Ang dokumento ay nagtuturo ng kahalagahan ng tunay na relasyon sa Diyos batay sa Exodus 19:3-6, kung saan inilarawan ang tawag ni Moises at ang mga mensahe ng Diyos sa mga Israelita. Itinuturo na ang kaligtasan ay hindi lamang para sa pagpasok sa langit kundi upang magkaroon ng mas malalim na ugnayan sa Diyos, na nangangailangan ng ating pagsunod. Binibigyang-diin din ang ating natatanging katayuan bilang mga alagad ng Diyos, na may tungkulin na akayin ang iba patungo kay Hesukristo.

1. MORONG BIBLE CHURCH
By: Rev. Jeremiah Lepasana
Isinatagalog ni: Bayani R. Pascual

2. The Importance of Encounter
Lesson 1- Rev. Lepasana
Exo 19:3 At si Moises ay lumapit sa Dios, at tinawag ng Panginoon siya mula sa bundok, na
sinasabi, Ganito mo sasabihin sa sangbahayan ni Jacob, at sasaysayin sa mga anak ni Israel.
4 Inyong nakita ang aking ginawa sa mga Egipcio, at kung paanong dinala ko kayo sa mga
pakpak ng agila, at kayo'y inilapit ko sa akin din.
5 Kaya't ngayon, kung tunay na inyong susundin ang aking tinig, at iingatan ang aking tipan, ay
magiging isang tanging kayamanan nga kayo sa akin, na higit sa lahat ng bayan: sapagka't
ang buong lupa ay akin;
6 At kayo'y magiging isang kaharian ng mga saserdote sa akin, at isang banal na bansa. Ito ang
mga salita na inyong sasalitaan sa mga anak ni Israel.
Kung may lumapit sa iyo at nagtanong, Ikaw ba’y Kristiano?” marahil hindi ka mahihirapang
sagutin oo. Ano naman ang isasagot mo kung baguhin ang tanong sa: “Talaga bang namumuhay
ka bilang Kristiano?” Sa bagay na ito marami sa atin ang magaalangan. Bakit ito totoo? Pagkat
nabubuhay tayo sa isang panahon na madali ang gamitin ang salitang Kristiano na isang
relihiyon, subalit hindi alam kung ano ang tunay na kahulugan ng maging isang tunay na alagad
ni Kristo.
Kung papansinin mo ang kasaysayan ng ating texto sa Exodus, makikita mo na nais ng Diyos na
maunawaan ng bansang Israel ang kahalagahan ng kanilang relasyon sa Kanya. Nais ng Diyos
na samantalahin ang pagkakataon, sa pamamagitan ni Moses, na ipaliwanag kung paano ang
tunay na relasyon.
Kung susundin natin ang kasaysayan sa Exodus, bago pa lamang pinalaya ng Diyos ang bansa
ng Israel sa 400 taon ng pagkaalipin sa Ehipto. Dito nasa daan sila patungo sa lupang pangako
kung saan mararanasan nila ang ibayong kasaganaan. Sa halip na mabuhay sila bilang alipin
mararanasan nila ang maging isang malaki at makapangyarihang bansa. Subalit upang ito’y
tunay na maganap kailangang katagpuin nila ang Diyos sa bundok ng Sinai. Ang pagtatagpong
ito’y napakahalaga upang ang kanilang relasyon sa Diyos ay mas maging malapit at malalim.
Naniniwala ako na ang mga bagay na itinuro ng Diyos sa bansa ng Israel sa bahaging ito ng
kasulatan ay magagamit din natin sa ating kapanahunan. Narito ang mga katotohanan.
1. INILIGTAS TAYO PARA SA ISANG RELASYON: (V.4)
Sa kabuuan ng Biblia, ang pinakasentro ng mensahe ng Diyos ay, Siya ang may gawa ng
kaligtasan. Subalit natanong mo ba sa iyong sarili kung bakit Niya tayo
pinagkaabalahang iligtas?
“Paano ka Niya dinala sa mga pakpak ng agila?” –
“At kayo’y inilapit ko sa Akin”

3. Ang lahat ng ito’y totoo din sa atin. Iniligtas tayo ng Diyos hindi lamang para ibigay sa
atin ang langit; iniligtas tayo, upang maging bahagi Niya, at upang tayo’y magkaroon ng
mas malapit at malalim na relasyon sa Kanya.
II. KAILANGAN NA TAYO AY SUMUNOD SA KANYA; (v.5)
Isa pang mahalagang katotohanan na dapat din nating malaman ay ang paraan
ng ating pagsunod sa Diyos. Tulad ng nasabi na, ang Diyos ang gumawa ng hakbang
upang itatag ang relasyon natin sa Kanya. Ang susunod na hakbang ay manggagaling sa
atin – gusto ba natin ang ganitong relasyon o hindi?
Sa talatang 5, malinaw ang hinihintay sa atin ng Diyos. Sinabi Niya – “Ngayon kung
kayo”y sumunod sa akin at ingatan ang aking tipan. Malinaw na ang hinahanap ng Diyos
sa Kanyang bayan ay ang buong pagtalima sa Kanyang mga utos.
 May problema tayo sa ating kapangyarihan at kayabangan –
Dahilan sa makasalanang kalikasan lagi tayong nagrerebelde. Lagi nating
tinatanggihan na may naguutos kung ano ang dapat nating gawin.
Awit 10:4 Ang masama, sa kapalaluan ng kaniyang buhay, ay nagsasabi, hindi siya susunod. Sa
lahat niyang pagiisip ay, walang ang Dios.
 Kulang ang ating kaalaman tungkol sa Diyos –
_______________________________________________________
Pro 3:5-6 Tumiwala ka sa Panginoon ng buong puso mo, at huwag kang manalig sa iyong
sariling kaunawaan: Kilalanin mo siya sa lahat ng iyong mga lakad, at kaniyang ituturo ang
iyong mga landas.
III. MAARI TAYONG MABALIK SA ISANG NATATANGING KATAYUAN: (vs.5-6)
Sa ganitong pagtatagpo hindi lamang gusto ng Diyos na malaman ng Israel ang dahilan ng
kanilang pagkaligtas at paraan ng kanilang pagsunod, nais din ng Diyos na maunawaan nila
ang uri ng relasyong meron sila sa Kanya.
A. Tanging yaman Niya, ang pagiging tanging yaman ng Diyos ay nagsasaad na tayo ay
natatangi at napakahalaga sa paningin ng Diyos.
B. Kaharian ng mga seserdote at banal na bansa:
(v.6)
__________________________________________________________
Ngayon, tayo ang mga alagad ng Diyos na dapat ay nagaakay sa maraming tao patungo kay
Hesuskristo. Isa sa ating Gawain ay tumawag ng mga taong nasa kadiliman patungo sa
kaliwanagan ng Diyos. Huwag natin itong tingnan na isang obligasyon kundi isang malaki at
dakilang prebilihiyo.