iLembe.compressed
- 7. 7IZINDABAiLembe Eyethu • 20 February 2015
EZESIFUNDAZWE
Sesisuse umsindo isinqumo
sikaNgqongqoshe
Isinqumo sikaNgqongqoshe
wezokuBusa ngokuBambisana
neziNdaba zoMdabu KwaZulu
Natal, uNkk Nomusa Dube Ncube
sokufaka amakhosi kuMasipala
weTheku lapho kumele athole
umhlomulo ka-R5000 njalo
ngenyanga. Lomsindo uvela
kwi-DA ngoba ithi inkulu lemali
kanti futhi lamakhosi ngeke
alubhade ngisho emhlanganweni.
Kumele angalahlwa
uDhlomo
Bathi akangalahlwa abe-
ANCYL uSihlalo we-ANC
eThekwini uDkt Sibongiseni
Dhlomo osebeka phansi
izintambo kumele abhekelelwe
ekutheni athathe isikhundla
esiphethwenguMnuz Willies
Mchunu sokuba iphini likaSihlalo
wesifundazwe ngonyaka ozayo.
Loludaba luxoxwa kakhulu
ngamalunga kaKhongolose aseka
uNkk Zandile Gumede ukuba
abenguSihlalo weTheku.
Baboshelwe icala lokubamba
inkunzi kuhlonyiweSebekhalelwe
amasongo kasigonyela abalisa
abathathu kubalwa nephoyisa
lasoNdini, enyakatho neKwazulu
-Natal kubona. Labasolwa
bahlasele umshayeli weloli
ebelipake eceleni komgwaqo
kuN2 maqondana nasoPongolo
bamkhomba ngesibhamu maqeda
bamphuca umakhalekhukhwini
basebezama kuvula isisefo semali
phakathi bahluleka amaphoyisa
aze-ababamba sebebaleka
ngezinyawo ezimobeni.
Abe- IFP bagxeka
uNgqongqoshe
Umengameli wombutho
wentsha eqenjini le IFP uMnuz
Mkhuleko Hlengwa usekhwele
wadilika kungqongqoshe
wezokuBusa ngokuBambisana
nezoMdabu,KwaZulu – Natal
uNkk Nomusa Dube – Ncube
ngenxa yesinyathelo sakhe
asithathile uthi sikhombisile
ukuthi ucasulwa ukubambisana
kweIFP neNFP kulomasipala.
Isisuse esinye isiteleka i-DUT
Sekuphazamiseke ukufunda
eDurban University of
Technology njengoba abafundi
bemise yonke into bahambisa
incwadi yezikhalo kwisekela
lekhansela lesikole uSolwazi
Ahmed Bawa. Bavuke
umbejazana labafundi kade
uSolwazi ebatshela ukuthi imali
yeNational Student Financial Aid
Scheme (NSFAS) iyashoda.
Kubuye ithemba
kowesifazane waseMlazi
Kugwetshwe ojele abayishumi
ngecala lokubulala isiboshwa
sase-Waterval uMnuz Ayanda
Cele(24). Unina kamufi
uNkz Thulile Ntshingila uthe
sekubuye ithemba njengoba
labojele sebegwetshiwe ngoba
ubengasaboni kahle ukuthi
yayoke bajeze ngokubulala
indodana yakhe
GOGO TYPHINA
- 8. 8 EZEMIDLALO iLembe Eyethu • 20 February 2015
NGOKUBONA KWAMI
Ese: Jerry Barnes
032 551 3232
UMA UFUNA UKUKHANGISA
FONELA KULENAMBA
CISHE wonke amakilabhu
amakhulu nathathwa
njengezikhokho eMzansi
nakwiPSL avele ashaywe uvalo
oluncane uma ecabanga umlando
weNedbank Cup.
Lomqhudelwano usudume
ngokuthi ofishi abancane bahlala
bedla abakhulu, futhi abalandeli
bebhola sebehlala ngokuminca
uma iqala imidlalo yalenkomishi
ngoba lamaqembu angaziwa
asevamisile ngoba phela avele
abukise ngobhuti abadala.
Ubani ungakhohlwa yiqembu
elalingaziwa iMaluti FET College
eyathela ngehlazo iBhakaBhaka
uqobo, iOrlando Pirates ngo
2013 emzuliswaneni wokuqala?
IPirates yaphinda yazalelwa inja
endlini ngesikhathi iqembu elikwi
National First Division (NFD)
iThanda Zulu Royals ngonyaka
odlule icishe yona umcimbi
kodwa-ke AmaBhakaBhaka
agcina ephume ngembobo
yenaliti aze ayodla umhlanganiso
kwiNedbank Cup. Phela
lenkomishi iqhukethe isiteki sika
R7 Million.
