1. EUSKERAKO EGUNEROKOA
Astelehena 13:
Aurreko gauen oso goiz oheratu arren, gaur goizean 7:00 jaiki behar izan gara. Hasieran Susi
deitutako andereño batek eskola osoa erakutsi digu ordu batean. Gero iritsi da momenturik
interesgarriena; gure bikoteak ezagutzeko ordua. Gure bikoteak ezagutu ondoren, beraiekin
egin ditugu hurrengo 2 klase orduak. Niri dagokidanez, Ingelesa eta Mate egin ditugu. Hau
burutu ondoren, “bazkaria” jateko ordua iritsi da. Horrela jartzen dut, bazkaria txarra baino
txarragoa egon delako eta ez dudalako ia bat ere ez jan. Gero beste klase batzuk izan eta
afaldu egin dugu. Afarian “peperonia” zeukan pitza zati batzuk eta makarroiak jan ditut nahiz
eta oso onak ez egon, izan ere, goseak hilik egon nahiz. Gero, nire bikotearen (Katie) etxera
joan etaaurreko gauetik oso nekatua netorrenez ohera joan nahiz bi aldiz pentsatu baino
lehen.
Martitzena 14:
Gaurko eguna atzokoa baino hobea izan da. Alde batetik, lo nahikoa egin dudanez, hobeto
sentitu izan nahiz. Beste aldetik, ez gara klasean egon eta Manchesterrera abiatu gara gure
bikoteekin, bertako museo bat ikusteko. Museoan bi taldetan banatu eta niri bigarren taldea
egokitu zait. Hasieran museoan buelta bat ematen ibili gara, museoa animaliei buruz denez
animaliak ikusi ditugu, batzuk bizirik eta beste batzuk hilik. “Bazkaria” gaur benetan txarra
egon da eta pataten (poltsakoak) ogitartekoa jan behar izan dut gosez ez hiltzeko. Gero,
esperimentuak egitea egokitu zaigu museoan bertan, eta nire ustez oso entretenigarria izan
da. Berriro bueltako autobusa hartu eta Stonyhursterantz (Ingelesen eskola) abiatu gara.
Bertan afaldu eta Katieren aita etorri da gure bila. Bere etxean bideo joko batean jolastu eta
ohera joan naiz.
Eguaztena 15:
Gaur egun normala izan dugu. Goizeko zazpiretan jaiki eta eskolara joan ondoren, “Art” klasea
izan dugu Durangotik joandako ikasleok, eta irakasleak gauza berri batzuk irakatsi dizkigu.
Gero, beti bezala, gure bikotekideekin joan gara beraien klaseetara. “LowerGarammar”etik
(bertako ikasle batzuk atsedenaldietan egoteko tokia) pasa ondoren, bazkaria jatera abiatu
gara, eta normala den bezala ez zait bat ere ez gustatu. Ondoren, gure bikoteek “Games”
(jolasak) deitutako ekintza egiten zuten bitartean, Jesuitetakoak, andereño batez gidatuak,
eskolan ingurumena zaintzeko egiten deiren gauzak ikustera joan gara. Berak azaldu digu nola
lortzen duten energia, zer egiten duten jantokian sortutako zaborrarekin,… Afalordua gaurkoz
aitortu beharra dut nahiko ona egon dela eta aseta irten naizela. Zenbait etxeko lan egin eta
ohera joango naiz.

2. Eguena 16:
Gaur, betikok bezalako eguna izan da. Zazpiretan jaiki ondoren, eskolara joan naiz Katie eta
bere bi anai nagusiekin, bertara heltzerakoan hainbat ikasgai landu ditugu batera, gero,
normala den bezala lunch nazkagarria jan dut, arroza, ketchup eta arraultza egosiarekin 
Ondoren beste ikasgai batzuk landu eta afaltzeko ordua iritsi da. Hemen iritsi da nik
esperotako unea, zeren eta, pizza gozoa izan dugu afari gisa. Horregatik, gaur gauean nahiko
aseta nago eta ez daukat goserik beti izan ohi dudan bezala. Ondoren Katierekin eta bere anaia
nagusiarekin jolas batera jolastu eta ohera joan naiz Beraz, gaur ez da egun txarra izan
afaltzeko (lehenengo aldiz) zerbait gozoa jarri digutelako.
