango zarete, nik agintzen
dizuedana egiten baduzue. Aurrerantzean ez
dizuet morroi deituko, morroiak ez baitu jakiten
nagusiaren asmoen berri; zuei adiskide deitzen
dizuet, neure Aitak jakinarazitako guztia adierazi
baitizuet. Ez ninduzuen zuek ni aukeratu, neuk
zintuztedan zuek aukeratu”. Jn 15,13-15
Jaunari gure arazoak, bekatuak, ardurak ematen badizkiogu eta Espiritu
Santuari gure bihotzean tokia eginez gero, Jainkoaren maitasun korronte handia
gugan egonen da, Jainkoaren lagunak izanen gara eta Bera gure Jauna izango
da. Ez gara morroiak izango; inoren morroi.
Pertsona askeak, zoriontsuak eta besteei zoriontasuna emanen diogunak
izango gara.

14. Lehenengo pausua gure ardurak, bekatuak,
zauriak zeintzuk diren ezagutzea eta
adiskidetze sakramentuan Jesusi uztea izan
daiteke.
EZ IZAN BELDURRIK JESUSEK
SENDATUKO GAITU!

15. Eraberrituak Espiritu Santuaren laguntza eska
dezakegu.
Etor zaitez Espiritu Santua eta bete itzazu gure bihotzak
Jainkoaren maitasunez. Izan zaitez, Jesus, gure Jauna.
Aurkezpen hauek ez ditugu bukatu: Adi aurkezpen berrietara!
Informazio gehiago: http://erlijioabizi.wordpress.com/

16. Jainkoaren bedeinkapena izan bedi zuekin!