1. PRENTSA TAILERRA
EGIN BEHARREKO LANAK
Hauek izango dira bakoitzak egin beharko dituen gutxieneko lanak. Denboraren eta beharren
arabera beste zenbait lan ere gehitu daitezke.
Norbaitek agindutako lanen bat beste mota bateko lan batekin trukatu nahi izanez gero,
irakaslearekin kontsultatu eta honen oniritzia jaso ondoren egin dezake, 4 kazetaritza generotako
idatziak lantzen dituen bitartean.
Lan batzuk Xuxton-en argitaratu beharrean Auzoka aldizkarira bidal daitezke, oraindik lekua
duten sailetara egokitzen badira.
Elkarrizketak erreportaiarekin lotura izan dezan saiatzea komenigarria litzateke.
Sailen bat gehitu daiteke, nahi izanez gero. Zuen esku dago.
• Gizartea, Kultura zein Kirolak sailekoek:
2 ERREPORTAIA
2 ALBISTE LUZE: Normalean Ikastetxea sailean sartzeko modukoa izango da, baina gerta daiteke
norbera lantzen ari den saileko albiste bat ere izatea.
ALBISTE LABURRA EDO KRITIKA (zinema, musika edo literatura)
ELKARRIZKETA
IRITZI ARTIKULUA
• Aisia sailekoek:
DENBORAPASAK, TXISTEA, HOROSKOPOA
GALDEKETA
JAKINGARRIA: Interesgarri izan daitekeen informazioa bilatu eta gutxi gora-behera erreportaia itxura
eta luzera eman. Ikerketa lan txikitxo bat burutzea da helburua. Adb:Martuteneko historia II, III
BERRI BITXIA: Momentukoa izan daiteke, edo baita iraganean gertatua ere, baina zuen ustez une
honetan adierazteak interesa duena, gaurkotasuna duen gairen batekin lotura duelako
ALBISTE LUZEA (honen ordez albiste laburra edo kritika eta beste berri bitxi bat egin daiteke; edota bi
albiste labur edo bi Berri Bitxi gehiago)
IDAZLEAREN TXOKOA: bertso bat edo bi; edo kontaketa labur bat.
GUTUNA EDO EDITORIALA
MAKETAZIORAKO OHARRAK
• Sail bakoitzarekin orrialde osoak bete behar dira. Ez nahastu orri berean bi sail.
• Sailen ordena beti ondorengoa izango da:
• - Aurkibidea: 2.or.an (goibururik gabe)
- Iritzia: 2.or.an editoriala. 3. or.an galdeketa (editorialarekin lotura badu hobe). 4 or.tik aurrera
artikuluak (orri batean 3 gehienez ere) eta gutunak.
- Ikastetxea: argazkirik ez badute orri bakoitzeko bi sartu. Luzeak badira eta argazkia(k)
bad(it)uzte berriz, orri bakarrean.
- Gizartea: erreportaia edo elkarrizketa den adierazi letra lodiz eta azpimarratutako titulua jarriz:
Erreportaia, Elkarrizketa. (Arial Narrow letra erabili, 18 neurrian). Gai aldetik lotura duten erreportaiak
eta elkarrizketak elkarren segidan jarri.
2. - Kultura: Gizartean esandakoak hemen ere balio du.
- Kirola: Gizartean esandakoak hemen ere balio du.
- Aisia:
Kritikak: orri bakarrean sartu hirurak; bakoitzetik bi egongo balira errepikatu orrialdearen egitura,
hau da, zinema, musika eta literatura kritika bat orri bakoitzean; bakoitzetik 3 egonez gero aldiz, orri
batean zinemako 3 kritikak, bestean musikakoak eta azkenik literaturakoak. 10 neurrian eta 3 zutabetan
jarri, ezkerrekoan argazkiak itsatsiz, tituluekin batera. (Auzokakoen moduan jartzeko sistema asmatuko
bazenute, zoragarri!. Bestela sistema hau erabili).
Denborapasak, Txistea eta Bertsoa (guztiak orri bakarrean, bitan edo gehienez ere hirutan,
aldizkaria luze samarra ateratzen bada arintzeko). Aisiaren barneko azpisail hauek ere letra lodiz,
azpimarratuak, Arial Narrow letraz eta 18 neurrian.
Azken orrialdean komikia (baldin badago) goialdean, alderik alde, jakingarria (“jakingarria”
dela adierazi gabe, albiste arrunt bat bailitzan) eta berri bitxia.
• Testu guztiak bi zutabetan jarri, testua hautatu eta sakatuz, baina titulua kanpoan utziz.
Salbuespenak: azalean eta azken orrian titulua ere bi zutabetan jarri, albisteekin batera.
• Testuetan parrafo hasierak barruraxeagotik hasi.
• Elkarrizketetan galderak letra lodiz eta aurrean puntua dutela ( sakatu). Generoaren
izenaren azpian, titulua baino lehen elkarrizketatuaren izen-abizenak jarri, letra lodiz eta Arial
Narrow letraz.
• Entresakak:
NON: testuen erdialdean. Bi badaude batak bestearengandik antzeko tartea duela jarri.
NOLA: letra lodiz, urdin kolorez eta 18 neurrian. Norbaiten hitzak badira (elkarrizketan)
komatxo artean.
• Tituluak eta entresakak erdian zentratu, sakatuz.
• LETREN NEURRIAK:
- Argazki oinak letra etzanez, urdinez eta 8 neurrian.
- Tituluak txikiz (inoiz ez handiz), letra lodiz eta 22 neurrian.
- Azpitituluak 18 (edo 16) neurrian, letra lodiz.
- Sarrerak 14 neurrian, letra etzanaz.
- Tartekariak testuaren neurri berean (12) eta letra lodiz.
•