Testuingurua eraiki eta testu bat idatzi (adibide bat)
1. “LAUGARREN MAILA” IZENEKO PROIEKTUAREN INGURUKO
BATZORDEAREN AKTA
Batzordea: “Laugarren maila” proiektuaren inguruko batzordea
Bilera-zenbakia: 16.a
Eguna: 2007-II-5, astelehena
Ordua: 09:30-10:30
Tokia: AITORSAren Bilboko egoitza nagusia
Bertaratuak: Aitorren Burua (lehendakaria), Aitorren Irudimena, Aitorren Adimena
(idazkaria), Aitorren Ausardia, Aitorren Profesionaltasuna, Aitorren beldurren ordezkaria.
Ez bertaratuak: Aitorren Seriotasuna (bajan dago)
Aztergaiak
1. Aurreko akta irakurri eta, hala badagokio, onartzea.
2. Horretarako beren-beregi eskaturiko txosten guztiak aztertuta, “4. mailako”
proiektuaren inguruan behin betiko erabakia hartzea.
3. Eskariak eta galderak.
Esan-eginak eta erabakiak
1. Akta onartu dute batzordekideek, aho batez.
2. Txostenak aintzat hartuta, batzordeak ebatzi du, Aitorren beldurren ordezkariaren
ezezko botoaz bada ere, AITORSA “4. maila” delakoan sar dadin, zehaztu dituen
ondokoak lortzeari begira:
- Proiektua zertan datzan guztiz argitzea.
- Ahalik eta gehien ikastea.
- Moodle eta horrelako tramankuluetan erraztasuna eta, ahal dela, konfiantza
eskuratzea.
- AITORSA 4. maila lortzeko gai dela frogatzea.
3. Ez da izan ez eskaerarik ez galderarik.
Bilera amaitutzat eman dugu, eta bertan erabakitakoa jasota gera dadin, agiri hau egiten
dut lehendakariaren oniritziaz.
Bilbo, 2007ko otsailaren 5a
Oharra: Batzordeak beharrezkotzat jo du proiektu honetan gure enpresarekin batera
sartu diren gainontzeko guztiei akta honen kopia bana bidaltzea, eta horrela egingo dugu.