Egbet fQra zenqelo ዕግበት ፍቕራ ዘንቀሎ

1. ኣደ መድኅነይ ክብል ዘውትር ወግሐ ጸበሐ
ነናሻዕ ይድሰት ጭንቀት ውሽጠይ ገኒሐ/2/
ከም ልማድ ኣይኮነን እኮ ዝደጋገም ብህሎ
መንፈስ’ዩ ቅኒቱ ከቶ የለን ዝብልሎ /2/
***
ኣብታ ጽምዋ ቤተይ ቀባሕባሕ ምንጋሡ
ጽምዋስ ከም ሻሙ ናፍቆታ’ምበር ብኢሱ/2/
ግን ኩሉ ክርስዖ ድምጻ ምስ ሰማዕኩ
ትዝ ይብለኒ ዅሉ ከምዛ ብተይ እናዘለልኩ/2/
***
ዕግበት ፍቕራ ዘንቀሎ
ልብይ ይጐስዕ ኣሎ
መዝሙር ምስጋና በረኸት ስማ ዘሕደረሉ
ድንግል ማርያም ክብል ነቒሉ /2/ ***
“ዕግበት ፍቕራ ዘንቀሎ “
”
“ዕግበት ፍቕራ ዘንቀሎ”

2. ዕቅብቲ መርዓት መጸት መርዓዊ ኣኸቲላ
ብደመና ሰማይ ክቡር ስሉም ሰረገላ/2/
ወላዲት ጸሓይ’ያ እኮ ወርሒ ዛ ድምቅቲ
ዘምርላ ነፍሰይ ብዝማሬ መላእኽቲ/2/
***
ንዘይትመዉት ነፍስይ መን ኣለዋ ተስፋ
ብዘይካ ዋሕሳ ዋሕስ መን ተደጊፋ/2/
ሥጋይ እኮ እንተ ኣቕበጸት ከይሠምር ፍታዋ
ነፍስይ ኣሚና’ላ ካብ ጸልማት ክትሕልዋ/2/
***
ትጽቢት ርኅርኅቲ ጽዮን ቅድስቲ ከተማ
ሃንቀውታኣ`ንድዩ ንኽብሕቶ ሰላማ/2/
ወሲነ ኣለኹ ኣነስ ከይጥምት ንድሕረይ
ስም ወዳ ከመስግን ፈልፋሊ እዩ
መዝሙረይ/2/
“ዕግበት ፍቕራ ዘንቀሎ”