1. O ARQUEÓLOGO NICK Había unha vez un arqueólogo que se chamaba Nick. Un día paseando viu un vulto de area debaixo dunha ponte. Foi á súa casa e colleu unha pala, para escavar no vulto. Ao cabo duns minutos viu unha caixa, abriuna, e dentro había un mapa: Era de Exipto! Ao día seguinte, dispúxose a averiguar a onde conducía o mapa e colleu un avión con dirección a Exipto. Cando por fin chegou a Exipto, Nick foi á pirámide que marcaba o mapa cunha cruz e acampou xunto a pirámide. Ao día seguinte, Nick entrou na pirámide, e puido comprobar que había moitas trampas. Ao cabo duns minutos viu que se pisaba a pedra falsa se dispararían frechas, pero con sorte pasou sen dificultade. Pasou un rato e Nick viu que había pedras preciosas, pero se as collía podería ocorrer algo perigoso, por sorte non era avaricioso e conseguiu pasar sen dificultade.

2. Ao cabo dun tempo mirou o mapa e viu que xa case chegara ao seu destino, só tiña que virar á esquerda, Nick deixou de mirar o mapa e viu o tesouro, nunca vira nada igual: o ollo do Falcón! Nick acercouse máis para velo mellor e collelo sen que ocorrese nada perigoso. Pensou que se cambiaba o ollo do Falcón por unha pedra non pasaría nada perigoso, Nick fixo o que pensou e non ocorreu nada raro. Ao final Nick saíu da pirámide sen perigo e volveu á súa casa co ollo do Falcón. Cando chegou á súa casa deixou o ollo do Falcón na vitrina, e dixo: -Outra reliquia máis para a miña colección! Adrián Bereijo. 5º B