Cургалтын тайлан 2015-03-19
- 1. “ГЭР БҮЛИЙН ХҮЧИРХИЙЛЛЭЭС УРЬДЧИЛАН СЭРГИЙЛЭХЭД ХУВЬ ХҮН ХҮМҮҮСИЙН
ХООРОНДЫН ХАРИЛЦААНЫ ЧАДВАРЫГ ДЭЭШЛҮҮЛЭХ” СЭДЭВТ СУРГАЛТЫН
ТАЙЛАН
Чингэлтэй дүүргийн Гэр бүлийн хөгжлийн төвийн болон хороодын хөгжлийн
нийгмийн ажилтнуудад Залуу хосууд Гэр бүл төлөвлөлт, шинээр мэндлэх хүүхэдтэйгээ
хэрхэн харилцах, хүүхдээс өгөх дохиог хэрхэн зөв таних, ”Эцэг-эх-хүүхэд” гэсэн
ээнэгшлийн холбоог бэхжүүлэх замаар хүүхдийн сэтгэц-бодгалийн өв тэгш байдал, эрүүл
мэндийг хамгаалах, хүүхэддээ цаг гаргах, хосууд хүүхдээ хайрлан халамжлан өсгөхөд цаг
заваа гаргах, төлөвлөх, хүүхдийн өмнө үүрэг хариуцлага хүлээснээр гэр бүлийн бэт бэх
харилцааг баталгаажуулах, осол гэмтэл, халдварт өвчин, ядуурал, ажилгүйдэл,
архидалтаас үүдэлтэй гэр бүлийн хүчирхийлэлд өртсөн хүүхэд, эмэгтэйчүүд, гэр бүлийн
гишүүдтэй харилцах мэдлэг чадварыг сайжруулахад олон улсын шилдэг туршлагын
талаар сургалтыг явуулсан.
Сургалтыг ЧД-ийн Засаг даргын тамгын газар, Нийгмийн хөгжлийн хэлтэс, Хүүхэд
гэр бүл хөгжлийн төв, Дэлхийн Зөн Монгол ОУБ-ын “Чингэлтэй” Орон нутгийн хөгжил
хөтөлбөр, Хүүхэд хамгаалал, нөлөөлөл төслийн дэмжлэгтэйгээр 2015 оны 3-р сарын 11-
ны Лхагва гарагийн 09.00-17.00 цагийн хооронд “Цэцэг” зочид буудлын танхимд явагдсан
бөгөөд Гэр бүлийн хөгжлийн төвийн 1 болон 19 хороодын 18 хөгжлийн нийгмийн
ажилтнууд оролцлоо.
Сургалтаар:
1. Гэр бүл төлөвлөлт, шинээр мэндлэх хүүхэдтэй болох ажил, амьдралаа зөв төлөвлөх,
хүүхдийн өмнө хүлээх эцэг, эхийн үүрэг хариуцлагын талаар мэдлэг, ойлголтын талаар
Герман улсын Хейдельбергийн их сургуулийн психосоматикийн институтийн гэр бүлийн
сэтгэл заслын тэнхимийн болон хүүхдийн эмнэлгийн эх, хүүхдэд үзүүлэх эрт үеийн
тусламжийн тухай туршлага, уг их сургуультай хамтран Дэлхийн Зөн Монгол ОУБ-ын
“Чингэлтэй”, “Хайлааст” Орон нутгийн хөгжил хөтөлбөрийн дэмжлэгтэйгээр Чингэлтэй
дүүргийн 7-19-р хороодод хэрэгжүүлж буй “Халамжлагдсан, хамгаалагдсан, эрүүл-Хүүхэд”
төслийн талаар мэдээлэл өгсөн.
2. Гэр бүлийн хүчирхийллээс урьдчилан сэргийлэх, гэр бүлийн хүчирхийлэлд өртсөн
хүүхэд, эмэгтэйчүүд, гэр бүлийн гишүүдтэй харилцах мэдлэгтэй болсоноор хүчирхийлэлд
өртсөн гэр бүлтэй ажиллах, зөвлөгөө өгөх мэдлэг ур чадварыг нэмэгдүүлэх талаар
Ардчилалын Боловсролын Төв ТББ, Нээлттэй нийгэм хүрээлэнгийн “Дорно дорно”
хөтөлбөрийн дэмлэгтэйгээр 2009 онд БНПУ-д “Хүчирхийллийн тойргийг таслах нь”
төслийн хүрээнд гэр бүлийн хүчирхийллээс урьдчилан сэргийлэх үндэсний зөвлөгч
бэлтгэх зорилгоор боловсруулсан “Хувь хүн, хүмүүс хоорондын харилцааны чадварыг
дээшлүүлэх” сургалтын гарын авлагын аргачлалаар сургалтыг явуулсан.
