Unidade 4 as_formas_poligonais

COLEXIO“SAN JOSÉ DE LA GUÍA”
r/ Dr. Corbal, 25.- 36207 VIGO
Tlfno. 986 376 153 – FAX 986 264 959
UNIDADE 4:
AS FORMAS POLIGONAIS.
PROFESORA: Sara Estarque Moreno
MATERIA: Educación Plástica e Visual
CURSO: 1º da ESO
email: csjoseguia@planalfa.es
www.sanjosedelaguia.com

Tlfno. 986 376 153 – FAX 986 264 959
OBXECTIVOS DA UNIDADE
• Comprender e asimilar os conceptos básicos da xeometría relacionados cos polígonos:
elementos básicos do polígono, clasificación y descrición de triángulos e cuadriláteros.
• Coñecer e debuxar os principais trazados xeométricos de polígonos e utilizalos en
composicións de debuxo técnico e artístico.
• Comprender o emprego da xeometría de polígonos na composición artística partindo do
estudo dalgún exemplo paradigmático da arte do contemporánea.
• Mellorar a motricidade fina persoal mediante o gusto polo trazado limpo, ordenado e
preciso
COMPETENCIAS DA UNIDADE
• COMPETENCIA CULTURAL E ARTÍSTICA.
◦ Identificar e coñecer o emprego dos polígonos en composicións artísticas, así como
saber empregalos en producións propias.
◦ Comprender os valores estéticos das manifestacións artísticas doutras épocas e
culturas.
• AUTONOMÍA E INICIATIVA PERSOAL.
◦ Tomar decisións de xeito autónomo e avaliar os resultados antes e despois da toma
de decisións tanto durante o proceso creativo tanto persoal en grupo.
◦ Establecer estratexias de planificación, previsión de recursos, de anticipación e de
avaliación do resultados
• COMPETENCIA SOCIAL E CIDADÁ.
◦ Traballar en equipo con actitudes de respecto, tolerancia e cooperación, valéndose
das habilidades sociais.
• COMPETENCIA EN APRENDER A APRENDER.
◦ Reflexionar sobre os propios procesos de creación.
• TRATAMENTO DA INFORMACIÓN DIXITAL.
◦ Facer uso dos recursos tecnolóxicos para a procura de información sabendo
discriminar, organizar e sintetizar a información relevante.

Tlfno. 986 376 153 – FAX 986 264 959
◦ Empregar as tecnoloxías como medio de comunicación que facilite e proceso de
ensinanza-aprendizaxe.
• COMPETENCIA MATEMÁTICA.
◦ Desenvolver o gusto pola certeza e a súa busca a través do razoamento mediante a
utilización de elementos e soportes matemáticos: resolución de problemas.
◦ Coñecer, recoñecer e empregar os elementos básicos dos polígonos tanto na súa
análise coma na súa creación.
• COMPETENCIA NO COÑECEMENTO E INTERACCIÓN CO MEDIO FÍSICO.
◦ Observar, experimentar e descubrir o emprego dos conceptos relacionados cos
polígonos na arte e nas creacións propias.
◦ Facer un bo uso dos materiais de traballo, reciclando sempre que sexa posible e
mantendo o entorno limpo e ordenado.
• COMPETENCIA NA COMUNICACIÓN LINGÜÍSTICA.
◦ Expresarse correctamente incorporando o vocabulario específico sobre os polígonos,
explicando as investigacións e traballos feitos aos compañeiros.
◦ Comunicar sentimentos, ideas ou emocións empregando a comunicación visual.
SECUENCIACIÓN DO TRABALLO NA UNIDADE
• Do 24 de febreiro ao 10 de abril: Conceptos e exercicios rápidos persoais de concepto.
• O 1 de abril: exame.
• O 7 de abril: recuperación se fose preciso.
• Do 3 de abril ao 10 de abril: proxecto en grupo cooperativo?
CRITERIOS DE AVALIACIÓN DA UNIDADE
• Coñecer e manexar adecuadamente os instrumentos para os trazados técnicos.
• Comprender, coñecer e estudar os conceptos teóricos relacionados cos diferentes
aspectos dos polígonos tratados na unidades
• Valorar, comprender e aplicar o uso da xeometría no deseño e na composición plástica.
• Construír de xeito autónomo os trazados vistos na unidade tanto nas láminas de trazado
persoal coma no exame

Tlfno. 986 376 153 – FAX 986 264 959
• Crear composicións artísticas expresivas a partir de construcións poligonais e baseadas
nun estilo artístico.

