Marrur nga: “Interpretimi i ëndrrave reflektive” Autor: Ibni Sijrijni Përktheu: Dr. Musli Vërbani

1. Ëndërrimi i sehabeve r.a. dhe i tabiinëve
ËNDËRRIMI I SEHABEVE R.A.
Kush e sheh njërin prej tyre ose të gjithë të gjallë, ëndrra tregon se ai dhe
familja e tij janë fetarë të denjë. Tregon se ai do të arrijë fuqi dhe autoritet, çështja e
tij do të ngrihet.
- Nëse e sheh se ai është bërë njëri prej tyre, do t’i kanoset rreziku, do të ketë
vështirësi por do të fitojë.
- Nëse i sheh vazhdimisht në ëndërr, jeta e tij do të jetë e rëndësishme.
- Nëse e sheh Ebu Bekri Sidikin të gjallë ai do të jetë i butë dhe shumë i
sjellshëm me robërit e Allahut.
- Nëse e sheh Omerin r.a. do të jetë fetarë i denjë, i drejtë në fjalë dhe do të
sillet mirë me të tjerët.
- Nëse e sheh Othmanin r.a. të gjallë do të jetë i devotshëm dhe do të ketë
shumë ziliqarë të cilët i frikësohen.
- Nëse e sheh Aliun r.a. udhëheqësin e besimtarëve të gjallë, do të jetë i
ditur, trim dhe i devotshëm.
ËNDËRRIMI I LEXUESVE TË KUR’ANIT
Nëse i sheh lexuesit e Kur’anit të tubuar në një vend, aty do të tubohet paria e
shtetit, prijësat, tregtarët dhe dijetarët.
ËNDËRRIMI I NJERËZVE TË MIRË
Kush i sheh disa njerëz të mirë por të cilët kanë vdekur më herët, do të ketë
gjallëri në vendin e tij. Ai vend do të ketë të korrura, udhëheqësi do të punoj me
drejtësi dhe ata do të jenë të lirë.
Tregohet se Hasan el Basriu Zoti e Mëshiroftë ka parë ëndërr sikur ka veshur
rroba të leshit, në mes të belit kishte shokën e belit, në këmbën e tij një lidhëse, dy
hajmalia, duke qëndruar në këmbë, në dorë kishte një def, i mbështetur në Qabe. Këtë
ëndërr ia tregon Ibni Sirijnit, e ai i thotë:
- Këmisha e leshit tregon devotshmëri.
- Shoka e belit tregon vendosmërinë në fe.
- Mjalta tregon dashurinë për Kur’an dhe komentimin e Kur’anit.
- Lidhëza tregon për karakterin e fortë.
- Qëndrimi në këmbë tregon se Allahu e ka vendosur botën ndër këmbët e
tij.
- Defi tregon për urtësinë ndaj njerëzve.
- Mbështetja për Qabe, tregon mbështetje dhe bindje ndaj urdhrave të
Allahut.
Marrur nga: “Interpretimi i ëndrrave reflektive”
Autor: Ibni Sijrijni
Përktheu: Dr. Musli Vërbani