1. A BIOGRAFÍA
Trátase dun texto expositivo e polo tanto dá a coñecer información con obxectividade, non
aporta opinións, e faino cunha linguaxe clara e precisa. A palabra biografía procede do
grego, bio, que significa “vida”, e grafía que significa “escrita”. En consecuencia, a biografía
é a historia da vida dunha persoa, narrada desde o seu nacemento ata a súa morte ou ata a
actualidade.
Estrutura
1. Título. Nome do autor/a.
2. Introdución: Presentación dun persoeir@ e da importancia da súa obra. (Non debe
supor máis do 10% do texto expositivo)
3. Desenvolvemento: Repaso pola vida e a obra deste autor/a: (Debe supor o 80% do
texto expositivo)
Lugar e data de nacemento. Circunstancias que rodearon a súa infancia e a súa
primeira xuventude. Circunstancias da súa vida adulta e da súa morte (de terse
producido).
Inicio do labor que o converte en persoeir@ de relevancia. Actos con respecto ao
contexto social, cultural e político da súa época. Obra máis significativa. Premios ou
homenaxes recibidos.
4. Conclusión: Labor polo que é condisderad@ un persoeir@. Pegada na sociedade.(Non
debe supor máis do 10% do texto expositivo)
Expresión
1. Léxico preciso: Débense empregar termos específicos do tema, non termos como
“cousa”, que carece de significado preciso. Débense aportar datos: porcentaxes, datas,
nomes…
2. Obxectividade: Débense empregar sobre todo oracións enunciativas con verbos en
3ª persoa ou estruturas impersoais (pénsase que, considérase...).
3. Claridade: Débense usar expresións simples e débense utilizar os conectores
apropiados (porque, para, porén, ademais...) que guíen a explicación (en primeiro lugar,
a seguir, por outro lado...).
4. Narratividade. Adquire a forma dun relato en terceira persoa, pois dedícase a contar
historias persoais. Se ben pode adquirir a forma dunha narración en 1ª persoa cando se
trate dunha Autobiografía.
EXEMPLO: Biografía de Manuel María
PARA SABER MÁIS: pincha AQUÍ
