2. Ինչ է պանթեոնը
Պանթեոնը շինություն կամ հատուկ գերեզմանատուն է, որտեղ ամփոփվում են
նշանավոր անձանց աճյունները կամ աճյունասափորները: «Պանթեոն» (հունարեն
նշանակում է բոլոր աստվածների սրբավայր) անունը փոխանցվել է Հռոմի աստվածներին
նվիրված տաճարի անվանումից։ Այնտեղ թաղված են իտալացի նշանավոր
գեղանկարիչ Ռաֆայելը, Միացյալ Իտալիայի առաջին թագավորները և ուրիշներ։ Բոլոր
երկրներում կան նման առանձնացված գերեզմանատուն-պանթեոններ:
3. ԿՈՄԻՏԱՍԻ ՊԱՆԹԵՈՆ
Հիմնադրվել է 1936 թ-ին, երբ Կոմիտասի աճյունը
մահից 1 տարի անց Ֆրանսիայից տեղափոխվել է
Երևան և ամփոփվել այդտեղ։ Հետագայում
գերեզմանատունը վերածվել է մշակույթի
գործիչների և անվանի մարդկանց պանթեոնի։
Կոմիտասի անվան պանթեոնում են թաղված նաև
Մարտիրոս Սարյանի (Սարյան Լուսիկ, 1893–1974
թթ.), Ավետիք Իսահակյանի (Իսահակյան Սոֆյա,
1882– 1966 թթ.), Ստեփան Զորյանի (Զորյան
Սաթենիկ, 1901–1975 թթ.) կանայք։ Պանթեոնից քիչ
հեռու՝ մեկուսի մի անկյունում, բանաստեղծուհի
Շուշանիկ Կուրղինյանի (1876–1927 թթ.)
գերեզմանն է։
4. ԵՌԱԲԼՈՒՐ
Հիմնադրվել է 1992 թ-ին Երևանում՝ Եռաբլուր
բարձունքում։ Այնտեղ են Ղարաբաղյան պատերազմում և
զինադադարից հետո զոհված ազատամարտիկների ու
զինծառայողների, հայ ազգային-ազատագրական
շարժման գործիչներ զորավար Անդրանիկի (1865–1927
թթ.), Սոսե Մայրիկի (1868–1953 թթ.), Հայաստանի
Ազգային հերոսներ Ջիվան Աբրահամյանի (1961–1991
թթ.), Մոնթե Մելքոնյանի (1957–1993 թթ.), սպարապետ
Վազգեն Սարգսյանի (1959–1999 թթ.) աճյունները (շուրջ
700): Պանթեոնում է նաև Հայաստանի ազատագրության
հայ գաղտնի բանակի զոհված մարտիկներին նվիրված
հուշակոթողը, որի տարածքում տեղադրվել են նրանց
խորհրդանշական տապանաքարերը (39):