3. Сургалтаар бүлэгт хуваагдан гэр бүлийн хүчирхийллээс урьдчилан сэргийлэх чиглэлээр
ажлын төлөвлөгөө боловсруулахдаа зорилгоор 5 өртөө болон ажилласан.
Хорооны түвшинд гэр бүлийн хүчирхийллийн чиглэлээр ажиллахдаа: Гэр бүлийн
хүчирхийллээс урьдчилан сэргийлэх, хүчирхийлэлд өртсөн хүүхэд, эмэгтэйчүүд, өндөр
настан, хөгжлийн бэрхшээлтэй иргэд, хувь хүнтэй ажиллах удирдлагын зүгээс тодорхой
дэмжлэг үзүүлэх, хөрөнгө санхүүг шийдвэрлэх, хүний нөөцийн хүртээмжийг нэмэгдүүлэх,
мэдлэг чадварыг сайжруулах сургалтанд хамруулах, хүчирхийлэлд өртөгчдөд сэтгэлзүйн
- 2. зөвлөгөө, дэмжлэг үзүүлэх орчин бүрдүүлэх, сэтгэлзүйч ажиллуулах, хэрэгжүүлж буй
ажлын тогтвортой үйл ажиллагааг хангах, энэ чиглэлээр сайн ажиллаж буй ажилтан болон
хүчирхийллээс татгалзсан сайн жишээ, гэр бүлийг дэмжиж урамшуулах санхүү, хөрөнгийг
хороодын иргэдийн нийтийн дүүргийн удирдлагуудад тодорхой ажил хэрэгжүүлж
танилцуулж санал болгох, олон улсын байгууллагад төсөл боловсруулж хандах, хөрөнгө
босгох талаар санал солилцсон.
Ялангуяа хороодын хөгжлийн нийгмийн ажилтнуудын ажлын байрны орчин, олон
хэлбэрийн хүчирхийлэлд өртсөн, ядуу эмзэг, асуудалтай айл өрхөд хүрч очих, харилцаа
холбоогоор холбогдох зэрэгт тодорхой бэрхшээлтэй, өөрийгөө хамгаалах чадваргүй,
ажлын бусад олон төрлийн ажилтай хавсарч ажилладаг тул цаашид цагдаа, эрүүл мэнд,
хороо, сургууль, цэцэрлэгтэй хамтарч ажиллах, тэдгээрийн удирдлагуудад гэр бүлийн
хүчирхийллийн талаар мэдээлэл өгөх, тодорхой хүчирхийллийн тохиолдлын
шинжилгээнүүдтэй танилцаж асуудлыг олон мэргэжлийн багийн оролцоотой
шийдвэрлэдэг байх зэрэг саналууд гарсан.
Үйл ажиллагааны хувьд ТББ, ОУБ-тай хамтарч сэтгэл зүй, нийгмийн ажлын
чиглэлээр чадавхижуулах сургалтанд тодорхой хугацаанд давтамжтайгаар сургаж байх,
орон нутгийн удирдах байгууллагаас хорооны түвшинд гэр бүлийн хүчирхийллээс
урьдчилан сэргийлэх, хүчирхийлэлд өртөгчдөд үзүүлэх дэмжлэг, тусламж үзүүлэх,
явуулах үйл ажиллагааны төсвийг тодорхойлж хороонд төсөл боловсруулж хэрэгжүүлбэл
илүү бодитой, хүндээ хүрсэн ажил болно гэж санал, хүсэлт их гарч байлаа.
Энэхүү сургалтанд идэвхтэй оролцсон нийт нийгмийн ажилтнууддаа талархал
илэрхийлж цаашдын ажилд амжилт хүсье. Цаашид гэр бүлийн хүчирхийллээс урьдчилан
сэргийлэх, хүчирхийлэлд өртөгсдөд дэмжлэг үзүүлэх чиглэлээр хороодын түвшинд
тодорхой ажлуудыг санаачлан хэрэгжүүлэхтэй холбоотой лавлах, санал солилцоход
нээлттэй бөгөөд сургалтыг явуулахад удирдлага арга зүйн болон санхүү хөрөнгийн
дэмжлэг үзүүлсэн ЧДЗДТГ, Дэлхийн Зөн Монгол ОУБ-ын “Чингэлтэй” ОНХХ-ийн хамт
олонд талархаж байгаагаа илэрхийлье.
Тайлан гаргасан:
ЧДЭМТ-ийн Төлөвлөлт, хамтын ажиллагаа
хариуцсан мэргэжилтэн Б. Уламбаяр
утас:89-99-57-66, цахим хаяг:ulambayar_badarch@yahoo.com