PDI Samaín para oc uros 2017-2018 no CPI As Revoltas

1. DÉIXATE DE LERIAS, CELEBRA O SAMAÍN 2017
Propostas do EDLG e da Biblioteca para a celebración do Samaín nas Revoltas

2. EDUCACIÓN INFANTIL
Desde o EDLG e a Biblioteca querémosvos propor as seguintes actividades:
CONCURSO “PORTAS TERRORÍFICAS”
Cada aula de EI e EP decorará a súa porta con motivos de medo. Haberá un diploma e un premio
para aquela máis orixinal e terrorífica que se entregará durante o Magosto.
As persoas titoras, de necesitaren algún material para decorar as portas poden pedilo no centro polos
ou falando coas responsables de Biblioteca (Ana I) ou EDLG (Rosalía)
CONCURSO “SUSTOS MONSTRUOSOS”
O alumnado debuxará nunha plantilla un monstro que pode meter moito medo con palabras
arrepiantes en galego.
As titoras farán unha preselección e entregaranlla á coordinadora do EDLG ou da biblioteca antes
do 8 de novembro.
CONCURSO “APÓCEMAS TERRORÍFICAS”
O alumando de Educación Infantil inventará unha apócema máxica seguindo estas fases:
1. Selección dos ingredientes
2. Elaboración da apócema: esta farase no “pote” que hai debuxado e que os titores e titoras xa
repartiron ao alumnado
3. Efectos que a apócema produce: dentro da pantasma debuxada na ficha correspondente.
Valorarase a orixinalidade en forma e contido das diversas apócemas.
Farase unha apócema por aula en Educación infantil.
As titoras farán unha preselección e entregaranlla á coordinadora do EDLG ou da biblioteca antes
do 8 de novembro.
EXPOSICIÓN DE CAIXAS TERRORÍFICAS
O alumnado que o desexe traerá unha caixa decorada con motivos do Samaín que colocará nas
mesas que os/as titores/as prepararán nos corredores das aulas. Non haberá premios, só será
exposición e cada alumno/a levará a súa respectiva caixa de volta para a casa.

3. EDUCACIÓN PRIMARIA
CONCURSO “PORTAS TERRORÍFICAS”
Cada aula de EI e EO decorará a súa porta con motivos de medo. Haberá un diploma e un premio
para aquela máis orixinal e terrorífica que se entregará durante o Magosto.
As persoas titoras, de necesitaren algún material para decorar as portas poden pedilo no centro polos
ou falando coas responsables de Biblioteca (Ana I) ou EDLG (Rosalía).
EXPOSICIÓN DE CAIXAS TERRORÍFICAS
O alumnado que o desexe traerá unha caixa decorada con motivos do Samaín que colocará nas
mesas que os/as titores/as prepararán nos corredores das aulas. Non haberá premios, só será
exposición e cada alumno/a levará a súa respectiva caixa de volta para a casa.
CONCURSO “APÓCEMAS TERRORÍFICAS”
O alumando de Educación Primaria inventará unha apócema máxica seguindo estas fases:
1. Selección dos ingredientes
2. Elaboración da apócema: esta farase no “pote” que hai debuxado e que os titores e titoras xa
repartiron ao alumnado
3. Efectos que a apócema produce: dentro da pantasma debuxada na ficha correspondente.
Valorarase a orixinalidade en forma e contido das diversas apócemas.
Cada alumno ou alumna que queira participar fará unha apócema individual.
As titoras farán unha preselección e entregaranlla á coordinadora do EDLG ou da biblioteca antes
do 8 de novembro.
CONCURSO “SUSTOS MONSTRUOSOS”
O alumnado debuxará nunha plantilla un monstro que pode meter moito medo con palabras
arrepiantes en galego. A continuación, han de inventárselle un nome ao monsto e explicaranse as
características do mesmo.
Os/as titores/as farán unha preselección e entregaranlla á coordinadora do EDLG ou da
biblioteca antes do 8 de novembro.
CONCURSO DE RELATOS OU MICRORRELATOS DE TERROR
O alumnado poderá participar cos relatos que queira presentando en formato papel ou electrónico e
entregaráselle ao titor/a. Non superará a extensión de 1500 palabras. Valorarase especialmente a
orixinalidades e a calidade narrativa, así como a inclusión de elementos propios do Samaín e da
cultura popular galega relacionada coa morte e os defuntos.
Desde a titoría farase unha preselección antes do 8 de novembro e entregaráselle á responsable do
EDLG ou de Biblioteca, quen os custodiará até que o xurado se reúna para escoller o mellor relato,
cuxo autor/a recibirá o seu diploma e agasallo na celebración do Magosto.