Okubuhlungu nje ukuthi
amakilabhu aseKwaZulu Natal
abhekene namakilabhu angaba
yinkinga uma ezothathwa
kancane.
Iqiniso lithi uma amakilabhu
aseKZN afuna ukuqhubekela
kuzofanele azibambe ngoqhoqho
lezifanyana ezizobe zidlala
nazo. IMaritzburg United yona
idlale neMpumalanga Black
Aces eMbombela Stadium
izolo ebusuku. Ngesikhathi
sokushicilela imiphumela
ibingaziwa.
Umdlalo okubhekeke ukuthi
udle ngokushuba futhi
ugedlise namazinyo uzoba
phakathi kwekhokho zaseKZN
AmaZulu kanye nomakhelwane
iLamontville Golden Arrows
edlala kwiNFD. Lomdlalo uzoba
usePrincess Magogo Stadium
kwaMashu ngoLwesihlanu ngo
8pm.
Kulezinsuku akuhambi kahle-hle
oSuthwini ngoba phela basalokhu
belwa nokusuka emsileni ukuze
bavike izembe phela.
Oshampeni bangonyaka odlule,
iPirates bazobhekana noma
badlale neqembu laseEast London
edlala kwiABC Motsepe League
iTornado eqeqeshwa owayeyisi
kwebhisi kwiBhakaBhaka
ngaleyaminyaka esiyadlula uJerry
“Legs of Thunder” Sikhosana.
NgoMqgibelo iKaizer Chiefs
izobhekana neAfrican All Stars
ngo3pm eFNB. IThanda Royal
Zulu yona izodlala neMamelodi
Sundowns eLoftus ePitoli ngo
5.30pm ngawo uMqgibelo.
Amanye amathemba aseKZN
iNatal United azonikizana
neChippa United eWolfson
Stadium ngo 3pm ngosuku
olufanayo.
Kanti isiyonke imidlalo
yeNedbank Cup last 32 imi kanje:
Friday, February 20, 2015 20:00
AmaZulu v Golden Arrows
Princess Magogo Stadium
Saturday, February 21, 2015
15:00 Kaizer Chiefs v Edu
Sports FC FNB Stadium
15:00 Black Leopards v FC
Cape Town Thohoyandou
Stadium
15:00 Chippa United v Natal
United Wolfson Stadium
15:00 Phiva Young Stars v
Jomo Cosmos Kamhlushwa
Stadium
15:00 Bellevue WInners Park
v Vasco Da Gama Giyani
Stadium
17:30 Mamelodi Sundowns v
Thanda Royal Zulu FC Loftus
Stadium
20:15 Bidvest Wits v Free
State Stars Bidvest Stadium
Sunday, February 22, 2015
15:00 Platinum Stars v The
Magic FC Royal Bafokeng
Stadium
15:00 Bloem Celtic v Roses
United Seisa Ramabodu
Stadium
15:00 African Warriors v
Maluti FET College Charles
Mopeli Stadium
15:00 Mainstay United v
Ajax Cape Town GWK Stadium
Wednesday, February 25, 2015
19:30 University of Pretoria v
Moroka Swallows Tuks Stadium
19:30 SuperSport United v
Polokwane City Lucas Moripe
Stadium.
SELUQALILE USHIKISHI LWE-NEDBANK CUP_______________________
Jerry Barnes
Abadlali be Orlando Pirates bejabulela ukuwina indebe ye Nedbank
Cup ngonyaka odlule. Isithombe esakwa Back page pics.
Indawo yokuzivocavoca eHowick West Sports Centre
MANGIQALE nje ngicacise
ukuthi mina ngavotela noma
ngiyohlale ngivotela uhulumeni
wabamnyama nowentando
yeningi, ngoba phela ngiyazi
lapho sivela khona.
Ngaphandle kokubala
amagama ezinhlangano
nokuzwakala sengathi
mhlawumbe ngiyacwasa, mina
mangisho nje kusakhanya futhi
wonke umuntu esabhekile
ukuthi angikaze ngiphuphe
ontamo lukhuni noma amabhunu
eshintsha ukucabanga nokwenza.
Ushansi nje omncane
abawowuthola bayowusebenzisa
noma kanjani ukuthi basicindezele
ukuthi sizibone sicindezekile
futhi. Futhi-ke guys, akucace
lokhu Maqabane amahle nakini
nonke zinkokheli nani makhansela
ethu emalokishini nase zindaweni
zethu zakobantu, sebenzelani
imiphakathi yenu ukuze izwe
namawadi ethu angaweli
ezandleni ezi wrong. Isikhathi
samakhansela nabaholi bamanga
nakhohlisanayo sesiphelile.
