COMUNICADO FOLGA 9 DE MARZO

1. A PLATAFORMA EN DEFENSA DO ENSINO PÚBLICO DE GALICIA
ESTUDA A CONVOCATORIA DE FOLGA NO SECTOR EDUCATIVO
PARA O VINDEIRO 9 DE MARZO
As organizacións que conforman a Plataforma en Defensa do Ensino Público de Galicia:
CONFAPA, SE, IESGA, CCOO-Ensino, FeSP-UGT e Escola Viva reunímonos para valorar a
proposta da Plataforma Estatal por la Escuela Pública da posibilidade de convocatoria
dunha folga xeral no sector educativo o 9 de marzo.
A Subcomisión Parlamentaria para o Pacto Educativo constituída en decembro e que ten
vixencia por seis meses aínda non comezou o seu traballo o que indica pouco interese en
avanzar na axenda educativa para acadar o acordo dunha nova lei. Por outra banda o
consello de ministros acordou acudir ao TC para intentar anular o acordo do Congreso polo
que se impulsa a paralización da LOMCE mostrando o seu desprezo pola sede da soberanía
nacional.
As actitudes do goberno e a falta de actividade da citada subcomisión indican a
intención de acadar un Pacto exclusivamente político de costas á comunidade
educativa. A Plataforma en Defensa do Ensino Público de Galicia non imos a consentir
que se exclúa do pacto ás organizacións sociais representativas dos distintos sectores
da comunidade educativa. Esiximos un amplo consenso tanto político como social para
acadar unha nova lei educativa.
O retraso nos orzamentos do estado, así como o escaso incremento das partidas
dedicadas a educación no proxecto de orzamentos galegos impiden a reversión dos
recortes en educación non garantindo a igualdade de oportunidades e profundando na
desigualdade.
Porén, tras este período deliberativo, convocaríamos esta Folga Xeral Educativa
unitaria, o día 9 de marzo, implicando a toda á comunidade educativa galega,
(alumnado, familias e docentes), en todas as etapas educativas, dende Educación
Infantil ata á Universidade.
Santiago de Compostela, 19 de xaneiro de 2017