Ang dokumento ay tungkol sa pagkakasunod-sunod ng mga pangyayari, kung saan mahalaga ang paggamit ng signal words o mga hudyat na salita upang maipahayag ang wastong pagkakasunod-sunod batay sa napakinggang teksto. Isang halimbawa ay ang kaarawan ni Melvin, kung saan naalala niya ang mga nakaraang pagdiriwang at ang mga masayang alaala nito. Sa kasalukuyan, kahit wala siyang bisita, ipinagdiwang pa rin niya ang kanyang kaarawan kasama ang kanyang mga magulang, na may hiling na kaligtasan para sa lahat.

1. Pagkakasunod-sunod ng mga
Pangyayari

2. Rex Curriculum Resource WWW.REX.COM.PH
Pagkakasunod-sunod ng mga Pangyayari
Ang mga pangyayari ay isinasalaysay nang may pagkasunod-sunod batay sa napakinggang
teksto. Makatutulong ang paggamit ng larawan, signal words, at pangungusap upang maisalaysay ang
mga pangyayari nang wasto.
Ang tawag sa mga salitang may diin ay signal words o mga hudyat na salita. Sa pamamagitan
ng paggamit ng mga salitang naghuhudyat, mas madali mong maisasalaysay ang wastong
pagkakasunod-sunod ng mga pangyayari sa napakinggan teksto.
Narito ang ilan pa sa signal words o mga hudyat na salita na maari mong gamitin:
una pangalawa pagkatapos nangmalaunan
nagsimula sumunod sa wakas ang pinakahuli

3. Rex Curriculum Resource WWW.REX.COM.PH
Pagkakasunod-sunod ng mga Pangyayari
Kaarawan ni Melvin
Akda ni Maricel S. Sindayen
Araw ng Linggo, biglang napabangon si Melvin sa kaniyang higaan. Pinakahihintay niya ang
araw na ito dahil ipagdiriwang niya ang kaniyang ika-10 kaarawan. Ngunit naiiba ang paraan ng
pagdiriwang niya ngayon. Habang tinutulungan niya ang kaniyang ina sa paghahanda, naalala niya
noong nagdiwang siya ng kaniyang ikapitong kaarawan. Napuno ng bisita ang kanilang bakuran.
Punong-puno ng dekorasyong lobo at bulaklak ang sulok ng kanilang tahanan. May mga payaso pang
inimbitahan ang kaniyang ina at ama para magtanghal.
“Inay, Itay, naalala ko noong nagdiwang ako ng aking ikapitong kaarawan, sobrang saya
namin ng aking mga kaibigan. Una, nanood kami ng pagtatanghal ng mga payaso. Habang sila ay
nagtatanghal, walang tigil ang tawa naming magkakaibigan. Sumunod nilang ginawa ay nagpakita sila
ng magic. Palaisipan pa rin sa akin hanggang ngayon, kung paano naging ibon ang panyo nilang
hawak. Pagkatapos, kinantahan ako nang malakas ng aking mga kaibigan. Sa bandang huli, hinipan
ko ang kandila ng keyk at bumulong ng hiling,” ang paglalahad ng Melvin.

4. Rex Curriculum Resource WWW.REX.COM.PH
Naiiba ang pagdiriwang niya ngayon ng kaniyang kaarawan dahil wala siyang
inimbitahang mga kaibigan. Tanging ang kaniyang ina at ama lamang ang kasama niyang magdiriwang
ng kaniyang kaarawan. Gayunpaman, masaya pa rin siya. Hiling niya na maging ligtas ang bawat isa at
ang lahat ay maging maingat upang hindi madapuan ng kumakalat na sakit. Hiniling niyang walang
sinoman sa mga mahal niya siya buhay ang magkakasakit.
Ang mga salitang may diin ay tinatawag na signal words o mga hudyat na salita.
Una, nanood kami ng pagtatanghal ng mga payaso. Sumunod, nilang ginawa ay nagpakita sila
ng magic. Pagkatapos, kinantahan ako nang malakas ng aking mga kaibigan. Sa bandang huli,
hinipan ko ang kandila ng keyk at bumulong ng hiling.
Pagkakasunod-sunod ng mga Pangyayari

5. Rex Curriculum Resource WWW.REX.COM.PH
Pagsasanay
Panuto: Pagsunod-sunurin ang mga pangyayari batay sa binasang teksto sa Aralin 1, “Kaarawan
ni Melvin.” Punan ang patlang ng signal words o mga hudyat na salita na nasa loob ng kahon.
Sumunod Pangalawa Una Sa huli
Pagkatapos
Pagkakasunod-sunod ng mga Pangyayari
1._________, maagang gumising ang magkapatid na Rona at Rene. 2._______ inayos nila ang
kanilang higaan at nagtungo sa kusina. 3._______ inayos nila ang plato, kutsara, at tinidor sa
mesa. 4._______, tinawag ni Rona ang kaniyang ama. 5._______, sabaysabay silang kumain ng
agahan.

6. Rex Curriculum Resource WWW.REX.COM.PH
Susi sa Pagwawasto:
1. Una: Maagang nagising ang magkapatid na Rona at Rene.
2. Pangalawa: Agad na inayos ang higaan.
3. Pangatlo: Iniayos nila ang plato, kutsara, at tinidor sa mesa.
4. Pang-apat: Tinawag ni Rona ang kaniyang ama.
5. Panglima: Sabay-sabay silang kumain ng agahan.
Pagkakasunod-sunod ng mga Pangyayari