CIM

1. Analizando a violencia nas relacións
amorosas
O control, as chantaxes afectivas, o uso do poder afectivo para
conseguir condutas da outra persoa son recursos que podemos
chegar a usar sen ser conscientes da súa violencia.
É importante comezar a detectalos pronto nas relacións de
parella.
•] Cuestionario
Das seguintes condutas, cales consideras que son actitudes ou
comportamentos violentos dentro das relacións afectivas?
•Diche que se preocupa tanto por ti que necesita saber onde
vas, con quen e que fas en todo momento.
•Provócache sentimentos de mágoa.
•Critica, sospeita ou desconfía con frecuencia das túas
amizades, parentes ou colegas de traballo.
•Diche que te quere tanto que non podería soportar que o
enganaras, e para comprobalo ponche trampas para
asegurarse de que realmente o queres.
•Nunca expresa recoñecemento sobre a túa valía nin as túas
calidades.
•Búrlase ou fala en termos aldraxantes sobre as mulleres.

2. •Se non queres ter relacións sexuais diche que es anticuada,
fríxida ou rara. Ou ben pon en dúbida que o teu amor sexa
auténtico.
•Fala en termos violentos ou expresa frases do tipo “habería
que matalos”, “cunha boa malleira arranxábao eu”..
•Trátate coma se foses feble dicíndoche o que é bo para ti e
toma decisións que che atinxen sen consultarte.
•Ameázate con suicidarse se o/ abandonas.
•Pídeche que te alíes coas súas posturas cando discute cos
demais. Se non o fas acúsate de non apoialo e de falta de
fidelidade.
•Compárate con outras persoas e sentes humillación e
incomodidade.
•Pensa que o outro sexo é inferior, debe obedecer e actúa de
acordo con estas crenzas malia non o expresar verbalmente.
•Imponche gustos, amizades e afeccións.
•Aínda que fose só unha vez, empurroute, apreixoute con forza,
ou pegouche unha labazada.
•Móntache “numeriños” en público ou en privado polo que
fixeches ou dixeches.
•Crese que é máis intelixente que ti.
•Acúsache inxustificadamente de coquetear con outras
persoas.
•Ameaza con te deixar se non cumpres coas súas esixencias.

3. •Pídeche que cambies a túa maneira de vestir, peitearte,
maquillarte, fala...r, ou as túas opinións e os teus gustos
dicíndoche que o fai para que te deas de conta do que che
convén.
Cuestións
•Cales son actitudes de amor e cales de violencia?
•Cales están relacionadas coa autoestima?
•Cales cres que poden producir medo?