Barikua 17:
Gaur ez da betikoak bezalako eguna izan. Gosaria hartu eta lehenengo orduan, yoga saioa izan
dugu Jess deitutako andereño batekin, nahiko dibertigarria iruditu zait, izan ere, hainbat
ariketa ikasteaz gain, zenbait alditan erori gara lurrera. Gero, klasea bi zatitan banatu (mutilak
eta neskak) eta mutilek shooting (tiro) egin dugu eta neskak, beti bezala, klasera joan dira
beraien bikotekideekin. Bost tirotik lau jo ditut eta bat nahiko hurbil egon da erdiko zirkulutik.
Ohikoa den lunch nazkagarria jan eta hurrengo bi klaseak gure bikoteekin egin ditugu, baina
nire bikotea ez da gelara etorri bere amamaren entierrora joan behar izan delako, hortaz,
berari egokitzen zaion klasera joan naiz. Hemengo klase batzuk oso aspergarriak dira eta
horietako bat egokitu zait gaur. “Playroometik” pasatu eta afaria hartzera joan naiz. Espagetiak
jan ditut tomatearekin. Amaieran, urpekaritza egin duguoxigenodun bonbona batzuekin. Oso
interesgarria iruditu zait, ez nuelako lehenago inoiz egin, baina bukatu ostean, hotz handia izan
dudanez kanpora irten nahiz.
Zapatua 18
Gaurko egunean ere, hemengo ikasleek klasea izaten dute lehenengo bi orduetan; beraz, nire
bikotearekin joan nahiz eskolara gosaldu eta gero. Lehenengo klasean ez gara gure bikoteekin
bildu eta beste klase bat egin dugu, eta ondoreren berarekin biologia klase izan dut. Oso
aspergarria iruditu zait eta minutuak orduak bezala igarotzen ziren.
Nire bikoteak, beste bikote batzuekin batera Netboleko partidua izan du Stonyhurstetik
kanpora horregatik hamaiketatik laurak arte nire lagunekin geratu nahiz eskolako
playroomean.
Nire bikotea bueltan etortzean, segituan joan gara etxera beste lagun batzuekin, izan ere,
kalera afaltzera irtetzea pentsatu dute bikote batzuk, beraz, jatetxe mexicar batean afaldu
dugu. Oilaskoa zen eskatu ahal nuen bakarra; izan ere, beste guztiak peperonia bezalako
espeziak zeuzkan eta ez zaizkit horrelako gauzak gustatzen. Afaldu, bertako dendetatik bulta
bat eman eta etxerantz abiatu gara. Etxean pelikula bat ikusi eta ohean nago.

3. Domeka 19
Atzokoa ez bezala, gaur lo egiteko eguna izan da. Nire bikoteak Hockey partidua zuenez
goizean, alde egin du zortzirak aldera. Eta ni eta bere bi anaiak bederatzi eta erdiak inguruan
altxatu gara hamarretako mezara joateko. Meza egin eta hamabietan autobusa hartu dugu
chillfactory izeneko eski estazio batera joateko. Eski estazioa ez zen benetakoa; edifizio baten
barruan zegoen eta patxadazko pista bat zuen.
Lehenengoz, taldea bi zatitan banatua zegoelarik, guk eskalada egin dugu. Behin bakarrik egin
dut, zeren eta, nahiko kostatu zait gora igotzea. Gero, eskiatzera abiatu gara. Ni lau urtetik ari
nahiz eskiatzen eta beraz, bertako instalazioak ez zaizkit beste munduko ezer iruditu. Gainera,
nik bota, eski eta palo propioak ditut, beraz nahiago ditut nireak horiek baino. Baina azken
batean ondo pasatu dut.
Azkenik, snow parkera joan gara, elurrezko eta trineoekin ibili gara. Ondo pasatzeaz gain
elurrez bete zaizkit hankak, baina ez dio axola
Chillfactory-tik sei eta erdiak aldera irten gara, eta bertatik ordu erdira dagoen McDonnald’s
batean afaldu dugu. Nahiko ona egon da bertako afaria eta aseta irten nahiz bertatik.
Etxean telebistako serie bat ikusi eta ohera joan nahiz.
Astelehena 20
Eskolak beti bezala hasteko zirela, zazpiretan jaiki, gosaldu eta autoan joan naiz
Stonyhursterantz. Gaurkoa, ohiko eguna izan da eta beraz lehenengo hiru klaseak gure
bikoteekin eman ditugu. Nik, matematika, ingelesa eta gaztelania egin behar izan dut.
