2. Հրանտ Դինքը Թուրքիայում առաջիններից էր , որ սկսեց գրել Հայոց ցեղասպանության , թուրքահայ համայնքի և ընդհանրապես ազգային փոքրամասնությունների իրավունքների պաշտպանության , Թուրքիայում ժողովրդավարության արմատավորման խնդիրների մասին :
3. Հրանտ Դինքը ծնվել է 1954թ. Սեպտեմբերի 15-ին Մալաթիայում: 7 տարեկանում ծնողների հետ Մալաթիայից տեղափոխվել է Ստամբուլ . սովորել է Պեզճյան վարժարանում , այնուհետև՝ Սուրբ Խաչ դպրեվանքում : Ավարտել է Ստամբուլի պետական համալսարանի կենսաբանության և փիլիսոփայության ֆակուլտետները : Զինվորական ծառայությունից հետո աշխատել է որպես լրագրող :
4. 90-ական թվականներին Ջութակ ծածկանունով <<Մարմարա >> թերթում սկսում է քննադատականներ գրել հայերի պատմության մասին Թուրքիայում լույս տեսնող գրքերին, հայտնի էր իր անվախ ելույթներով , քաղաքական ամենախճճված խնդիրները մեկնաբանող համարձակ հոդվածներով :
5. 1996 թ - ին Ստամբուլում հիմնադրել է « Ակոս » թերթը՝ նպատակ ունենալով ներկայացնել թուրքահայության ծայրահեղ մեկուսացվածությունը , դառնալ նրա խոսափողն ու իրավունքների պաշտպանը , հաշտարար օղակ լինել հայ և թուրք ժողովուրդների միջև :
6. Հայոց ցեղասպանության հարցում հակադրվելով Թուրքիայի պաշտոնական տեսակետին՝ Դինքը բազմիցս հալածվել է . 2005 թ - ին դատապարտվել է 6- ամսյա պայմանական բանտարկության :Իսկ 2007 թվականի հունվարի 19- ին սպանվել է , Շիշլիում գտնվող <<Ակոսի>> խմբագրատան առաջ , ետևից գլխին արձակված երեք հրազենային կրակոցներից։ Մարդասպանը հեռանալուց գոչել էր <<գյավուր>>, ինչը ենթադրելու հիմք է տալիս , որ սպանությունը կատարվել է ազգային հողի վրա ։
7. Սպանությունն իրականացնելու կասկածանքով ոստիկանությունը ձերբակալել է 17- ամյա Օգյուն Սամաստին, որն առաջին իսկ հարցաքննության ընթացքում խոստովանել է իր մեղքը։ Դինքի սպանությունը բողոքի մեծ ալիք առաջացրեց Թուրքիայում և արտերկրում : « Ես հայ եմ , ես Հրանտ Դինք եմ » կարգախոսով հազարավոր մարդիկ դուրս եկան փողոց՝ ի պաշտպանություն Դինքի : Սպանությունը դատապարտող հայտարարու - թյամբ հանդես եկավ նաև Թուրքիայի վարչապետը :
8. 2005 թ - ին Դինքն արժանացել է Թուրքիայի ` Մարդու իրավունքների պաշտպանության կազմակերպության ` Խոսքի և խղճի ազատության ամենամյա , 2006 թ - ին՝ Գերմանիայի « Շտեռն » ամսաթերթի հիմնադիր Հենրի Նաննենի՝ Մամուլի ազատության և լրագրողական խիզախության , Նորվեգիայի՝ Մարդու իրավունքների պաշտպանության Բյոռնսի անվան , 2007 թ - ին՝ հետմահու՝ ՀՀ նախագահի , և այլ մրցանակների :
9. 2007 թ - ին ստեղծվել է Հրանտ Դինքի անվան միջազգային հիմնադրամ , որի ջանքերով լույս է ընծայվել նրա « Երկու հարևան ժողովուրդներ » գիրքը : Դինքի անունով Ֆրանսիայի Մարսել քաղաքում կոչվել է փողոց, իսկ Փարիզում՝ դպրոց:
10. Իր վերջին հոդվածում Դինքը գր ել է. «Ես նման եմ աղավնու այս հասարակության մեջ, որը պետք է շատ աչալուրջ լինի, ուստի ես ճարպկորեն պտտում եմ գլուխս աջուձախ, վերևուներքև, որքան հնարավոր է արագ, որ խուսափեմ շուրջս առկա վտանգներից… բայց ես չեմ սարսափում, քանի որ այս հասարակությա ն մեջ աղավնիներին չեն կրակում»…
