[Ny tsy hahafahan' ny olona amin'ny loza, na dia efa nifonan'i Jeremia tamin'Andriamanitra aza izy] « Ary ny fonareo no triatriaro, fa aza ny fitafianareo, ary miverena amin'i Jehovah Andriamanitrareo; Fa mamindra fo sy miantra Izy, mahari-po sady be famindram-po ary manenina ny amin'ny loza, » (Joela 2:13)

1. [Ny tsy hahafahan' ny
olona amin'ny loza, na
dia efa nifonan'i
Jeremia
tamin'Andriamanitra
aza izy]

2. « Ny tenin'i Jehovah izay
tonga tamin'i Jeremia ny
amin'ny mosary. »
(Jeremia 14:1)
« Misaona ny Joda, ary
mitanondrika ny
vavahadiny; Mitafy lamba
fioriana izy ka mipetraka
amin'ny tany; Ary
miakatra ny fitarainan'i
Jerosalema. » (Jeremia
14:2)
« Ny lehibeny maniraka
ny madinika hantsaka
rano; Dia tonga any
amin'ny lavaka famorian-
drano ireny, nefa tsy
mahita rano ka miverina
mitondra loha mody;
Menatra sy mangaihay izy
ka misaron-doha. »
(Jeremia 14:3)
« Noho ny fangentan*'ny
tany, noho ny tsy
nilatsahan'ny ranonorana
taminy, dia menatra ny
mpiasa ka misaron-
doha.[Na: satria tora-
kovitra] » (Jeremia 14:4)
« Ary na dia ny dieravavy
any an-tsaha aza, raha
miteraka, dia mahafoy
noho ny tsi-fisian'ny ahi-
maitso. » (Jeremia 14:5)
« Ary ny borikidia
mijanona eny an-
tendrombohitra
mangadihady,
mihanahana maniry ny
rivotra toy ny amboadia*
izy; Manjambena ny
masony noho ny tsi-
fisian'ny ahitra.[Na:
jakala] » (Jeremia 14:6)
« Ry Jehovah ô, na dia
miampanga anay aza ny
helokay, miasà ihany
Hianao noho ny anaranao;
Fa be ny fiodinanay,
taminao no nanotanay. »
(Jeremia 14:7)
« Ry Fanantenan'ny
Isiraely ô, Mpamonjy azy
amin'ny andro fahoriana!
Nahoana Hianao no dia
toy ny vahiny amin'ny
tany ary toy ny mpandeha
izay manorin-day handry
indray alina monja? »
(Jeremia 14:8)
« Nahoana Hianao no dia
toy ny olona ankona ary

3. toy ny lehilahy mahery tsy
mahavonjy? Nefa mbola
ato aminay ihany Hianao,
Jehovah ô, ary ny
anaranao dia efa nantsoina
taminay; Aza dia mandao
anay. » (Jeremia 14:9)
« Izao no lazain'i Jehovah
amin'ity firenena ity: Te-
hirenireny toy izao izy, ka
tsy mahajanona ny
tongony; Tsy sitrak'i
Jehovah izy, Ankehitriny
dia tsaroany ny helony,
ary valiany ny fahotany. »
(Jeremia 14:10)
« Dia hoy Jehovah
tamiko: Aza mivavaka ho
an'ity firenena ity hahasoa
azy. » (Jeremia 14:11)
« Fa na dia mifady hanina
aza izy, dia tsy hihaino ny
fitarainany Aho; Ary na
dia manatitra fanatitra
dorana sy fanatitra
hohanina aza izy, dia tsy
hankasitraka azy Aho, fa
haripako amin'ny sabatra
sy ny mosary ary ny areti-
mandringana izy. »
(Jeremia 14:12)
« Dia hoy izaho: Indrisy,
Jehovah Tompo ô! Indreo
ny mpaminany manao
aminy hœ: Tsy hiharan'ny
sabatra ianareo, ary tsy ho
mosarena; Fa homeko
fiadanana maharitra eto
amin'ity tany ity ianareo. »
(Jeremia 14:13)
« Dia hoy Jehovah
tamiko: Ireo mpaminany
ireo dia maminany lainga
amin'ny anarako; Tsy
naniraka azy Aho, na
nandidy azy, na niteny
taminy; Fa fahitana
mandainga sy
faminaniana tsy marina
ary tsinotsinona sy fitaky
ny fony no aminaniany
aminareo. » (Jeremia
14:14)
« Koa izao no lazain'i
Jehovah ny amin'ireo