Tlfno. 986 376 153 – FAX 986 264 959
AS FORMAS POLIGONAIS.
Que polígonos se repiten nestas obras?, podes nomealos todos?
"Mediterráneo", Pablo Picasso, 1952
"Zócalo da sá do Mexuar", alhambra de Granada

Tlfno. 986 376 153 – FAX 986 264 959
OS POLÍGONOS.
A xeometría, e, en concreto os polígonos, están presentes no crecemento natural de
plantas, animais, minerais. En calquera clima, en calquera espazo natural podemos observar
diferentes exemplos nos que podemos observar formas poligonais de todo tipo.
O Termo polígono provén do grego e componse de dúas palabras: poli, que quere dicir
varios e gonos que quere dicir ángulo. Os elementos dun polígono son:
• Un polígono é unha figura xeométrica plana limitada por segmentos que se cortan
entre si chamados lados que se representan ou
nomean con letras minúsculas, posto que son
liñas.
• Os puntos de corte dos lados son os vértices
do polígono e noméanse con letras maiúsculas
posto que son puntos.
• O ángulo é a porción de espazo comprendida
entre dous lados consecutivos do polígono,
nomeamos ou representamos o ángulo por medio de letras minúsculas cun circunflexo:
â, ê. ou con letras gregas: ß, ∂, ƒ.
"Aloe Vera"
"Cristais de Pirita"

Tlfno. 986 376 153 – FAX 986 264 959
• A diagonal dun polígono é o segmento que une dous vértices non consecutivos do
polígono. As diagonais, coma segmentos que son se nomean cun d minúsculo e un
subíndice numérico para diferencialas unhas de outras.
• A apotema dun polígono é o segmento que vai dende o centro da circunferencia
ao centro de cada un dos lados do polígono, é ademais, un segmento perpendicular ao
lado ao que pertence.
• O raio do polígono é o segmento que une o centro do polígono con cada un dos
vértices do polígono.
• Finalmente, o centro do polígono é o punto que equidista de todos os lados e
vértices do polígono.
Clasificación dos polígonos.
Os polígonos se poden clasificar segundo a súa forma podemos clasificar os polígonos
en:
• Cóncavos: que son aqueles polígonos que teñen un ou varios dos seus ángulos menores
de 180º. Este tipo de polígonos cumpre a regra xeométrica que di que se pode ser
atravesado por unha recta cortándoo en máis
de dous puntos.
• Convexos: son aqueles polígonos que teñen
todos os seus ángulos menores de 180º. Neste
caso a regra que cumpren e que só poden ser contados por unha recta en dous puntos.
Segundo a súa regularidade, os polígonos poden ser:
• Regulares: que son aqueles polígonos que teñen os seus lados e ángulos iguais. Dentro
dos polígnos regulares distinguimos entre:
◦ Regulares convexos: que son aqueles
polígonos simples cuxos lados e ángulos
son iguais.

Tlfno. 986 376 153 – FAX 986 264 959
◦ Estrelados: son aqueles polígonos que aparecen coma resultado de trazar as
diagonais dos polígonos regulares.
• Semirregulares: son aqueles polígonos que teñen ou os seus lados ou os seus ángulos
iguais, pero nunca os dous elementos ao mesmo tempo. Dentro dos irregulares temos:
◦ Equiláteros: que son aqueles cuxos
lados teñen a mesma medida.
◦ Equiángulos: que son aqueles
polígonos que teñen a mesma medida
en todos os seus ángulos.
• Irregulares: son aqueles polígonos que non teñen nin os lados nin os ángulos iguais.
Triángulos.
Un triángulo é un polígono de tres lados e tres ángulos. Unha das características máis
importantes dos triángulos é que a suma dos seus ángulos da sempre coma resultado 180º. Os
triángulos poden clasificarse segundo dous criterios, segundo a medida dos seus lados ou
segundo amplitude dos seus ángulos.
• Segundo a medida dos seus lados os triángulos poden ser:
◦ equiláteros: cando todos os seus lados teñen a mesma medida
◦ isósceles: cando dous lados teñen a mesma medida e o terceiro non
◦ escaleno: cando todos os seus lados teñen diferente medida

Tlfno. 986 376 153 – FAX 986 264 959
• Segundo a amplitude dos seus ángulos os triángulos poden ser:
◦ acutángulos: cando os tres ángulos do triángulo son agudos
◦ rectángulos: cando un dos seus ángulos é recto
◦ obtusángulo: cando un dos seus ángulos é maior de 180º
O triángulo rectángulo. É un triángulo moi peculiar dentro da xeometría. Emprégase
na medición de terreos, ou no cálculo de superficies de figuras. De feito os lados do triángulos
deste triángulo teñen nomes concretos.
Chamamos Hipotenusa ao lado máis longo do triángulo e que se sitúa en fronte do
ángulo recto, e chamamos Catetos aos outros dou lados.
Ademais calquera triángulo rectángulo cumpre o teorema de Pitágoras que di que en
todo triángulo rectángulo a suma do cadrado dos catetos, b e c, é igual ao cadrado da
hipotenusa, a:
b2
+ c2
= a2
Construción de triángulos.
Constrúe un triángulo equilátero coñecendo a medida do lado.
Constrúe un triángulo isóscele inscrito dentro dunha circunferencia sabendo a medida
do raio da circunferencia que o circunscribe.
Constrúe un triángulo isóscele sabendo a medida dos dous lados.
Constrúe un triángulo rectángulo sabendo a medida de hipotenusa e dun dos catetos.

