МЭДЭЭЛЛИЙН ТЕХНОЛОГИЙН ГАДААД АУТСОРСИНГИЙГ 2015 ОН ХҮРТЭЛХ ХУГАЦААНД ХӨГЖҮҮЛЭХЭД БАРИМТЛАХ ЧИГЛЭЛ

1. МЭДЭЭЛЛИЙН ТЕХНОЛОГИЙН ГАДААД АУТСОРСИНГИЙГ 2015 ОН
ХҮРТЭЛХ ХУГАЦААНД ХӨГЖҮҮЛЭХЭД БАРИМТЛАХ ЧИГЛЭЛ
Монгол Улсын Засгийн газраас баталсан “Цахим Монгол” үндэсний
хөтөлбөрийг хэрэгжүүлэх зорилгоор мэдээллийн технологийн гадаад
аутсорсингийг 2007-2015 онд хөгжүүлэхэд баримтлах чиглэлийг дараахь
байдлаар тодорхойлж байна.
Нэг. Үндсэн зорилтууд
1.1 Мэдээллийн технологийн гадаад аутсорсингийн хөгжилд дэмжлэг
үзүүлэхэд чиглэсэн хууль эрх зүй, дэд бүтэц, хөрөнгө оруулалтын таатай
орчинг бүрдүүлнэ.
1.2 Аутсорсингийн чиглэлээр ажиллах, мэргэжлийн өндөр ур
чадвартай хүний нөөцийг бүрдүүлнэ.
1.3 Мэдээллийн технологийн компаниудын олон улсын зах зээлд
өрсөлдөх чадварыг нэмэгдүүлнэ.
1.4 Мэдээллийн технологийн гадаад аутсорсингийн зорилтот зах зээл
болох Япон улсаас ажил үйлчилгээ олж гүйцэтгэхэд чиглэсэн маркетингийн
цогц бодлогыг хэрэгжүүлж, өөрийн орны онцлогийг бүрдүүлнэ.
Хоёр. Баримтлах чиглэлүүд
2.1. Мэдээллийн технологийн гадаад аутсорсингийг хөгжүүлэх хууль
эрх зүй, дэд бүтэц, хөрөнгө оруулалтын таатай орчинг бүрдүүлэх үндсэн
зорилтыг хэрэгжүүлэх зорилгоор дараахь чиглэлүүдийг баримтлана.
Үүнд:
• Мэдээллийн технологийн гадаад аутсорсингийг хөгжүүлэх хууль, эрх
зүйн орчинг бүрдүүлэх;
• Татварын таатай орчин бүрдүүлэх чиглэлээр холбогдох хууль
тогтоомжид нэмэлт өөрчлөлт оруулах санал боловсруулж батлах;
• Гадаад аутсорсингийн бизнес эхлэн эрхлэгчдийг төрөөс хөхүүлэн
дэмжих арга замыг бий болгох;
• Монгол Улсын Ерөнхийлөгч, Улсын Их Хурал, Засгийн газрын
төвшинд гадаад аутсорсингийг нэгдсэн бодлоготойгоор дэмжин
хөгжүүлэх нөхцлийг бүрдүүлэх;
• Мэдээллийн технологийн ашгийн бус инкубаторуудыг татвар, дэд
бүтцийн таатай орчин бүхий тусгай бүс болгох талаар хууль
тогтоомжийн санал боловсруулах;

2. • Гадаад аутсорсинг хийхэд зайлшгүй шаардагдах өндөр хурдны, өргөн
зурвасын интернэтийн сүлжээ бий болгоход чиглэсэн төрөөс үзүүлэх
хөрөнгө оруулалтын хэмжээг эрс нэмэгдүүлэх;
• Мэдээллийн технологийн судалгаа, туршилт, үйлдвэрлэлийн
хүрээлэн байгуулах;
• Мэдээллийн технологийн салбарт гадаадын хөрөнгө оруулалтыг
татах менежмент, маркетингийн цогц арга хэмжээг хэрэгжүүлэх;
• Олон улсад хүлээн зөвшөөрөгдсөн мэдээллийн технологийн сургалт,
судалгаа, туршилт, үйлдвэрлэлийн гадаадын байгууллага болон
томоохон компаниудын салбарыг Монгол Улсад нээх, тэдэнтэй
хамтарсан аж ахуйн нэгжүүдийг байгуулах;
• Төрийн болон олон улсын байгууллагуудаас санхүүгийн дэмжлэгийг
гадаад аутсорсингийн бизнесийг хөгжүүлэхэд түлхүү зарцуулах арга
замыг бий болгох, аутсорсингийн сан, фонд байгуулахыг дэмжих;
2.2. Аутсорсингийн чиглэлээр ажиллах, мэргэжлийн өндөр ур
чадвартай хүний нөөцийг бүрдүүлэх үндсэн зорилтыг хэрэгжүүлэх
зорилгоор дараахь чиглэлүүдийг баримтлана. Үүнд:
• Мэдээллийн технологи, түүний дотроос програм хангамжийн
чиглэлийн их, дээд сургууль, мэргэжлийн анхан, дунд шатны
сургуулиудын материаллаг баазыг бэхжүүлэх, багшлах боловсон
хүчний мэдлэг чадварыг сайжруулах, тогтвор суурьшилтай ажиллах
нөхцөл бололцоог хангахад төрөөс үзүүлэх дэмжлэг туслалцааг
өргөжүүлэх;
• Мэдээллийн технологийн мэргэжилтэн бэлтгэдэг сургуулиудын
сургалтын чанарыг Азийн мэдээллийн технологиор тэргүүлэгч
орнуудын төвшинд хүргэж, мэдээллийн технологийн мэргэжлээр
суралцагчдын 70-аас доошгүй хувийг олон улсын зах зээлд ажиллах
мэргэжлийн чадвартай, гадаад хэлний өндөр мэдлэгтэй болгон
төгсгөх;
• Мэдээллийн технологи түүний дотроос програм хангамжийн
чиглэлээр мэргэжилтэн бэлтгэдэг мэргэжлийн анхан, дунд шатны
сургуулиудыг байгуулж, үйл ажиллагаанд нь дэмжлэг үзүүлэх;
• Мэдээллийн технологийн аутсорсингийн сургалт, мэдээллийн төв
байгуулах, олон улсад хүлээн зөвшөөрөгдсөн сургалтуудыг шинээр
нэвтрүүлэх замаар гадаадын төсөл, захиалгыг гүйцэтгэхэд
шаардлагатай чиглэлээр инженер, мэргэжилтнүүдийг мэргэшүүлэх;
• Олон улсын жишигт нийцэхүйц мэдээллийн технологийн инженерийн
ур чадварын үндэсний стандартуудыг боловсруулж, ур чадварын
үнэлгээний тогтолцоог бий болгох;
• Мэдээллийн технологийн мэргэжлээр залуучуудыг сонгон
шалгаруулалтын үндсэн дээр өндөр хөгжилтэй орнуудад
суралцуулах, мэдээллийн технологиор тэргүүлэгч орны эрдэмтэн,
судлаач, мэргэжилтнийг дотооддоо урьж ажиллуулах замаар багшлах

