1. Англи хэл сурах арга зүйн товч
зөвөлгөө
Цэвэрхэн дуудлага бол
англи хэлний чимэг
Чи англиар уншиж чадаж байвал сайн. Дүрмээ
мэдээд бичиж чадаж байвал бүр сайн. Чи
сонсоод ойлгож чадаж байвал маш сайн. Харин
чи англиар ярьж чаддаггүй бол муу. Чиний
гурван том чадвар зөвхөн ярьж чаддаггүй байх
шалтгаанаар ингэтлээ үнэгүйднэ гэж үү. Би бас
өөрөөсөө ингэж асууж байсан. Харин англиар
цэвэр аялагтай ярьж сурсныхаа дараа бүгдийг
ойлгосон. Тийм ээ англи хэл суръя гэж бодож
байгаа бол цаг ямагт аялга дуудлагандаа
анхаарах хэрэгтэй. Англиар алдаагүй ярьдаг
хүнийг сайн англи хэл мэддэг хүн гэхгүй. Харин
хамгийн цэвэрхэн дуудаж ярьдаг хүнийг сайн
сурчээ гэж хэлдэг юм. Мэдээж хүн бүрийн
хэлний авьяас өөр өөр. Гэвч хүн болгонд
хамгийн цэвэрхэн дуудаж сурах дээд хязгаар
гэж бий. Түүндээ л хүрэхийн төлөө урагшаа. Бүр
тодруулж хэлбэл тамирчин хүн өдөр бүр дасгал
хийгээд байвал булчин шөрмөс нь хөгжиж
хөдөлгөөний эсвэл орон зайн баримжаа нь тэр
хирээр сайжирч байдаг шиг англи хэлнийхээ
дуудлагыг засахын төлөө өдөр бүр чармайж
чадвал чиний дуудлага мөн л сайжирсаар байх
болно шүү дээ.