2. ეზოში ფარშავანგი დადიოდა ამაყად. საუცხოო სანახავი იყო, დროდადრო
ბოლოს მარაოსავით შლიდა, მზის სხივებზე აელვარებდა
თვალისმომჭრელი ფერებით. თუმცა უსიამოვნო ხმით გაჰკიოდა.
3. იქვე გზაზე, ორი კაცი მიდიოდა, დაინახეს ეს საოცარი ფრინველი,
დადგნენ და მოჯადოებული უყურებდნენ.
4. რა მშვენიერია! - თქვა ერთმა, - შეხედე, რა ლამაზად უბრჭყვიალებს ყელი!
ხან მწვანედ უჩანს, ხან მტრედისფრად, ხანაც ოქროსფრად! თავზედაც
როგოგრი დიდებული გვირგვინი ადგას! ახლა მის ბოლოს დააკვირდი!
არა, ამაზე ლამაზი ფრინველი ქვეყნად არ არის!
5. - არც ისეთი ლამაზია, შენ რომ გგონია! დააკვირდი, რა უშნო ფეხები აქვს,
თანაც როგორი საზარელი ხმით ყვირის! - უპასუხა ამხანაგმა.
6. - გამვლელების საუბარს გოგონამ მოჰკრა ყური და გაოცებულმა ჰკითხა
დედას:
- რომელი ამბობდა მართალს?
7. - არც ერთი, ორივე ტყუილს ლაპარაკობდა. ერთი ფარშავანგში მხოლოდ
კარგ მხარეს ხედავდა, მეორე კი - ცუდს, - უპასუხა დედამ.
8. უცხო სიტყვები
• საუცხოო სანახავი - ძალიან ლამაზი
• მარაო - სანიავებელი
• თვალისმომჭრელი - ბრწყინვალე, მოელვარე
• მოჯადოებული - გაოცებული
• უშნო - ულამაზო
• საზარელი - საშინელი
9. დაფიქრდი და უპასუხე!
• რამ გააოცა გოგონა?
• რა პასუხი გასცა დედამ?
• თქვენ ვის აზრს ეთანხმებით? რატომ?
• როგორ ფიქრობთ, რის თქმა სურს მწერალს ამ
ნაწარმოებით?
• მოძებნეთ ტექსტში სიტყვები, რომელთაც დაესმის კითხვა
როგორი?