3. болон мэргэжилтэй боловсон хүчнийг хөгжүүлэх тогтолцоог
төлөвшүүлэх;
• Мэргэжлийн ур чадварыг дээшлүүлэхэд чиглэсэн олон улсын
уралдаан тэмцээнд өргөнөөр оролцох, дотооддоо ижил төрлийн арга
хэмжээ зохион байгуулах ажлыг хэвшүүлэх;
• Япон, англи хэл сурах бүх нийтийн хөдөлгөөн өрнүүлэх ажлыг
санаачлан уриалга гаргах, дээрх хэл сурахыг бүх талаар хөхүүлэн
дэмжих;
• Дуудлагын төвүүдийг (Call center) байгуулах ажлыг эхлүүлэх,
тэдгээрт ажиллах мэргэжилтнүүдийг гадаад хэлний мэргэжлийн
чиглэлээр суралцагчдаас бэлтгэх тодорхой хөтөлбөр боловсруулж
хэрэгжүүлэх;
2.3. Мэдээллийн технологийн компаниудын олон улсын зах зээлд
өрсөлдөх чадварыг дээшлүүлэх үндсэн зорилтыг хэрэгжүүлэх зорилгоор
дараахь чиглэлүүдийг баримтлана. Үүнд:
• Гадаад зах зээлд чиглэсэн үйл ажиллагаа эрхэлж буй аж ахуйн
нэгжүүдийн зах зээлээ өргөжүүлэхэд нь төрөөс дэмжлэг туслалцаа
үзүүлэх;
• Олон улсын чанарын стандартууд (ISO, CMMI г.м)-ыг мэдээллийн
технологийн компаниудад нэвтрүүлснээр компаниудын чанарын
удирдлагыг сайжруулж, CMMI-ийн 3-аас дээш төвшинд хүрсэн
компанийн тоог 20-д хүргэх;
• 2015 он гэхэд Монгол Улсын мэдээллийн технологийн гадаад
аутсорсингийн салбарт ажиллагчдын тоог 15000-д хүргэх;
• Гадаад аутсорсингоор тэргүүлэгч орнуудаас мэргэжилтнүүдийг урьж
ажиллуулах, тэдний зөвлөгөө, дэмжлэгийг авах;
2.4. Мэдээллийн технологийн гадаад аутсорсингийн зорилтот зах зээл
болох Япон улсаас ажил үйлчилгээ олж гүйцэтгэхэд чиглэсэн
маркетингийн цогц бодлогыг хэрэгжүүлж, өөрийн орны онцлогийг
бүрдүүлэх үндсэн зорилтыг хэрэгжүүлэх зорилгоор дараахь чиглэлүүдийг
баримтлана. Үүнд:
• Япон Улсын мэдээллийн технологийн зах зээлд чиглэсэн гадаад
бодлогыг тууштай дэмжих;
• Япон Улсад мэдээллийн технологийн гадаад аутсорсингийн үйл
ажиллагааг дэмжих зорилго бүхий Төлөөлөгчийн газрыг байгуулж
ажиллуулах;
• Мэдээллийн технологийн гадаад аутсорсингийн ажил үйлчилгээний
80-аас доошгүй хувийг Японы зах зээлээс олоход чиглэсэн бодлого,
хөтөлбөрийг авч хэрэгжүүлснээр өөрийн орны онцлог имижийг
бүрдүүлэх;
• Японы мэдээллийн технологийн инженерийн шалгалтын системийг
өөрийн орны онцлогт тохируулан нэвтрүүлэх;

4. • Азийн орнуудын мэдээллийн технологийн мэргэжилтэн бэлтгэх
сургалтын хөтөлбөрийг өөрийн орны сургалтын суурь хөтөлбөр
болгон нутагшуулах ажлыг зохион байгуулах;
• Мэдээллийн технологийн компани, байгууллагуудыг зорилтот зах
зээлд ажиллах нөхцөл бололцоо, тэдэнд шаардлагатай мэдээллээр
хангар үүднээс “Програм хангамжийн аутсорсингийн ажил, үйлчилгээ”
вэб порталыг Японы холбогдох байгууллагуудтай хамтран
ажиллуулах;