1. MARGARITA
1.- Definizioa
Besteak dituen ezaugarri baikorrak adierazi
2.- Helburua
- Besteek ezaugarri baikorrak dituztela jabetu
- Besteek gutaz duten pertzepzioa ezagutu
- Ezaugarri baikorrak esateak eragiten duen sentsazioa bizi
3.- Partaideak
Adina: 8tik aurrera
4.- Materiala
Margarita agertzen den orria eta arkatza/boligrafo bana. Giroa lasaiago eta
goxoago jarri nahi izan ezkero, musika lasai batekin lagundu daiteke
5.- Garapena:
Borobilean jarriko gara eta margaritaren orria banatuko dugu. Bertan gure izena
idatziko dugu (erdian edo ezkerraldeko marraren gainean, adibidez).
Dinamizatzaileak/irakasleak dioenean margaritaren orria alde berera mugituko dugu
guztiok. Iritsi zaigun margaritari (izenak esango digu nor den) bere ezaugarri baikor,
bere jarrera, portaera zehatz bat, bere izaeratik gustatzen zaidan zerbait idatziko
dut lorearen petalo batean.
Taldekideek idatzi dutela uste duenean, dinamizatzaileak aldatzeko esango du eta
denek alde berera, hurrengo lagunari pasako diote margarita. Horrela beste
pertsona baten orria iritsiko zaigu eta ariketa berdina egin beharko dugu. Behin eta
berriz errepikatuko da ariketa taldeko/ klaseko lagun guztien orrian idatzi arte.
Proposamenak:
- Margarita beharrean beste irudi bat izan daiteke: bihotza, kutxa, e.a.
- Akordeoi/abaniko sistema ere erabili daiteke: era horretan aurrekoak zer
esan duen ezin dugu jakin. (behealdean izena jarri eta goialdean ezaugarria;
hurrengoari pasa aurretik doblatu eta hurrengoak goialdea “garbi” izango
luke idatzi ahal izateko)
6.- Ebaluaketa:
Nola sentitu gara idaztean? Nola margarita jasotzean? Espero zenuena eta bertan
idatzita dagoenarekin ados zaudete? Zergatik? Zer espero zenuten eta ez da
agertu?
Nola sentitzen zarete orain? Eta nola sentitzen gara gauza politak esaten
dizkigutenean?
7.- Iturria:
Bakeola