Mangisho nje njevolontiya
eliqhenyayo likahulumeni weningi
nobusayo, kwaze kwabuhlungu
engikubona eHowick
ezinkundleni zakhona ezindala
zemidlalo, edolobheni impela.
Phela lenkundla ingenkulukazi
ngaphansi koMngeni
Municipality futhi yiyo ehlala
isingatha imidlalo yomphakathi
neyedolobha eseqophelweni
eliphezulu. Engikubuzayo mina
futhi okuhlala kungiphula umoya
ukuthi kodwa yini eyenza ukuthi
uHulumeni wethu esimthandayo
nesamvotela kanye noMnyango
weZemidlalo nokuNgcebeleka
eKwaZulu Natal (Department of
Sports and Recreation) ukuthi
bathathe imishini yokuzivocavoca
eyakhelwe ngaphande ebaleni
(Outdoor Gym) ukuthi bayise
endaweni yabelungu futhi abadla
izambane likapondo.
Mina ngangishi lama Out Door
Gyms azokwakhelwa abantu
bethu abamnyama nabantulayo
nabangakwazi ukukhokhela
amagym ezigwili noma aphambili.
Mina ngokubona kwami
ngikholelwa wukuthi akekho
umuntu ohluphekayo nothwele
kanzima emndenini nasempilweni
ongakwazi ukukhokhela ukuya
ejimini. Phela sike sibone
amajita amaningi kanye nabo
sisters sebeya emajimini aqalwe
emalokishini ngoba phela
akukho easy or just affordable
ukukhokhela lamajimu asema
town eniwaziyo nani. Abanye
bethu bake bayele nje ukuyobuka
osisters abami kahle emajimini.
Kanti abanye osisters emajimini
baya ngoba beyofuna ukubukwa
noma ukuphanta umendo.
Ungize kahle, ngithe abanye
babo. Nase celeni kwase
Natalia Building, ekhoneni lika
Langalibalele (Longmarket Street)
and Boshoff Street, kunezinye
izinsimbi zokujima ezavele
zafakwa zase ziyekwa nje kanjalo.
Eish! bafwethu...zisedolobheni
and akekho ozisebenzisayo ngoba
azivulelekile kumphakathi. Ngike
ngizibuze ngingaqedi ukuthi kaze
uDept of Sports and Recreation
(DSR) wayecabangani la. Maybe
uDSR akazazi izimfuno noma
izidingo zethu zabamnyama
emalokishini ethu noma
ezindaweni zethu. Yini eyavimba
ukuthi leOutdoor Gym yakhiwe
eMphophomeni Township.
Phela iqiniso lithi iMpophomeni
isenhlwempu futhi isadinga izinto
eziningi zezemidlalo. Amabhunu
aseHowick noma abantu abakwazi
ukuthi bazithengele imizi etown
yaseHowick abayidingi leOut
door Gym.
Iziphathi mandla zakwaDSR
ikakhulukazi itop management
yakhona kufanele ikhunjuzwe
ukuthi kahle-kahle lamaOutdoor
Gym aye akhelwa abantu
abamnyama abantulayo
emalokishi, hhayi ukuhlobisa
nje ngemishini ingasetshenziswa
muntu. NaseNatalia, indaba
efanayo. Lemishini izihlalele nje
ngaphandle and akukho muntu
oyisebenzisayo. Ngike ngithi uma
ngiphumile ngisebenza ngakulezo
zindawo, ngime imizuzwane
mhlawumbe eyishumi ngethemba
lokuthi bakhona engizobabona
bejima ngenhlanhla.
Ngiyathemba ukuthi
amalokishi afana noMlazi
noKwaMashu noLamontville
around Durban ngeke abe nalo
ibhadi abone iOutdoor Gym
yakhiwe ngaphandle kweMoses
Mabhida Stadium kunokuba
iye ezindaweni zethu thina
bantu. Ngomoya wami omuhle
wesonto ngithi nje please DSR,
listen to the people and build the
Outdoor Gyms in the townships.
Ukube nje iOutdoor engaphandle
kwaseNatalia Building yayiswa
eCopesville noma eThembalihle
ngabe asikhali (PMBurg). Nalena
eseHowick kwakufanele iye
eMpophomeni, finish and klaar,
this thing is simple and straight
forward.
Hhayi-ke asiyiyeke lapha
inkulumo yethu namhlanje, wena
nje uhlale ubusisekile- Stay
Blessed.
KWAZE KWABUHLUNGU ENGIKUBONA EHOWICK NASE NATALIA EMARITZBURG