2. Title:KAPAG TUMIBOK ANG PUSO
Running Time: 110 mins
Lead Cast:Bong Revilla, Ai-ai delas Alas, Precious Lara Quigaman, Eugene
Domingo, Inah Revilla
Director: Wenn Deramas
Producer: Andrea Ynares
Screenwriter: Mel Mendoza-del Rosario
Music:Jessie Lasaten
Editor: Renewin Alano
Genre:Comedy
Cinematography: Sherman Philip So
Distributor:Imus Production
Location: Manila
Nang dumating ang balikbayang si Marco (Bong Revilla), ipinasyal
niya ang kanyang asawang si Sarah (Precious Lara Quigaman) at
kanyang mga anak sa circus. Sa kasamaang palad ay nagkaroon ng
aksidente kung saan nag-agaw buhay sina Sarah at Love (Ai-ai delas
Alas), isang napakamatapobre at sakim na usurera. Mamamatay si
Sarah at ipamimigay niya ang kanyang puso kay Love. Sa
pagdadalamhati, maiisipan ni Marco na kilalanin ang babaeng
nakatanggap ng puso ng kanyang asawa. Unit-unti naman
mahuhulog ang loob ni Marco kay Love sa kabila ng masamang ugali
nito. Ngunit malalagay sa alanganin ang kanyang pagmamahal nang
makanti ni Love ang kanyang mga anak.
Bukod sa napakagulo ng pagsasaad ng kwento ay sadya rin naman
manipis ang buod ng pelikula. Halos mga tagpi-tagping eksena na
pilit na ginagawang katawa-tawa ang mapapanuod. Ang komedya
nito ay nakasalalay pa rin sa mga sitwasyon kung saan may
nasasaktan, nagmumukhang tanga o na-iinsulto. Ang mga tauhan ay
pawang mga karikaturang walang tunay na motibasyon at karakter—
katulad ni Love na minsan ay napakasungit at mapang-api, iyon pala
ay may ginintuang puso para umampon. At marahil dahil sa
kababawan ng kwento at mga tauhan, halos nilalaro na lamang ng
mga aktor ang kani-kanilang pagganap. Ang disenyong
pamproduksyon at ang paglalapat ng musika ay corny at OA—
halatang hindi pinag-isipan o pinaghirapan ang pagbuo ng pelikula
Unang-una, nakalulungkot na magpahanggang ngayon, sa kabila ng
teknolohiya, talento at naglalakihang budget sa produksyon, ganitong
mga uri parin ang ating mga komedya – at pelikula sa pangkalahatan.
Pilit na mga katatawanan, mahabang MTV moments, malalaking
pangalan ng mga artista at media hype upang akitin ang mga
manunuod. Tila ba ang nakatatawa para sa masang Pinoy ay ang
makitang sinasaktan o marinig na nilalait ang ibang tao. Ikalawa,
napakaraming maliliit at halos di pansining temang negatibo na
binabalot lamang sa pagpapatawa: Ang napakasamang ugali ng
batang si Precious (Kiray) na anak ni Love—sinungaling, mukhang
pera at manlilinlang; ang pagiging tsismoso at tsismosa ng mga kapit-
bahay ni Love; ang pakikipag-away ng mga may utang kay Love
tuwing sila ay sinisingil. Wala rin namang ginawang malalim at
seryosong pagmumulat upang magbago ang mga ito. Tila baga ang
mensahe ay ayos lang maging masama ang ugali paminsan-minsan
kung nakakaaliw naman, at sa konting luhaang pagsisisi ay "happily
ever after" na ang lahat. Kaya madalas, lalo sa kabataan, ang
