More Related Content More from Библиотека Им. И. Гаспринского (20) Ильхам гульдестеси4. Юнус Къандым
Таир Керимов
Зельфира Муталупова
Тамила Абдувелиева
Эмине Макъсудова
Сейран Сулейман
Фатиме Дживанова
Зарема Халилова
Эльвина Бекирова
Найле Валиева
Сайле Чухонова
Сусанна Абибуллаева
7. Боран
Юрекни ушютме, эй, къарлы боран,
Башымнынъ устюнде сен тепме хоран.
Бузлы нефесинънен сарылма манъа,
Гъам–кедерлер сачмакъ етмейми санъа?
***
Билем мен, эрте-кеч, кунеш де чыкъар,
Сыджакъ шавлелернен сени де йыкъар.
О заман дагъылар ичимде къаарь,
Сувукъ къыш ерине келир бир баарь.
Сейран Сулейман
8. Гедже
Ах, сёйле манъа, не ерден кельдинъ,
Къара, матем марамалы къадын?
Пенджереме гизлиден бакъасанъ,
Ах, сёйле! Кимни къыдырасынъ?
***
Таир Керимов
10. Умют йипи
Юнус Къандымгъа
Афсус, кеткен сонъ, сонъ арадым,
Элиме мен китап алдым,
Тек сатырлардан сорадым,
Тесир алтында ильхамым.
Эмине Усеин
14. Къартанамнынъ окюнчлери
Кене гедже энди коктен. Сусып къалды эвимиз.
Эр кес ятты, эр ер тынч. Юкъламаймыз экимиз.
Кене, къоркъунч йыллар тура сенинъ козюнъ алтында,
Эп хатырлар, айтасынъ сен манъа олар акъкъында:
«... Назлы дживан эдим, къызым, - къуванч,
шакъа-къораталар.
Нишинламакъ ичюн келип къайтты пек чокъ къудалар...
Лякин вахший «44» кельди. Коюмиз Кучюк-Ламбат
Къудванчлардан марум олды, сёнди кунеш, севги, бахт...»
Тамила Абдувелиева
16. Акъикъат къайда?
Акъикъат къайда? Акъикъат къайда?
Косьтер, эй, инсан, бир шей корьмейим.
Бельки, кёр олып кельдим дюньягъа,
Бельки, аятта бир шей бильмейим?
Корьмейим, эштмейим, дуймайым бир шей…
Инсанлар, ачынъыз козьчиклеримни.
Козь къапакъларыма бир чёп къоюнъыз,
Уфюринъ шу сагъыр къулакъларыма.
Эштмесем, корьмесем, бир шамар урунъыз.
***
Фатиме Дживанова
18. Денъизнен лаф этем
Къара денъиз ялысына
Якъында баргъан эдим.
Онынъ шувултысындан
Чокъ шей анълагъан эдим.
Денъиз санки айта эди:
«Хош кельдинъ, эй миллетим!
Сени чокътан беклей эдим,
Сабырым зорнен етти…»
***
Эльвина Бекирова
20. Совет барона
Трехдневной свежести с рожденьем
поздравленье,
А уж чрез день всех ангелов в свидетели зовут –
Такая карусель взвинтилась вдруг
И началось простое светопреставленье.
Все вспомнилось: и тут ты не хорош и там
И как не быть здесь чудесам
Стовосьмидесятиградусного превращенья:
Все «белые» по черным движутся волнам…
***
Найле Валиева
24. Нафле
Инсафлы десенъ де, яланлар айтсанъ,
Савапнынъ ерине гунахкъа батсанъ,
Достунъны душмангъа капикке
сатсанъ,
Аркъадаш инсаным дегенинъ нафле.
***
Динара Аваз
26. Эки дане къара козь
Эки дане къара козь,
Аятымны чевирди.
Козьлер дегиль, озю къыз,
Якъып, мени, куйдирди.
***
Сюрмели къара козьлер,
Тек яремнинъ озюнде.
Козьлер ичюн чокъ сёзлер,
Энъ дюльбери яремде.
28. О, хатыра киби яшар
Шаир Юнус Къадымгъа
Шаир намы юз йыл яшар,
Онынъ да йылдызы янар.
Ич бир вакъыт кокте сёнмез,
Язгъан сезю кульге дёнмез.
Эльмара Мустафаева