1. ძვირფასო ESM-ის კურსდამთავრებულებო,
მოხარულნი ვართ მოგმართოთ ESM-ის კურსდამთავრებულთა ასოციაციის (“Alumni”) გამგეობის
სახელით და გვსურს მოგაწოდოთ მნიშვნელოვანი ინფორმაცია ჩვენი ორგანიზაციის ჩამოყალიბებისა და
განვითარების შესახებ.
დაგვეთანხმებით, რომ Alumni-ს ამოქმედებას უკვე დიდი ხანია ელოდება ESM-ის კურსდამთავრებულთა
არაერთი თაობა. მიუხედავად იმისა, რომ ორგანიზაცია დაფუძნდა ჯერ კიდევ 2000 წელს, იმ
დროისათვის კურსდამთავრებულთა (100-ზე ნაკლები) სიმცირის გამო იდეის ხორცშესხმა ვერ მოხერხდა.
ამასთან კურსდამთავრებუთა მიერ სათანადოდ არ იყო გაცნობიერებული თუ რაოდენ მნიშვნელოვანია
მათ შორის ურთიერთობების შენარჩუნება და გამყარება, ასევე სკოლის განვითარების მხარდაჭერა. ამ
საკითხებზე არაერთხელ შედგა შეხვედრა სხვადასხვა კურსის, თუ ჯგუფის ინიციატივით და იყო
კამათი, თუ რამდენად საჭიროა Alumni-ს ჩამოყალიბება და ქმედითი იქნება თუ არა იგი.
საბედნიეროდ, დღეს ჩვენ ამ თემაზე აღარ ვკამათობთ, რადგან დავრწმუნდით, რომ დღესდღეობით
ბიზნესში წარმატების მისაღწევად აუცილებელია სასარგებლო კავშირები და პროფესიონალური კადრები.
როგორ მოვედით დღემდე და რას ვაპირებთ?
იდეის გამოცოცხლება მოხდა 2007 წლის გაზაფხულზე ESM-ის 15 წლის იუბილეს მზადებისას. ეს
თარიღი ბუნებრივად აღმოჩნდა საკმაოდ ძლიერი კატალიზატორი ასოციაციის თემის
განვითარებისათვის. გაიმართა ბევრი ნაყოფიერი და ცხარე შეხვედრა, იყო საინტერესო ინიციატივებიც.
შედეგად საწყის ეტაპზე ჩამოყალიბდა სხვადასხვა თაობის კურსდამთავრებულთა მცირე ჯგუფი,
რომელმაც ამ შეხვედრებზე გამოთქმული მოსაზრებების და იდეებისა, თუ რუტინული ორგანიზაციული
საკითხების გადაწყვეტის კოორდინაცია აიღო საკუთარ თავზე და დღემდე აქტიურად მუშაობს ასოციაციის
განვითარების ამოცანაზე.
დღეისათვის:
1. ჩამოყალიბებულია ასოციაციის მისია, მიზნები, ორგანიზაციული სტრუქტურა;
2. მოწესრიგებულია ორგანიზაციის იურიდიული დოკუმენტაცია, საბანკო და სხვა საკითხები;
3. ორგანიზებულია ასოციაციის ოფისი ჭანტურიას ქ. #6/2-ში თბილისი მარიოტთან;
4. შერჩეულია და ასოციაციის საქმიანობაში ძალიან მონდომებურად და აქტიურად ჩართულია ESM-ის
ოთხი სტუდენტისგან შემდგარი აღმასრულებელი გუნდი;
5. განახლებულია ESM-ის კურსდამთავრებულთა მონაცემთა ბაზა;
6. ინიცირებულია ჩვენი ორგანიზაციის განვითარებისათვის მეტად აქტუალური რამდენიმე
პროექტი:
 Online ფორუმი;
 ასოციაციის ვებ-გვერდი;
 პროექტი Reunion (კურსების მიხედვით შეხვედრების ორგანიზება).
დაგვეთანხმებით, რომ 700-ზე მეტ კურსდამთავრებულთან ხარისხიანი და თანმიმდევრული
კომუნიკაციის აწყობა კარგად ორგანიზებული საკომუნიკაციო სივრცის გარეშე შეუძლებელია. გასულ
წელს ჩავატარეთ შეხვედრები ESM-ის მენეჯმენტთან და პროგრამების ხელმძღვანელებთან,

2. კურსდამთავრებულთა სხვადასხვა ჯგუფთან და დამამთავრებელი კურსის სტუდენტებთან. ასევე
დავესწარით დიპლომების გადაცემის ცერემონიას მეტეხი პალასში 2008 წლის ნოემბერში.
შედეგი ყველგან იყო ერთნაირად დადებითი, აშკარაა დიდი დაინტერესება, მხარდაჭერა და თანადგომის
სურვილი სკოლისგან და კურსდამთავრებულთაგან, თუმცა ვაღიარებთ, რომ ყველას ხმა ვერ
მოგაწვდინეთ, ინფორმაცია ვერ მოგაწოდეთ, რაზეც გულწრფელ ბოდიშს გიხდით. მომავალში Alumni–ს
აღმასრულებელი გუნდი ოპერატიულად ჩაგაყენებთ საქმის კურსში.
ზემოაღნიშნული აქტივობის შედეგად ასოციაციაში გაწევრიანების სურვილი გამოთქვა ჯამში 312
კურსდამთავრებულმა (271 ბაკალავრი და 41 მაგისტრი).
დღესდღეობით თამამად შეგვიძლია ვთქვათ, რომ ბაკალავრიატისa და მაგისტრატურის 700
კურსდამთავრებული არის „კრიტიკული მასა ბიზნეს სექტორში“. ცხადია, რომ თუ მოვინდომებთ და
ასოციაციას ერთად განვავითარებთ, ეს გახდება ძლიერი, საინტერესო და „მაღალი სიმკვრივის“ კომუნა,
რომელიც დაეხმარება თავის წევრებს და სკოლას შემდგომ წინსვლაში. ჩვენ უკვე მივაღწიეთ იმ ეტაპს,
როცა უნდა ვიყოთ სოციალურად აქტიური, რის საშუალებასაც მოგვცემს Alumni-ს წევრობა.
წერილს თან ვურთავთ რამდენიმე დოკუმენტს:
1. ასოციაციის პრეზენტაცია;
2. ასოციაციის წესდება;
3. ვებ-პორტალის პროექტი
ჩვენ აქტიურად გეპატიჟებით, გაწევრიანდით ასოციაციაში, მოგვწერეთ თქვენი აზრი, მიიღეთ
მონაწილეობა სამუშაო ჯგუფებში სხვადასხვა პროექტზე, რომლებიც დაგაინტერესებთ.
მოხარულnი ვართ, რომ ასოციაცია ჩამოყალიბდა და დღითიდღე იძენს სერიოზული
ორგანიზაციისათვის აუცილებელ სახეს, თუმცა ეს მხოლოდ ფუნდამენტის ნაწილია, შენობა კი ერთად
უნდა ავაშენოთ.
ჩვენ გვამოძრავებს მხოლოდ ერთი სურვილი - გავაკეთოთ კარგი საქმე.
დიდი ინტერესით ველოდებით თქვენს შემოხმიანებაs.
P.S. გთხოვთ დაგვიდასტუროთ მიიღეთ თუ არა ეს მაილი და მოგვწეროთ თქვენი აქტიური მაილი.
პატივისცემით,
ESM-თბილისის კურსდამთავრებულთა ასოციაციის გამგეობა