2. Esta imaxe sinxela, que
parece que non destaca
especialmente, representa
todo o perdido na guerra, o
sufrimento dos homes que
participaron nela. A espada
rota amosa a causa perdida,
pero sempre suxeita a unha
man firme, incluso despois
do desastre, que se defende
ata o final. A flor
representa a inocencia, a
esperanza de vida tras o
ataque, a sinxela e alegre
vida das xentes de Guernica
e a magnitude dos actos
inhumanos da guerra.
Sebastián Álvarez
3. A barbarie de Guernica
represéntase por medio desta
cabeza co rostro
atemorizado, cos ollos
abertos como se aínda lle
quedase algo que dicir ou
escoitar; tamén ese brazo
crispado, coa súa man
pedindo clemencia. As dúas
xuntas simbolizan un desexo
de saber o porqué, como
esperando unha resposta a
semellante atrocidade.
Cristian Roel
4. Esta lámpada parece non
ter moito que ver co
cadro, pero podería ser
un ollo xigante
observando as explosións
como se fosen os ollos
das almas mortas.
Chama a atención porque é
o único punto de luz que
hai, como se guiase as
vítimas na escuridade.
Leticia Seijo
5. Esta muller, que escapa
pola fiestra do horror,
expresa no seu rostro
medo. Está asustada,
berrando, na súa man
sostén unha lámpada coa
que intenta salvar a
cidade da escuridade.
Bianca Santiago
6. Este touro representa
dalgunha maneira a
loucura de Guernica, esa
sensación de pánico na
que o animal ferido
intenta resistir e
plantarlle cara ao medo.
Intenta escapar do
estrombo atemorizado polo
balbordo das bombas, xa
que é un animal e non é
consciente do que está a
pasar.
Santiago da Quinta
7. Nesta parte do cadro,
Picasso quixo ensinarnos
a dor e o sufrimento
dunha nai cando acaba de
perder o seu fillo. A
cara do neno xa non ten
vida, o seu corpo cae. O
rostro da nai son só
bágoas que permiten un
desafogo, porque xa non
ten nada máis que
ofrecerlle ao fillo, que
morre nos seus brazos.
Andreina Gómez
8. No cadro do Guernica,
Picasso pinta tres
animais: o touro, a pomba
e o cabalo. Eu elexín o
cabalo porque é o que
amosa o sufrimento e a
crueldade dos humanos,
que non só atentan contra
as persoas, senon que
tamén o fan contra os
animais, que son a figura
da inocencia. O cabalo
representa esa inocencia
dos que morren nas
guerras.
Alba Fernández
9. O autor pintou este
personaxe porque quería
plasmar o horror que
deberon sentir os
habitantes de Guernica no
momento do bombardeo, xa
que, como este personaxe,
corrían feridos buscando
algún lugar seguro ou
unha escapatoria que non
atoparían.
As cores escuras da
personaxe poderían
interpretarse como sangue
que sae dunha ferida.
Proxecta desesperación.
L. Claudibel Rodríguez
10. “EU NON PINTO O QUE VEXO,
PINTO O QUE SINTO”.
PABLO PICASSO
