2. Wangari vive baixo as árbores, á
sombra do Monte Kenia, en África.

3. Escoita o rechouchío dos paxaros no
bosque cando vai coa súa nai na
procura de leña para cociñar.

4. Axuda na colleita da batata, da cana de
azucre e máis do millo no solo fértil.

5. Wangari medra alta coma
as árbores da fraga.

6. É moi boa alumna e gaña unha beca
para ir estudar aos Estados Unidos
de Norteamérica.

7. Seis anos máis tarde,
unha vez rematados os seus estudos,
regresa á súa casa en Kenia.

8. Pero moitas cousas cambiaran…
Que foi o que pasou?, pregúntase…
Que foi das árbores?

9. Wangari ve ás mulleres encorvadas
polo peso da leña que agora teñen que
ir buscar moi lonxe das súas casas.

10. Wangari ve a terra arrasada na que
nada medra…
Que foi dos paxaros?

11. Milleiros de árbores foron cortadas
para construír edificios…
pero ninguén sementou novas árbores!

12. Converterase Kenia nun deserto?,
preguntábase Wangari.

13. Wangari pensa na terra seca…

14. …eu podo sementar algunhas árbores
aquí, no meu propio patio,
de unha en unha.

15. E comeza a súa plantación
con nove pequenas árbores…

16. Os pequenos abrollos botan raiceiras
e Wangari anímase
a seguir sementando.

17. Comeza así un semilleiro…

18. Nun descampado Wangari sementa
fileira tras fileira
de árbores pequeniñas…

19. Logo, convence ás mulleres das aldeas
de que a sementeira de árbores
é unha boa cousa.

20. Agasalla a cada unha delas cunha
pequena arboriña
e repítelles unha e outra vez:

21. ”A nosa vida será mellor cando
teñamos novamente árbores.
Xa o veredes!”

22. ESTAMOS A SEMENTAR
AS SEMENTES DA ESPERANZA!

23. As mulleres dispérsanse
polas súas aldeas e sementan
longas fileiras de arboriñas…

24. … que, aos poucos, vanse estendendo
coma un cinto verde por todo o campo.

25. Os funcionarios do goberno
rin ás gargalladas…

26. “As mulleres non poden facer isto”, din.
“Precísanse gardabosques profesionais
para sementar árbores”.

27. As mulleres non fan caso das burlas
e seguen a sementar…

28. Wangari págalle
a estas mulleres sementadoras
unha pequena cantidade de cartos

29. por cada agromo aínda vivo
logo de tres meses sementado…

30. É a primeira vez nas súas vidas
que gañan cartos!

31. A noticia voa coma un marmurio de
vento nas pólas:

32. A cor verde está regresando
á aldea de Wangari!.

33. Axiña, mulleres doutras cidades, pobos
e aldeas de Kenia póñense a sementar
longas fileiras de pequenas arboriñas…

34. Pero a corta continúa…

35. Wangari plántase firme coma unha
aciñeira para protexer as vellas árbores
que aínda quedan.

36. -“Precisamos máis un parque que un
edificio de oficinas!”,
proclamaba Wangari.

37. Pero os funcionarios do goberno non
están de acordo.
Wangari impídelles o paso.

38. Eles péganlle, chámanlle alborotadora,
préndena e, finalmente,
métena no cárcere.

39. Wangari manténse firme na súa idea:

40. O CORRECTO É O CORRECTO,
AÍNDA QUE QUEDE SOA!

41. Pero Wangari non está soa…

42. Por toda África espállase
a voz sobre as árbores
coma ondas no Lago Victoria.

43. Moitas, moitas mulleres coñecen a
noticia e sementan aínda
máis e máis árbores…

44. …en fileiras cada vez máis longas.

45. Os agromos botan as súas raiceiras e
medran moi alto…

46. e chegan a ser
máis de TRINTA MILLÓNS
onde antes non había ningunha!

47. O bosque de Kenia renace.

48. As mulleres camiñan agora
coas súas cabezas en alto
e os seus lombos erguidos…

49. …porque, de novo,
poden recoller leña
preto das súas casas.

50. A terra xa non está seca!:

51. Batata, caña de azucre e millo medran
novamente na terra escura e fértil.

52. O mundo enteiro escoita falar das
árbores de Wangari e do seu exército
de mulleres sementadoras.

53. E se subes ao cumio do Monte Kenia
verás millóns de árbores
medrando aló embaixo.

54. Verás o verde que Wangari
fixo renacer en África.

56. Wangari Maathai gañou o
PREMIO NOBEL DA PAZ
no ano 2004
pola súa contribución á
PAZ NO MUNDO
a través do “Movemento Verde”.

57. Na tradición africana
UNHA ÁRBORE
é
UN SÍMBOLO DE PAZ.

58. En canto Wangari
soubo que gañara
este importantísimo premio
sementou, ao pé do Monte Kenia,
un Nandi flame
(árbore autóctona de África)

59. No seu discurso de aceptación
do Premio Nobel
Wangari Maathai dixo:

60. “Debemos sandar
as feridas da Terra…

61. … así sandaremos
as nosas propias feridas…

62. … debemos abrazar á creación
en toda a súa diversidade,
beleza e marabilla”.

63. E lembra…

64. O CORRECTO É O CORRECTO!

65. SEMENTA A PAZ!