Promoción turística local e información al visitante
Dinamica de grupo
1. TAREFA: ELABORAR UNHA DINÁMICA DE GRUPO
NOME DA DINÁMICA: O ANTÍDOTO
DESCRIPCIÓN: É un xogo de roles, no que dúas persoas discuten por unha
laranxa para salvar a vida dos seres queridos, sen saber que poden compartila,
quedándose unha coa pel e a outra coa pulpa.
OBXECTIVOS:
- Analizar importancia da comunicación e a súa claridade na regulación de
conflitos.
- Destacar a importancia de coñecer os intereses e as necesidades da outra
persoa á hora de buscar solucións ao conflito.
- Fomentar a escoita activa.
CURSO NO QUE SE REALIZARÁ: Inserción laboral de persoas con
discapacidade
MOMENTO DO CURSO: UF0799 Desenrolo de habilidades persoais e sociais
das persoas con discapacidade.
XUSTIFICACIÓN DA APLICACIÓN DESTA DINÁMICA: Empregarase esta
dinámica dentro do módulo de habilidades persoais e socias, posto que a
persoa que nun futuro traballe con persoas con discapacidade para a súa
inserción, debe posuír certas habilidades que se traballan con esta dinámica,
tales como a escoita activa e a empatía.
MATERIAL: Unha laranxa, unha mesa, dúas cadeiras e a fotocopia dos roles.
DESENROLO: A persoa que executa a dinámica pide dous voluntarios e failles
saír da sala. O resto de participantes actuará de observadores. A continuación
coloca unha mesa no centro e dúas cadeiras enfrontadas cada unha a un dos
lados da mesa, que serán os lugares que ocuparán os participantes voluntarios
cando regresen.
A continuación explícaselle ao grupo, que vai asistir a un experimento onde
se observará a importancia que ten a comunicación e a precisión desta
á hora de afrontar os conflitos.
Díselles que cando entren as persoas voluntarias que se encontran
fóra, cada unha sentarase no seu lugar da mesa e representará a situación
que a continuación se lles describe. Explícaselles que han de conseguir un
antídoto contido na laranxa para poder salvar aos seus seres queridos.
2. O dinamizador da actividade le ao grupo cada un dos textos, onde se observa
que un participante necesita unicamente a pel da laranxa e o outro a pulpa,
co cal non hai maior dificultade para compartila.
O resto do grupo actuará como observador e ha de estar atento e en silencio
mentres se desenvolve a dinámica.
Faise entrar aos/as voluntarios/as, sentándoos fronte a fronte na mesa e
indicándolles que poden comezar a comunicarse.
TEXTO A:
Finalmente e tal como moitos profetizaran, produciuse a
catástrofe nuclear. Estamos ante o temido “Día despois”. Todos os alimentos
están contaminados, as cidades destruídas, toda orde establecida está
desarticulada. Ti e os teus salvástesvos, pero desgraciadamente o teu fillo
está en perigo de morte. O único antídoto que pode salvalo é esta laranxa
que tes diante.
É urxente que lle salves a vida. Necesitas TODO o antídoto que poidas extraer
da súa pel, e non terá ningún efecto a metade. Non es a única persoa que
chegou ata aquí buscando a laranxa. Debes utilizar todas as túas habilidades
verbais para conseguir salvar ao teu fillo.
TEXTO B:
Finalmente e tal como moitos profetizaran, produciuse a
catástrofe nuclear. Estamos ante o temido “Día despois”. Todos os alimentos
están contaminados, as cidades destruídas, toda orde establecida está
desarticulada. Ti e os teus salvástesvos, pero desgraciadamente a túa parella
está en perigo de morte. O único antídoto que pode salvalo/a é esta laranxa
que tes diante.
É urxente que lle salves a vida. Necesitas TODO o antídoto que poidas extraer
da súa pulpa, e non terá ningún efecto a metade. Non es a única persoa que
chegou ata aquí buscando a laranxa. Debes utilizar todas as túas habilidades
verbais para conseguir salvar a túa parella.
AVALIACIÓN: O dinamizador fai unhas preguntas ao rematar:
- Como vos sentistes as persoas voluntarias?
3. - Como foi a comunicación? Escoitáronse?
- Chegáronse a destapar os intereses e necesidades de ambas partes?
Nesta parte xa poden intervir os observadores contando a súa visión do
asunto:
- Qué argumentacións empregaron na busca de solucións? Que solucións
se buscaron?
- Como eran os xestos e o ton de voz ao falarse?
- Que solucións se tomaron?
- Que consecuencias terán esas solucións?
- Que outras alternativas se propuxeron?
CRÍTICA E CONCLUSIÓNS
Finalmente as voluntarias lograron chegar a un acordo. Inicialmente pensei que
a rección de ambas sería ir a pola laranxa sen comunicarse, o cal fixo Pura,
pero mantívose esperando a reacción de Cris, a cal ao principio se quedou
quieta.
Unha vez que pedín que volveran ler as tarxetas, Cris reaccionou e intentou
pedir a laranxa a Pura intentando convencela pero sen chegar a negociar.
Unha vez que Pura volveu ler a tarxeta foi quen se deu conta de que so
precisaba a pel da laranxa e ofreceulle o resto a Cristina. Ela aceptou e
chegaron a un acordo.
Considero que o obxectivo que me marquei se cumpliu, posto que lograron
chegar a un acordo, e as dúas partes lograron o antídoto que precisaban. A
pesar disto, eu prevía que Pura non cedese a laranxa tan facilmente e que Cris
tería que negociar máis para conseguila, pero contou coas facilidades que Pura
lle deu.