Luncha hartu ondoren (beti bezala ez dut ia ezer ere ez jan), Jess deituriko andereño batekin,
aurrezteko zer egin eta zer metodo erabili behar den pentsatzen ibili gara.
Hau bukatutakoan Playroomean egon naiz ordu erdi inguru eta gaurkoan (lehenengoz) etxera
joan naiz bertan afaririk hartu gabe. Etxean; Katiek etxean duen billarrean ibili gara ni, Katie
eta bere anai nagusia Edward. Hau bukatutakoan, Katieren amak espagetiak prestatu ditu
urdaiazpikoan bildurik zeuden okela zatiekin; eta nire ustez oso ona egon da.
Egunaren bukaeran Wiira jolastu dut Katierekin. Ondoren, oheratu baino lehen gmailean sartu
eta oherantz abiatu naiz, nekatuta bukatu dudalako gaurko egunean.
Martitzena 21:
Ohikoa alde batera utzirik, gaur, York deituriko herrira joan gara goiz-goizetik. Autobusa
bedertzi eta erdietan hartu dugu “TheLions” deituriko elkartze puntuan. York Stonyhurstetik
nahiko urrin dago, horregatik bi ordu igaro ditugu autobusean, baina bidea oso kaxkarra da eta
horrek ere bere eragina izan du. Bertara irixterakoan, Yorkeko katedral gotikoa ikustera abiatu
gara. Gidari batek erakutsi behar zigun bidea, baina berandu iritsi garenez, gidaririk gabe
geratu eta Pablo erakutsi behar izan digu katedrala. Nahiko interesgarria iruditu zait eta ez du
txapa askorik sartu.
Gero, pack luncha banaturik zutela, segituan bota dut zabor hontzira barruko ezer ez
zitzaidalako gustatzen eta hiru ordu utzi dizkigute erosketak egiteko. Hasteko, kale nagusira

4. joan gara denok batera, geroxeago mutilak eta neskak banatuak geratu gara eta mutilok
McDonaldsera joan gara behar bezalako janari gozoa jatera. Jaten ari ginela, lagun bateri bere
bazkaria erori eta nire praken eta zapataren gainera erori da bere edariaren zati bat, baina
fanta zenez laster lehortu eta ez da markarik geratu.
Azkenean lagun bakar batekin geratu naiz eta elkarrekin ibili gara erosketak egiten, eta nik
txaleko polit bat erosi dut bertako denda batean. Gero autobusa hartu eta beste bi orduko
bidaia egin dugu; bostetan iritsi gara Stonyhurstera.
Eskolan ginela, afaria jan dugu; gaurkoz nahiko ona egon da. Gero “playroomean” igaro ditugu
zenbait minutu. Gure bikoteek film bat ikusi behar zutenez gu ere horretan aritu gara. Hiru
pelikula izan ditugu hautatzeko eta inork ikusi ez duena ikusi dugu. Nire ustez, normala izan da
inork ikusita ez izatea, zeren eta, nire iritzitan, ez dago film txarragorik (film honetan norbaitek
tiro egiten zion norbaiti eta azken hau hil egiten zen bere gorputzean balarik ikusten ez zela,…).
Egunaren amaieratzat etxera joan eta ohera joan naiz eguneko nekealdia zela eta.
Eguaztena22
Beti bezala zazpiretan jaiki naiz gaur goizean. Zortziretan autoan montatu eta zortzirak eta
hogeirako arteko klasean egon gara jada. Bertan gure bikoteekin eserita geundela pintzelekin
zerbait marraztu dugu. Gero, desatsegina iruditu zaidan andereño batekin kimika egin behar
izan dugu. Hurrengo klasean, Manchesterrera joan ginen denok batu eta aurreko astean egiten
hasi ginen marrazkia bukatu eta inprimatu egin dugu.
Bazkaria jan eta gero, autobusa hartu dugu euskaldunok berrogeita bost minutura dagoen
baserri ekologiko batera joateko. Bertan ginela, gidariak hainbat landare mota erakutsi dizkigu
eta gero gauzak probatzeko ordua iritsi da. Taldea bi zatitan banatu eta lehenik marrubiak
batzera eta loreontzietan ipintzera joan gara. Ekintza hau burututakoan, Hazi batzuk ipini
ditugu lurrez beteta egon diren poltsa batzuetan. Nire ustez ekintza interesgarria izan da.
Bukatzeko, eskolan afaldu dut, gero Katierekin etxera joan, bertan Wiira jolastu eta ohera joan
naiz