3. KRITIKA Liburu honek Bernardo Atxagaren aurreko guztiak hartzen ditu bere baitan. Irakurleek lehendik ere ezagunak zaizkien pertsonaiak eta gaiak aurkituko dituzte orrialde hauetan, eta, tarteka, Obabakoak edo Gizona bere bakardadean bezalako liburuen barruan sentituko dira. Aldi berean, ordea, berria egingo zaie dena: mundu zabalagoa eta sakonagoa aurkituko dute, giza esperientziari estutik lotzen zaiona. Bernardo Atxagak berak elkarrizketa batean adierazi zuen bezala: "Orain arteko guztia sartu nahi dut liburu batean, eta nire idazle bizitzako atal bat itxi berriro hutsetik hasteko. Horrez gain, jakin-mina daukat, noraino iritsi ote naitekeen lehengo bideetatik, zer-nolako obra idatz dezakedan".
4. EGILEA Bernardo Atxaga , benetako izenez Jose Irazu Garmendia (Asteasu, Gipuzkoa, 1951ko uztailaren 27), idazlerik ezagunena da gaur egungo euskal literaturan. Obabakoak da haren libururik ezagunena, hogei hizkuntza baino gehiagotara itzuli da eta Espainiako Narratiba Sari Nazionala eman zioten 1989an; sari hori lortzen zuen lehenengo euskal idazlea izan zen. 2007. urtetik euskaltzain osoa da. Euskaltzaindiaren babesarekin argitaratutako Erlea literatura-aldizkariaren sortzaile eta zuzendaria da; 2009ko urrian argitaratu zen lehen
