1. HITZ DEBEKATUA TABU
• Bi talde osatuko dira (binaka). Hiruko taldea bada, begiraleak osa
dezake bigarren taldea.
• Hasten den taldeko kide batek, karta bat hartuko du multzotik.
• Karta horretako goiko aldean dagoen HITZA zer den azaltzen
saiatuko da baina AZPIAN DAUDEN HITZAK, hau da, HITZ
DEBEKATUAK, ESAN GABE.
• Azalpena emateko estrategia desberdinak erabili beharko ditu:
sinonimoak, antonimoak, ezezko esaldiak esanez, adibideak...jarriz
• Besteek asmatu beharko dute zein den hitza.
• Kontrako taldeko batek asmatzen badu, 1 PUNTU lortuko du eta
txanda berreskuratuko du.
• Ez badu asmatzen, txanda pasako da eta beste bat saiatuko da. Izan
daiteke, baite ere, bere taldekidea.
Adibidez, saskibaloia.
Besteek asmatu behar dute hitza. Txanda duenak, azalpenak eman behar
ditu, baina kartan dauden hitz debekatuak esan gabe, hala nola, baloia,
saskia, altua, jolastu.
Saskibaloia azaltzeko modu bat hau izan daiteke: olinpiadetan jokatzen
den kirol bat da. Jokalariak ez dira baxuak (altuaren antonimoa), kontrakoa
baizik…
Jokoari hasiera emateko gidariak eredu hori eman dezake, adibidez,
saskibaloiarena.
Jokalariei eskatu behar zaie euskara zuzena eta esaldi luzeak erabiltzeko
(erlatibozkoak, menpeko esaldiak…)
Nahi izanez gero erabil daitezkeen hainbat fitxa dituzu.