1. Ġimgħa ilu kont fis-sodda nitqalleb u nipprova norqod. Xi ħaġa żammitni
mqajjem dak il-lejl u jien normalment norqod fil-fond.
Ħarist lejn l-arloġġ, kienu nofs il-lejl. Għajnejja marru fuq it-tieqa meta
smajt ħoss, li ġabli ġismi xewk xewk. Irnexxili nara par għajnejn ħomor u
fiġura ta’ lupu iswed. Ħriġt niġri mis-sodda u ftaħt il-bieb ta’ barra. Il-
kurżita` għelbet il-biża’ tiegħi u ħriġt nara x’kien dak il-lupu. Bdejt infittex
kullimkien sakemm rajt ħafna duħħan jitla’ mill-art ta’ taħti. F’ħakka
t’għajn id-duħħan sparixxa u rajt is-sema tixgħel u terġa tintefa għal ħames
darbiet.
Il-lupu deher quddiemi u beda jikber u jikber. Sar enormi u jien kont daqs
difer tiegħu. Ma stajtx inlissen kelma bil-biża’, il-lupu pprova jtajjarni l-fuq
b’daqqa ta’ sieq. Jien ħrabt niġri lejn id-dar tiegħi imma bdiet tidher miexja
lura u ma stajtx nilħaqha. Jien waqajt u l-lupu reġa ċkien, għollini fuqu u
reġa kiber ikbar milli kien qabel. Beda miexi lejn xatt il-baħar bija fuq dahru.
Jien ħsibt li se jieħodni f’nofs il-baħar u jwaqani minn fuqu. Minflok ix-
xemx bdiet tiela u l-lupu beda jiġri lejn id-dar tiegħi.
Il-lupu sparixxa u jien waqajt u ma nafx kif imma sibt ruħi fis-sodda. Jien
irqadt mill-ewwel għax l-għada kelli l-iskola.
Miktub minn Aidan Calleja, Klassi 6A
19 ta’ Marzu 2010