1. KASKAROTAK Ustaritzen ospatzen den ihauterian parte hartzen duten dantzariak dira. Mutilek alkandora eta praka txuriak dituzte, txapela bordatua, gerriko zabala eta fraken alboetan koloreetako zintak josita irudi geometrikoak eginez. Neskek alkandora eta koloreetako zintaz apaindutako gona zuria, gerriko zabala eta buruan loraz apaindutako zinta bat daramatzate.
2. TXATXOAK Lantz-en ospatzen diren ihauterian parte hartzen dute, Miel Otxin, Ziripot eta honelako petsonaiekin. Jantzi koloretsua izaten dute. Eskuan erratza edo makila bat daramate. Aurpegia estalita eramaten dute eta buruan koloreetako kapela konikoa.
3. KATXIMORROAK Arabako La Guardia herriko ihauterietan irtetzen dira pertsonai hauek. Katximorroek kolore biziko praka eta alkandora eramaten dituzte. Oinetako bezala kolore ezberdinetako abarketak eta hauen lokarriak gorri-berdeak edo gorri-zuriak. Eskuan makila bat eramaten dute lastoz betetako untxiaren larru bat zinzilikaturik.
4. KOTILUNGORRIAK Kotilungorrien mozorroa ikusgarriena da. Gona gorria dute soinean fraka zurien gainetik, artilezko jaka zuria eta koloreetako amantala eta poltsikoan, airera eta jendeari botatzeko errautsa. Eskuan ostera, makila bat daramate, bertatik zintzilika behi buztana; buruan txoto luze piramidala eta gerrian zintzarri ugari eskegita. Aurpegia tela gorrizko maskara batez estalia, ahoa eta begiak bistan dituztela. Umeak izutzen ibiltzen dira eta emandako eskupekoak jasotzen dituzte.
5. BOLANTAK Bolantak, Behenafarroan ospatzen den ihauterian, kabalgatan parte hartzen duten pertsonaiak dira. Alkandora eta fraka zuriak daramatzate, biak kolore ezberdinetako zinta eta kriskitinez apaindurik, gerrikoa eta lokarri gorriak dituzten abarketa zuriak. Buruan lorez apaindutako kapela eramaten dute. Lepotik zetazko koloreetako zinta luzeak daramatzate zintzilikaturik. Zaldikoak eta Erraldoitxoekin batera desfilatzen dute. Bi ilaratan joaten dira salto eta oihu egiten.