4. mpaminany izay
maminany amin'ny
Anarako ireo nefa tsy
nirahiko tsinona ka milaza
fa tsy hisy sabatra sy
mosary eto amin'ity tany
ity: Ny sabatra sy ny
mosary indrindra no
handringanana ireo
mpaminany ireo. »
(Jeremia 14:15)
« Ary ny firenena izay
aminanian'ireo koa dia
hiely faty eny an-
dalamben'i Jerosalema
noho ny mosary sy ny
sabatra, ka tsy hisy
mpandevina ireny, na ny
tenany, na ny vadiny, na
ny zananilahy, na ny
zananivavy, fa haidiko ao
aminy ny faharatsiany. »
(Jeremia 14:16)
« Koa lazao aminy izao
teny izao: Ny ranomasoko
hijononoka andro
aman'alina ka tsy
hitsahatra; Fa ny oloko,
zanakavavy virijina,
naratra mafy dia mafy
tamin'ny kapoka maharary
indrindra. » (Jeremia
14:17)
« Raha mivoaka any an-
tsaha aho, dia indreny ny
matin-tsabatra! Ary raha
miditra ao an-tanàna kosa
aho, dia indreo ny anan'ny
mosary! Eny, ny
mpaminany sy ny
mpisorona dia mirenireny
mankamin'ny tany tsy
fantany*.[Na: ka tsy
mahalala] » (Jeremia
14:18)
« Efa narianao tokoa va
Joda? Efa naharikoriko ny
fanahinao va Ziona?
Nahoana no dia mamely
anay Hianao, ka efa tsy
mety sitrana izahay?
Nanantena fiadanana
izahay, kanjo tsy nahita
asa, ary andro
fanasitranana*, fa indro
fampitahorana.[Na:
fahafinaretana] » (Jeremia
14:19)

5. « Jehovah ô, tsaroanay ny
faharatsianay sy ny heloky
ny razanay; Fa efa nanota
taminao izahay. »
(Jeremia 14:20)
« Noho ny amin'ny
anaranao dia aza arianao
izahay; Aza atao ho
tsinontsinona ny seza
fiandrianan'ny
voninahitrao; Tsarovy, ka
aza tsoahanao ny
fanekenao taminay. »
(Jeremia 14:21)
« Mba misy mahalatsaka
ranonorana va ireny
sampin*'ny jentilisa
ireny? Na mahay
mandatsaka ranonorana
mivatravatra va ny
lanitra? Fa tsy Hianao
ihany va no Izy, ry
Jehovah Andriamanitray
ô? Koa manantena Anao
izahay, satria Hianao no
nanao ireo zavatra rehetra
ireo.[Heb. zava-poanan'] »
(Jeremia 14:22)
« Ary hoy Jehovah
tamiko: Na dia Mosesy sy
Samoela aza no
mitsangana eto
anatrehako, dia tsy
hankasitraka ity firenena
ity ny fanahiko; roahy tsy
ho eo anatrehako izy, eny,
aoka hiala izy. » (Jeremia
15:1)
« Ary raha tàhiny izy
manao aminao hœ: Hiala
hankaiza izahay? dia
ataovy aminy hœ: Izao no
lazain'i Jehovah: Izay ho
amin'ny areti-
mandringana* dia ho
amin'ny areti-
mandringana, ary izay ho
amin'ny sabatra dia ho
amin'ny sabatra, ary izay
ho amin'ny mosary dia ho
amin'ny mosary, ary izay
ho amin'ny fahababoana
dia ho amin'ny
fahababoana.[Heb.

6. fahafatesana] » (Jeremia
15:2)
« Ary manendry zavatra
efatra karazana Aho
hamelezana azy, hoy
Jehovah: Dia ny sabatra
hamono sy ny amboa
hamiravira ary ny voro-
manidina sy ny bibi-dia
hihinana sy handany; »
(Jeremia 15:3)
« Ary manolotra azy ho
mpanjenjena any amin'ny
fanjakana rehetra*
amin'ny tany Aho noho ny
amin'i Manase, zanak'i
Hezekia, mpanjakan'ny
Joda, dia noho izay
nataony tany
Jerosalema.[Na: ho
fampangovitana ny
fanjakana rehetra] »
(Jeremia 15:4)
« Fa iza no hangoraka
anao, ry Jerosalema? Ary
iza no hitsapa alahelo
anao? Ary iza no hivily
hanantsafa anao? »
(Jeremia 15:5)
« Hianao efa nahafoy Ahy
sady efa nihemotra, hoy
Jehovah, ka dia ahinjitro
kosa ny tanako hamely
anao, ka efa mandringana
anao Aho, fa efa sasatra
ny mandefitra*.[Heb.
manenina] » (Jeremia
15:6)
« Ary kororohiko amin'ny
fikororohana izy ho any
amin'ny vava-tany; Ary
foanako anaka ny oloko,
eny, aringako izy tsy mety
miala amin'ny fanaony
mba hiverina izy. »
(Jeremia 15:7)
« Ny mpitondratenany
mihamaro eo imasoko
mihoatra noho ny fasika
any an-dranomasina;
Mitondra mpandringana
ho ao aminy Aho
handripaka ny renin'ny
zatovo, na dia
mitataovovonana aza ny
andro; Ataoko tonga
tampoka aminy ny
fanaintainana sy ny
tahotra. » (Jeremia 15:8)
« Izay niteraka fito dia
mihaosa, miala aina izy,
milentika mbola
antoandro ny

7. masoandrony, menarina
sy mangaihay izy; Ary
izay sisa aminy dia
hatolotro ho voan'ny
sabatra eo anoloan'ny
fahavalony, hoy
Jehovah. » (Jeremia 15:9)
« Ary ny fonareo no triatriaro,
fa aza ny fitafianareo, ary
miverena amin'i Jehovah
Andriamanitrareo; Fa
mamindra fo sy miantra Izy,
mahari-po sady be famindram-
po ary manenina ny amin'ny
loza, » (Joela 2:13)