1. I CARREIRA DE DISFRACES COLEXIO CONDE DE FENOSA “DULCES LESSONS”
Xuntos por un obxectivo común: Que todos os nenos e nenas teñan as mesmas
oportunidades. Por unha educación digna.
A atleta Paula Mayobre organiza en colaboración co noso centro a I Carreira de disfraces
“Dulces Lessons”. Dita carreira terá lugar o vindeiro venres 13 de febreiro e o alumnado da ESO
realizará, disfrazado, un breve percorrido pola vila.
A carreira posúe unha dobre finalidade: por unha banda terá un perfil totalmente lúdico-
deportivo, polo que será unha festa e, por outra, recadar fondos para a formación dunha escola
para nenos e nenas de entre 2 a 5 anos na localidade de Iringa, Tanzania.
Nesta actividade solidaria, o alumnado aboará 1 € por inscribirse na carreira. O finalizar farase
unha entrega de medallas os tres primeiros gañadores de cada categoría.
Pola súa banda, o que” voluntariamente” queira buscar patrocinadores entre os seus familiares
ou achegados, poderá facelo.
A atleta aresana Paula Mayobre estará connosco e apoiará esta causa coa súa presenza
correndo cos rapaces e rapazas do noso centro.
Haberá un premio para o mellor disfraz.
Agradecemos ao alumnado do noso centro a súa participación e solidariedade e invitamos a
todos os pais e nais a que o venres 13 de febreiro, saian a rúa a apoiar aos nosos corredores
solidarios.
A carreira sairá do colexio baixando pola Avda de Mugardos ata o Avenida seguindo polo
paseo marítimo ata o Parque Rosalía e voltando ao colexio polo mesmo recorrido.
CPI Conde de Fenosa: construíndo un mundo mellor