1. IMOS “LIBERAR LIBROS”
Relacionado co noso proxecto de Educación de Consumidor que
estamos desenvolvendo e en relación co fomento da lectura que
sempre se fai dende o centro empezamos coa experiencia de “liberar
libros” ou BookCrossing.
Que é iso? Book Crossing é só un grupo de persoas rexistradas, un movemento
gratuito, sen ánimo de lucro, voluntario e individual. Calquera persoa pode rexistrar e
liberar libros en calquera lugar. No noso caso será só entre adultos.
A filosofía é o desexo de compartir o pracer que nos proporcionou a lectura dun
libro. Gustounos tanto que queremos que o lea a maior cantidade posible de xente. Por
outra banda é algo que se fai totalmente de balde. Non hai que mercar nin alugar, O libro
lese e pásase para que o lean outros.
Por iso os “liberamos”. É dicir:
• Deixámolos nun lugar para que calquera o recolla e o lea.
• Cada libro leva unha “matrícula” ou BCID, que o identifica e que permitirá seguilo se
quen o atopou o quere así.
Podes saber máis visitando http://www.bookcrossing.es/
Que obrigas tes?
• Ningunha, colle o libro e goza
da súa lectura.
Que se espera de ti?
• Pois iso, que o leas, e se
queres :
o Entra en http://www.bookcrossing.es/ e conta que o estás lendo, é moi
sinxelo.
o Que o liberes novamente nas ZONAS DE CRUCE que existen, ou onde
ti queiras para que outra persoa goce tamén del. Nós temos unha Zona de
Cruce na entrada do Colexio onde podes atopar e liberar libros. Pronto
teremos outras en AppInfomática e en Proyekta.
o Se ti tes libros que queres liberar podes facelo segundo as instrucións que
atoparás na web, Tamén podes traelo ao colexio e entregalo á persoa
colaboradora (Coordinadora de Educación do Consumidor) que xa ten
etiquetas preparadas co BCID e que che axudará a liberalo.
.