4. EDUCACIÓN SECUNDARIA
1. CONCURSOS DE:
-CONTOS DRAMATIZADOS DE TERROR: a participación debe ser por grupos. Ten que haber
un narrador ou narradora e outras persoas que dramaticen o que se está narrando. De gañar o
premio, repartirase en porcións iguais entre todas as persoas que interveñen na obra. Hai de prazo
todo o mes de novembro.
-CÓMIC DE TERROR: a participación no concurso na categoría de cómic pode ser individual ou
en parellas e deberá presentar un mínimo de 15 viñetas.
-CURTAS DE MEDO: os grupos para as curtas de medo deben estar formados por un máximo de
4 persoas. Poderán participar na creación, gravación e edición dunha curtametraxe de medo ou
terror en lingua galega, dun máximo de 10 minutos de duración. Valorarase especialmente a
orixinalidada, e a calidade da imaxe e do guión, así como a inclusión de elementos propios do
Samaín ou das Artes (PDI deste curso escolar nas Revoltas).
Os traballos entregaránselle á coordinadora do EDLG ou da Biblioteca en formato vídeo (AVI,
MP4,...) antes do 8 de novembro, quen os custodiarán até que se reúna o xurado e escolla a mellor
curta, cuxos/as autores/as recibirán cadanseu diploma e un premio.
O prazo máximo de entrega do CÓMIC e as CURTAS será o MÉRCORES 8 DE NOVEMBRO
NO PRIMEIRO RECREO DE SECUNDARIA.
Pódenselle entregar até ese día á responsable do EDLG, Rosalía Fernández Rial ou á
responsable de Biblioteca, Ana I. Martínez.
2. CONCURSO DE MICRORRELATO EN TEMPO presente vinculado ao expositor de libros
de terror:
-Cada alumno ou alumna collerá un post-it que se lle facilitará: nel escribirá, en tempo
presente, un microrrelato nun tempo estipulado previamente (5 minutos máximo) no que deberá
empregar polo menos 3 palabras presentes nos títulos dos libros expostos.
-Todos os post-it ficarán pegados no taboleiro que estará ao lado do expositor
Daráselles unha gominola de terror a cada participante e elixirase mediante votación un
microrrelato gañador de entre os expostos.
3. CONCURSO DE RELATOS DE TERROR
O alumnado poderá participar cos relatos que queira presentando en formato papel ou electrónico e
entregaráselle á profesora de lingua galega. Non superará a extensión de 1500 palabras. Valorarase
especialmente a orixinalidades e a calidade narrativa, así como a inclusión de elementos propios do
Samaín e da cultura popular galega relacionada coa morte e os defuntos.
Desde os departamentos de Lingua Galega e Lingua Castelá farase unha preselección antes do 8 de
novembro e entregaráselle á responsable do EDLG ou de Biblioteca, quen os custodiará até que o
xurado se reúna para escoller o mellor relato, cuxo autor/a recibirá o seu diploma e agasallo na
celebración do Magosto.
4. DECORACIÓN DE PORTAS + RECUNCHOS DE MEDO
Farase desde as Titorías. Pódese encargar o material á responsable do EDLG ou da Biblioteca.