1. MARATILA!
YOLANDA ARRIETA
(1.paragrafoa) Ez omen du, berez, ezaugarri-zerrendarik behar. Alegia, ez omen da bihar edo etzi lortu,
erosi edo geureganatzeko gauza bat. Bizi dugun unean bertan gozatzeko zerbait omen da. Hots, unetik
abiatuz geroa eraikitzeko jarrera bat.
(2.paragrafoa) Hala ikusita, badirudi entrenatuz lor daitekeen gauza bat dela, ezta? Osagaia baino
gehiago, bizitzeko modu bat.
(3.paragrafoa) Gustatzen zait definizioa. Arina bezain sakona iruditzen zait. Askea, sinplea eta praktikoa.
(4.paragrafoa) Hitzok irakurtzeaz bat galderak egiten hasi natzaio neure buruari. Zer behar dut gustura
bizitzeko? Zerk laguntzen dit? Zerk egiten dit traba?
(5.paragrafoa) Eta konturatu naiz mundua hor kanpoan egon arren, gaur gustura asko egongo naizela ni
hemen barruan, bost zentzuak dastatuz gustuko hitzak irakurtzen, edo besterik gabe, doanari begira,
denborarekin bat eginez. Tarteka norbaitek deituko dit esanez: «Zorionak. Zenbat?» Eta nik erantzungo
diot, «ez naiz gogoratzen». Eta orduan umeak opari bat egingo dit, «ez da gauza handia, ama, hogeita
hamar zentimo bakarrik kostatu zait, neure diruarekin erosi dizut eta erregalo paperean biltzeko eskatu
diot dendariari». Azalpena ere oparituko dit, eta nik misterioz jasoko ditut biak, erregaloa eta azalpena.
«Bic boligrafo urdina! Nola jakin duzu? Hauxe behar nuen-eta! Eskerrik asko, laztana!» Barregura eta
hunkipena, biak lehian hasiko zaizkit, lasterketa nork irabazi.
(6.paragrafoa) ...Eta ez da urruti ibiliko _____________...
(BERRIA, 2006-06-28)