1. TATA TERTIB IBADAH NATAL SEKTOR II
KULIM – PEMBATUAN
Sabtu, 12 Desember 2009
1. Pamuhai
U : Hita sude na pungu na hinaholongan, sadari on marlas ni roha do hita
marningot hatutubu ni Tuhanta Jesus Kristus na manobus hita sian
hamatean. Tama do hita manghamauliatehon saluhut na holong ni roha
Debata tu hita. Ta puji jala tapasangap ma Ibana marhite ende pujipujian
dohot ende las ni roha
H : Marende Huria No. 48 : 1 – 2
♫ Ria ma hita sasude mamuji Debata
Girgir ma parendenta be, ai ido na tama
Ai ido na tama
♫ Diungkap Debatanta i, banua ginjang i
Disuru do AnakNa i, hangoluantai
Hangoluanta i.
2. Votum – Introitus (U: Uluan; H: Huria)
U : Marhitehite goar ni Debata Ama, dohot goar ni AnakNa Tuhan Jesus Kristus,
dohot Goar ni Tondi Porbadia na tumompa langit dohot tano on.
H : Amen!
U : On do birubiru ni Debata, na mamorsan dosa ni portibi on
H : Sian hamoraon do saluhut hita manjalo ima asi ni roha na so marnamontok
U : Ai marhite sian si Musa do dilehon anggo patik, alai hinorhon ni Jesus Kristus
do manjadi asi ni roha dohot hasintongan
H : Ai songon on do holong ni roha ni Debata di portibi on, pola do AnakNa na
sasada i di lehon, asa unang mago ganup na porsea di Ibana, asa hangoluan
na salelenglelengna di ibana
U : Martangiang ma hita:
Ale Tuhan Debata, mauliate hudok hami tu Ho, ala di patupa Ho do haluaon
di hami jolma manisia marhite AnakMu Jesus Kristus naung tubu di
Betlehem. Sai patau ma hami manghangoluhon haluaon i, asa gabe
hasangapon di GoarMu ma ngolu nami saleleng ni lelengna.
P+H : Amen!
3. Marende Huria No. 47 : 1 – 2
♫ Di na saborngin i do binsar, panondang di tondinta i
Padaohon saluhut na simpar, lao patiurhon sasude
Sondangon ni Panondang on muse sandok portibi on
♫ Ianggo ho ale tondingku, sai jangkon ma Panondang i
Sai unang ma lea rohamu, di baen hametmetonna i
Pabalionna do sude, si bolis dohot dosa pe.
2. 4. Liturgi I
No Liturgi I: Panompaon
1 Mansai uli do saluhut na na adong di portibi on, suansuanan na ratarata, algo na
mansai lambok panghuling na, angka pidong na marendeende. Ise do ulaning na
manompa saluhut na mansai uli on
2 Molo pinaihutihut do angka parbinotoan sian na malo portibion, tartompa sandiri
do anggo na adong on. Ima siala benturan-benturan partikel na adong parjolo i
do.
3 Ale dongan, saluhut na na adong di portibi on, Debata do na manjadihon i. Ibana
do na Pistar sian angka na pistar, Ibana do na marhuaso sian angka na parhuaso.
Denggan do panompaon ni Debata di mulana i.
4 Tutu do i. ai didok do di Hata ni Debata: I Musa 1 : 1 - 2
5 I Musa 1 : 26
6 Oh….., jadi debata do na manompa hita marhite tanganNa sandiri. Jala tu jolma i
do hape dipasahat Debata tanggung jawab laho mangarajai na tinompa Na i. Alai,
aha ma ulaning na niulahon ni Debata dung panompa on i? modom do Ibana,
manang…
7 Anggo pangulaon ni Debata dang tardodo jolma i. ai sahat ro di sadari on,
mangula do anggo Debata di angka na manghaporsea i Ibana. Ai Ibana do
Debata na mangolu jala na mangula di sandok na tinompaNa
8 Antong, mansai balga do anggo huaso ni Tuhan i. patut ma hape angka na
tinompa i ingkon mamuji Ibana ro di salelenglelengna. Songon na nidok ni
parpsalmen: Sude na marhosa ingkon mamuji Jahowa. Haleluya
5. Marende
6. Liturgi II
No Liturgi II : Hadadabu tu Bagasan Dosa
1 Anggo di mulana i, mansai uli do saluhut na. alai anggo di bagasan partingkian
on, nunga dao be hauli on i, gariada gabe lam godang hasusaan.
2 I do tutu. Ai lam tu susah na do parngoluan on, jala angka kejadian-kejadian alam
pe masa do. Isara na. Tsunami, banjir, tanah longsor, gempa bumi dohot angka
lan na sing. Jolma i pe nunga godang na mangolu di bagasan hajahaton. Ise do
na sala di saluhut na i? si Adam do manang si Hawa?
3 Ndang pintor tubu di bagasan rohanta laho manguhumi jolma na asing. Hita pe
dohot do na manegai lingkungan i, ndada alani si Adam manang si Hawa
4 Sian Bibel i didok do alani si Adam dohot si Hawa umbahen gabe ro torutoru ni
Debata tu nasida. Didok do tu nasida: Asa unang mangallang parbue ni hau na
adong di parsitongaan ni porlak i Hape laos dipangan nasida do.
