textos para debater sobre os micromachismos

1. Pásalle a Maruxa

2. 1.
Maruxa e Andrés entran na cafetería. Piden auga
sen gas e unha cervexa.
Cando serven o pedido póñenlle a auga a
Maruxa e a cervexa a Andrés.
- Non, non – di Mauxa- a cervexa é para min,
grazas.

3. 2.
Na casa de Maruxa hai unha avaría eléctrica…
A persoa que amaña a avaría pide falar co seu
home…
- Quero explicarlle como ten que facer cada vez
que ocorra algo similar.
- Cóntemo a min – di Maruxa.
- Seguro que o seu home entende mellor como
van estas cousas….

4. 3.
Maruxa vai en bus ao traballo.
Un día escoita, mentres fai´o seu desprazamento
cotiá…
- A miña muller non vai ao fútbol. Iso non é
cousa de mulleres.

5. 4.
Andrés e Maruxa levan ao seu bebé de viaxe.
No aeroporto Andrés quere cambialo, o bebé
ten o cueiro mollado.
Entra no WC…
- Non hai cambiador de bebés! – comenta.
- Claro – respóndenlle- está no WC de mulleres.

6. 5.
Maruxa lembra que cando era mociña e ía
estudar, na súa clase cando o profesorado
mandaba regar as macetas sempre a mandaba
a ela, pero cando había que mover unha
cadeira ou levar unha caixa sempre llo pedían
a un neno da clase.