Tlfno. 986 376 153 – FAX 986 264 959
Constrúe un triángulo escaleno dados dous dos lados e o ángulo comprendido entre
eles.
Cuadriláteros.
Un cuadrilátero é un polígono de catro lados e catro vértices. Os ángulos de calquera
cuadrilátero suman sempre 360º. Os cuadriláteros poden clasificarse segundo o paralelismo dos
seus lados, así temos:
• Paralelogramos: son aqueles cuadriláteros cuxos lados opostos son sempre iguais,
teñen a mesma medida; o mesmo pasa cos seus vértices, que son iguais os opostos; os
seus ángulos consecutivos son complementarios; as diagonais bisécanse; e cada diagonal
divide o polígono en dous triángulos iguais.
◦ Cadrado. É un polígono regular de lados e ángulos iguais. Os seus ángulos miden
todos 90º. As súas diagonais son iguais, perpendiculares entre si e bisécanse.
◦ Rectángulo. É un cuadrilátero de lados opostos iguais dous a dous y ángulos de 90º.
As súas diagonais tamén son iguais, bisécanse e córtanse nun ángulo diferente a 90º.
◦ Rombo. É un cuadrilátero que ten os catro lados iguais, os ángulos iguais opostos
iguais dous a dous e distintos a 90º. As súas diagonais son diferentes, bisécanse e
forman un ángulo recto ao cortarse.
◦ Romboide. É un cuadrilátero que ten tanto os lados como os ángulos iguais ao seu
oposto. As súas diagonais non son iguais e córtanse formando un ángulo diferente a
90º.
• Trapecios. Son cuadriláteros que só teñen dous lados opostos paralelos. Estes dous
lados paralelos se chaman bases do trapecio. Os trapecios poden clasificarse á súa vez
en:

Tlfno. 986 376 153 – FAX 986 264 959
◦ Trapecio rectángulo: que é aquel trapecio que ten dous lados paralelos e dous
ángulos rectos. As súas diagonais son distintas, non se bisecan nin forman un ángulo
recto.
◦ Trapecio isóscele: que é aquel trapecio que ten dous lados paralelos e os ángulos
consecutivos iguais dous a dous. As súas diagonais non se bisecan nin forman un
ángulo recto cando se cortan.
◦ Trapecio escaleno: é o trapecio que ten dous ángulos paralelos pero os catro
ángulos diferentes. As súas diagonais non se bisecan nin forman un ángulo de 90º
cando se cortan.
• Trapezoides. Son aqueles cuadriláteros que non teñen ningún lado nin ángulo igual.
Cuxas diagonais son diferentes, non se bisecan nin forman un ángulo recto cando se
cortan.
Construción de cuadriláteros.
Constrúe un cadrado coñecendo a medida do seu lado.
Constrúe un cadrado coñecendo a medida do raio da circunferencia que o circunscribe.
Constrúe un rectángulo coñecendo a súa diagonal e un dos seus lados.
Constrúe un rombo coñecendo a medida das súas diagonais.
Constrúe un trapecio rectángulo coñecendo as súas bases e a altura.

Tlfno. 986 376 153 – FAX 986 264 959
Construción de polígonos e métodos xerais de construción de
polígonos.
Constrúe un pentágono coñecendo a medida do seu lado.
Constrúe un hexágono coñecendo a medida do seu lado
Constrúe un pentágono coñecendo o raio da circunferencia que o circunscribe
Constrúe un hexágono coñecendo a medida do raio da circunferencia que o
circunscribe.
Constrúe un polígono calquera empregando a medida do raio da circunferencia que
circunscribe a dito polígono.
Constrúe un polígono calquera coñecendo a medida do lado de dito polígono.

Tlfno. 986 376 153 – FAX 986 264 959
CRÉDITOS DAS IMAXES
"Mediterráneo”, Pablo Picasso, 1952:
http://www.probidadenchile.cl/ver_articulo.php?cat=7&art=172
“Zócalo da sá do Mexuar”, Alhambra de Granada, arquitectura Nazarí:
http://martaurrea.blogspot.com.es/2011_04_01_archive.html
“Aloe Vera”,
http://es.wikipedia.org/wiki/Aloe_polyphylla
Elementos do polígono e todas as imaxes de clasificación dos polígonos:
http://profesordedibujo.com/index.php/apuntes/dibujo-tecnico-i/2-poligonos-i/2-1-
poligonos-i.html
Triángulo rectángulo:
http://commons.wikimedia.org/wiki/File:Triangulo-Rectangulo.svg

Unidade 4 as_formas_poligonais

Recommended

Recommended

More Related Content

Viewers also liked

Viewers also liked (10)

More from Sara Estarque

More from Sara Estarque (20)

Unidade 4 as_formas_poligonais