5 Tabege ma na nidok ni Hata ni Debata taringot hadadabu ni jolma tubagasan
dosa, jala uhum na ro tu jolma na mangalaosi patikNa: I Musa 3 : 1 - 3
6 1 Musa 3 : 2 – 3
7 1 Musa 3 : 23 – 24
3. 7. Marende
8. Liturgi 3
No Liturgi III :Bagabaga ni Debata taringot haroro ni Sipalua i
1 Dung madabu jolma i tu bagasan dosa, gabe ro ma hajahaton tu portibi on,
marhite hagogoon ni si bolis na ganup tongkin mangarongom ngolu ni jolmai.
Songon dia do udut ni ngolu ni jolma laho mangalo hagogoon ni si bolis i? Jala
andigan do tingki ni jolma i laho marsaor dohot Debata?
2 Molo tung madabu jolma i tu bagasan dosa, ndang na pasombuon ni Debata
hajahaton i, ndang pasombuon ni Debata si bolis i mangaliluhon jolma i. ido alana
di pasahat bagabagaNa tu jolma i marhite Sipalua na ro tu portibi on.
3 2 Samuel 7 : 12 – 13
4 Psalm 2 : 7
5 Jesaya 11 : 1 – 2
6 Psalm 24 : 7 – 8
7 Psalm 24 : 9 – 10
9. Liturgi 4
No Liturgi IV : Udut ni bagabaga ni Debata taringot tu Sipalua,
1 Ari, bulan dohot taon nunga marganti sorin, generasi tu generasi, raja tu raja,
panurirang tu panurirang nunga marganti, alai boasa ma Sipalua na pinarbagahon
ni Debata ndang haru ro? Nunga mansai ngolngolan bangso i paimahonsa.
Andigan do ulaning di pasaut Debata bagabagaNa i?
2 Angka si songon i do tahi ni angka parjahat, angka parodsa i. naeng do di rohana
na ingkon saut, lumobi laho marnida bagabagaNa i. ai ndang sangkap ni jolma i
na ingkon saut, alai tung sangkap ni Debata do. Ingkon porsea do jolma i di hata
ni Debata, ai Ibana sandiri do na manontuhon manang andigan tingki haroroNa i,
ai ido didok hataNa na mandok:
3 Jesaya 7 : 14
4 Jesaya 9 : 1 – 2
5 Jesaya 11 : 1 – 2
6 Jesaya 40 : 3 – 4
7 Jeremia 23 : 5 – 6
10. Marende
11. Liturgi V
No Liturgi V : Sikap ni jolma laho managam haroroNa i
1 Mikha 5 : 1 5 Jesaya 52 : 1 – 2
2 Jesaya 62 : 10 – 11 6 Jesaya 52 : 6 – 7
3 Jesaya 60 : 1 – 3 7 Jeremia 7 : 3 + 23
4 Daniel 7 : 13 – 14 8 Mateus 3 : 2 - 3
4. 12. Marende
13. Liturgi VI
No Liturgi VI: Hasasaut Bagabaga ni Debata
1 Marhite surusuruan ni Debata, dipaboa haroro ni Sipalua i. ai Raja Hamuliaon do
na ro tu portibion, boha do panjanghonon ni raja-raja manomunomu haroroNa i?
2 Angka raja na di portibi on dang umbotosa taringot haroro ni Raja Sipalua i, siala
mansai longang do dalan ni Jahowa i. Laho pasauthon bagabagaNa i, dipangke
Debata do Kaesar Agustus gabe dalan.
3 Lukas 2: 1 – 2 8 Lukas 2 : 11 – 12
4 Lukas 2 : 3 – 4 9 Lukas 2 : 13 – 14
5 Lukas 2 : 5 – 6 10 Lukas 2 : 15 – 16
6 Lukas 2 : 7 – 8 11 Lukas 2 : 17 – 18
7 Lukas 2 : 9 – 10 12 Lukas 2 : 19 – 20
14. Liturgi VII
No Liturgi VIII: Songon Dia mangulahon Haholongan
1 Alai taboto do , salhutna manumpak tu na denggan di angka na marholong ni
rohadi Debata, di angka na jinouna sian tahina hian
2 Jala didok tu hita ganup, dia do dipangido rohamuna: Marlinsinglinsing ahu ro
manopot hamu manang marholog ni roha jala martondi na lambo?
3 Alai tong do dang diantusi jala ndang di tanda jolma i balga ni pasupasu na sian
Debata. Sai di rimpu do molo dung dihaholongi donganna sambing, gabe tardok
ibana siulahon holong. Hape molo di haholongi hamu na marholong ni roha di
hamu, parulian dia ma di hamu? Ai nang angka parjahat dihaholongi do na
marholong roha di nasida
4 Jala hudok ma tu hamu, sipasidingon do pangalaho na so marroha holong,
pangoseose, panihasnihasi, na so umboto mangorom, parmurukmuruk, na so
marholong ni roha di na denggan
5 Unang ma marholong ni roha di hepeng pangalahomuna: hasabamhon hamu ma
na adong! Ibana snadiri do mandok: sandok na so tadingkononhu do ho, sandok
na so pasombuonku do ho
6 Angkup ni i, sarroh ma hamu saluhutna, sapangkilalaan, angka na marholong ni
roha di dongan, namarasi ni roha, na serep!
7 Ai marhite i do tanda anak ni Debata dohot anak ni si bolis: ndang sian Debata
ganup halak na so mangulahon hatigoran, jala na so marholong ni roha di dongan
8 Alani i hamu angka haholongan, masihaholongan ma hita, ai sian Debata do
haholongan i, jala ganup na marholong ni roha, ima naung tubu sian Debata jala
di tanda Debata
9 Ai halak na so marholong ni roha, ido na so tumanda Debata, ai haholongan do
Debata
15. Marende